دعوت اسلامی کے تحت فیضان مدینہ اسلام آباد میں اسلام آباد کا سب سے بڑا سنت اعتکاف جاری
اشاعت کی تاریخ: 24th, March 2025 GMT
دعوت اسلامی کے تحت فیضان مدینہ اسلام آباد میں اسلام آباد کا سب سے بڑا سنت اعتکاف جاری WhatsAppFacebookTwitter 0 24 March, 2025 سب نیوز
اسلام آباد(سب نیوز)دعوت اسلامی کے تحت اسلام آباد فیضان مدینہ سمیت اسلام آباد کے مختلف دعوت اسلامی کی مساجد میں سنت اعتکاف ہو رہا ہے جبکہ جی الیون فیضان مدینہ میں تربیتی سنت اعتکاف دعوت اسلامی کے رکن شوری حاجی وقار المدینہ صاحب کروا رہے جس میں اسلام کے بنیادی ارکان اور روز مرہ پیش آنے والے مسائل، قرآن کریم درست ادائیگی کے ساتھ پڑھنا، نماز و روزہ کے احکام سمیت مسنون دعائیں و سنت و آداب سکھائے جا رہے ہیں ساتھ ہی ساتھ فیضان مدینہ جی الیون مرکز میں روزانہ افطار اجتماع بھی ہو رہا جس میں معتکف لوگوں کے ساتھ ساتھ اسلام آباد سے مختلف شخصیات اور لوگوں کی شرکت ہوتی اور رکن شوری حاجی وقار المدینہ افطار اجتماع میں رقت انگیز دعا و بیان فرما رہے ۔
میڈیا ڈیپارٹمنٹ دعوت اسلامی کے ذمہ دار نے بتایا کہ الحمدللہ عزوجل ہر سال کی طرح اس سال بھی اس وقت اسلام آباد کا سب سے بڑا سنت اعتکاف اسلام آباد فیضان مدینہ جی الیون مرکز اسلام آباد میں ہو رہا جس میں کم و بیش 1500 لوگ اعتکاف کر رہے اور ان کے انتظامات کے حوالے سے بات چیت کرتے ہوئے رکن شوری حاجی وقار المدینہ صاحب کا کہنا تھا کہ الحمدللہ عزوجل 1500 افراد کا کھانا پینا رہائش اور انکی تربیت اور ان کی کلاسز یہ سب کچھ فی سبیل اللہ ہے معتکف حضرات سے اعتکاف کی کوئی فیس نہیں لی جاتی الحمدللہ عزوجل اسلام آباد کا سب سے بڑا اعتکاف فیضان مدینہ جی الیون مرکز میں ہوتا اور اسکی کوئی فیس نہیں لی جاتی رکن شوری حاجی وقار المدینہ صاحب کا کہنا تھا کہ ہمارا مقصد مجھے اپنی اور لوگوں کی اصلاح کی کوشش کرنی ہے اور امت کی خیر خواہی کرنا ہے ان کو دین کی طرف راغب کرنا اور دین سے منسلک کرنا ہے اور بالخصوص ہماری نوجوان نسل جو بے راہ روی کا شکار ہو رہی ہے اپنی نوجوان نسل کو بچانا ہے اس لیے ہماری کوشش ہوتی ہے کہ جب ہمارے ہاں سنت اعتکاف کے بعد کوئی نوجوان اٹھ کر معاشرہ میں جائے تو وہ ہمارے ہاں سے اپنے اندر مثبت تبدیلیاں لے کر جائے ۔
رکن شوری حاجی وقار المدینہ صاحب کا یہ بھی کہنا تھا کہ الحمدللہ عزوجل دعوت اسلامی کے تحت اسلام آباد میں جی الیون مرکز فیضان مدینہ کے ساتھ ساتھ اسلام آباد کے کئی مقامات پر دعوت اسلامی کے تحت سنت اعتکاف ہو رہا جبکہ مرکزی سنت اعتکاف جی الیون میں ہو رہا۔
ذریعہ: Daily Sub News
کلیدی لفظ: اسلام آباد کا سب سے بڑا دعوت اسلامی کے تحت اسلام آباد میں فیضان مدینہ سنت اعتکاف
پڑھیں:
سی ڈی اے اسلام آباد واٹر کا ڈویلپمنٹ پارٹنرز کے ساتھ اسلام آباد میں پانی کی کمی اور بہتر واٹر مینجمنٹ کے حوالے سے کانفرنس کا انعقاد
سی ڈی اے اسلام آباد واٹر کا ڈویلپمنٹ پارٹنرز کے ساتھ اسلام آباد میں پانی کی کمی اور بہتر واٹر مینجمنٹ کے حوالے سے کانفرنس کا انعقاد WhatsAppFacebookTwitter 0 22 April, 2025 سب نیوز
اسلام آباد(سب نیوز)سی ڈی اے اسلام آباد واٹر پوٹنیشل ڈویلپمنٹ پارٹنرز کانفرنس کا انعقاد منگل کے روز مقامی ہوٹل میں کیا گیا. وفاقی سیکرٹری برائے داخلہ محمد خرم آغا اور چیئرمین سی ڈی اے محمد علی رندھاوا نے سی ڈی اے اسلام آباد واٹر کے زیر تحت یونیسیف کے اشتراک سے ڈویلپمنٹ پارٹنرز کانفرنس میں بطور مہمان خصوصی شرکت کی،کانفرنس میں اسلام آباد واٹر کے ممکنہ ڈویلپمنٹ پارٹنرز یونیسیف، جائیکا، ورلڈ بینک، اے ڈی بی، اے ایف ڈی، بینک کے ایف ڈبلیو، ڈنمارک ایمبیسی، آئی ایف سی، پی ڈبلیو او این اور یو این ہبٹیٹ کے نمائندگان نے شرکت کی۔
کانفرنس کے انعقاد کا مقصد پانی کی اہمیت اسکے تحفظ اور مستقبل میں پانی کی ضروریات کو پورا کرنے کے حوالے سے اسلام آباد واٹر ایجنسی کے ساتھ تعاون کو فروغ دینے کے ساتھ ساتھ موسمیاتی تبدیلیوں کے اثرات کی روشنی مستقبل میں پانی کی دستیابی کو ممکن بنانے کے اقدامات پر غور کیا گیا.کانفرنس میں چیئرمین سی ڈی اے محمد علی رندھاوا نے کہا کہ پانی اللہ تعالی کی ایک عظیم نعمت ہے اور اس کا مثر استعمال ہر شخص کی انفرادی ذمہ داری ہے. انہوں نے کہا کہ پانی کے ضیاع کو بچانا دراصل زندگی بچانے کے مترادف ہے اور اس کی ہر بوند انتہائی قیمتی ہے. سی ڈی اے اسلام آباد کے شہریوں کو صاف اور محفوظ پانی کی بلاتعطل فراہمی کیلئے پر عزم ہے اور اس سلسلہ میں کوئی کسر اٹھا نہ رکھی جائے گی. سی ڈی اے نہ صرف پانی کی اہمیت سے آگاہ ہے بلکہ پائیدار کیلئے حل خصوصی توجہ دے رہا ہے تاکہ شہریوں کو کسی بھی قسم کی پریشانی کا سامنا نہ کرنا پڑے۔
اس ضمن میں سی ڈی اے مکمل معلومات پانی کی مستقبل کی ضروریات کا نہ صرف ڈیٹا تیار کررہا ہے بلکہ اسلام آباد میں پانی کی فراہمی کیلئے تمام ممکنہ امکانات پر بھی کام کررہا ہے جہاں سے پانی کا حصول ممکن بنایا جاسکے.ڈویلپمنٹ پارٹنرز کے ساتھ ہر ممکن تعاون کا خواہاں ہے.کانفرنس میں چیئرمین سی محمد علی رندھاوا نے اسلام آباد واٹر ایجنسی کے قیام کو ایک اہم پیشرفت قرار دیتے ہوئے کہا کہ اس ادارے کو جدید سہولیات، ماہرین، تیکنیکی معاونت اور جدید ٹیکنالوجی سے لیس کرنے کیلئے ڈویلپمنٹ پارٹنرز اپنا بھرپور کردار ادا کرسکتے ہیں. انہوں نے کہا کہ ڈویلپمنٹ پارٹنرز کے تعاون سے اسلام آباد میں پانی کی ضروریات کو مثر طریقے سے پورا کیا جاسکتا ہے. انہوں نے کہا کہ سی ڈی اے مستقبل کی ضروریات کو مدنظر رکھتے ہوئے متبادل ذرائع پر بھی خصوصی توجہ دے رہا ہے اور پانی کے نظام کو جدید خطوط پر استوار کرنے کیلئے مختلف منصوبوں پر تیزی سے کام جاری ہے.چیئرمین سی ڈی اے نے خطاب کرتے ہوئے شہریوں سے اپیل کی کہ وہ پانی کے ضیاع کو روکنے میں اپنا بھرپور کردار ادا کریں۔
انہوں نے کہا کہ متعلقہ شعبہ جات کی جانب سے پائپ لائنز کی بروقت مرمت، پانی کے دانشمندانہ استعمال اور بچت کے متعدد طریقہ کار اپنائے جارہے ہیں. مزید برآں، تعلیمی ادارے، سماجی تنظیمیں اور ذرائع ابلاغ بھی عوام میں آگاہی پیدا کرنے کے لیے کلیدی کردار ادا کرسکتے ہیں.کانفرنس میں اسلام آباد واٹر کے ممکنہ ڈویلپمنٹ پارٹنرز کے نمائندگان نے اسلام آباد شہر میں پانی کی اہمیت اسکے تحفظ اور مستقبل میں پانی کی ضروریات کو پورا کرنے پر روشنی ڈالتے ہوئے کہا کہ صاف اور معیاری پانی کی فراہمی کو یقینی بنانے کیلئے وہ سی ڈی اے کے ساتھ ہرممکن تعاون کیلئے تیار ہیں.وفاقی سیکرٹری برائے داخلہ محمد خرم آغا نے کہا کہ مقامی اور بین الاقوامی پوٹنیشل ڈویلپمنٹ پارٹنرز کے ساتھ ملکر پانی کے تحفظ اور فراہمی کے متعدد منصوبوں کو سراہا. انہوں نے کہا کہ سی ڈی اے یونیسف کے ساتھ ملکر اسلام آباد واٹر کے پوٹنیشل ڈویلپمنٹ پارٹنرز کی تیکنیکی صلاحیتوں اور تجربات سے بھرپور استفادہ کرنے کیلئے ایک اچھا قدم اٹھایا ہے۔ امید ظاہر کی جاتی ہے کہ مستقبل میں سی ڈی اے اسلام آباد کے شہریوں کی ضروریات کو مدنظر رکھتے ہوئے پانی کی فراہمی کو یقینی بنانے کیلئے اپنا بھرپور کردار ادا کرتا رہے گا. انہوں نے مزید کہا کہ پانی کے تحفظ کیلئے بھرپور کوششیں ناگزیر ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرمجسٹریٹ ترنول زون میر یامین کی گراں فروشوں کے خلاف کارروائی،8 دوکاندارگرفتار مجسٹریٹ ترنول زون میر یامین کی گراں فروشوں کے خلاف کارروائی،8 دوکاندارگرفتار عمران خان کو معدنی وسائل ایکٹ پر تحفظات، وزیراعلی علی امین گنڈا پور کو طلب کرلیا وفاقی دارالحکومت میں نجی سیکورٹی کمپنیز اور گارڈز کی انسپکشن ، نجی سیکورٹی کمپنی کا منیجر ،بغیر لائسنس اسلحہ استعمال کرنے والے گارڈزگرفتار مقبوضہ جموں و کشمیر کے سیاحتی مقام پر فائرنگ سے کم از کم 5افراد ہلاک ، متعدد زخمی امریکی وفد کی عمران خان سے کوئی ملاقات نہیں ہوئی، سلمان اکرم راجہ اداکارہ عفت عمر نے پنجاب حکومت کا معاون برائے ثقافت کا عہدہ لینے سے معذرت کرلیCopyright © 2025, All Rights Reserved
رابطہ کریں ہمارے بارے ہماری ٹیم
بھارت مانے یا نہ مانے ہم کہیں گے کہ کلبوشن کو انہوں نے ہی بھیجا ہے، جسٹس محمد علی مظہر