’بریانی میں فروٹ چاٹ ملا کر کھاتی ہوں‘، حرا مانی کی ویڈیو پر صارفین کے دلچسپ تبصرے
اشاعت کی تاریخ: 24th, March 2025 GMT
پاکستان شوبز انڈسٹری کی معروف اداکارہ حرا مانی نے انکشاف کیا ہے کہ وہ بریانی میں فروٹ چاٹ ڈال کر کھاتی ہیں۔
ایک انٹرویو کے دروان اداکارہ حرا مانی نے بتایا کہ ’مجھے میٹھا بہت پسند ہے اس لیے میں بریانی میں زردہ یا فروٹ چاٹ ملا کر کھاتی ہوں‘۔
حرا مانی نے مزید بتایا کہ ان کے شوہر مانی بھی اس عادت پر حیران رہ جاتے ہیں، انہوں نے کہا کہ ’جب میں مانی کی طرف چمچہ بڑھاتی ہوں تو وہ کہتے ہیں یہ تم کیسے کر لیتی ہو؟ اور مجھے بھی کھانے کو کہتی ہو؟‘
View this post on Instagram
A post shared by Niche Lifestyle (@nichelifestyle)
انٹرویو کے دوران میزبان نے حیرت کا اظہار کرتے ہوئے حرا مانی سے کہا کہ آپ کراچی سے ہیں، پھر بھی بریانی میں فروٹ چاٹ کیسے مکس کر لیتی ہیں؟ جس پر حرا مانی نے جواب دیا کہ ’مجھے میٹھا بہت پسند ہے، اسی لیے میں ایسا کر لیتی ہوں‘۔
سوشل میڈیا پر حرا مانی کے اس انکشاف پر مختلف ردعمل دیکھنے کو مل رہا ہے۔ ایک صارف نے طنزاً لکھا کہ کبھی حلیم میں فروٹ چاٹ ڈال کر ٹرائی کریں۔
ہانیہ نامی صارف نے لکھا کہ یہ جان بوجھ کر ایسا بولتی ہیں کیونکہ یہ جانتی ہیں کہ مشہور کس طرح ہوا جاتا ہے پھر چاہے اس بات پر مذاق ہی کیوں نہ بنے۔
یہ بھی پڑھیں: اداکارہ حرامانی کو سوشل میڈیا صارفین کی تنقید کا سامنا کیوں؟
ایک صارف نے لکھا کہ ’انہیں زندگی میں اتنا اعماد چاہیے بس‘ تو کئی صارفین ایسے بھی تھے جن کا کہنا تھا کہ اس میں کوئی انوکھی بات نہیں ہے وہ بھی ایسا ہی کرتے ہیں اور کبھی میٹھے چاولوں پر سالن ڈال کے کھا لیتے ہیں تو کبھی بریانی پر چینی۔
ملیحہ سید لکھتی ہیں کہ میٹھا پسند ہونے کا مطلب ہے کہ بریانی کا بیڑہ غرق کر دیا جائے، یہ بریانی کے ساتھ نا انصافی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بریانی حرا مانی فروٹ چاٹ.ذریعہ: WE News
کلیدی لفظ: بریانی فروٹ چاٹ بریانی میں
پڑھیں:
اب بغیر انٹرنیٹ ترجمہ کریں، واٹس ایپ کے نئے فیچر میں خاص بات کیا ہے؟
میٹا کی زیرِ ملکیت مقبول میسجنگ ایپ واٹس ایپ نے اپنے اینڈرائیڈ صارفین کے لیے ایک نیا اور کارآمد فیچر متعارف کرا دیا ہے، جس کے تحت اب چیٹ اور چینلز میں براہِ راست ترجمہ کیا جا سکے گا۔ یہ فیچر فی الحال واٹس ایپ بیٹا ورژن 2.25.12.25 استعمال کرنے والے مخصوص اینڈرائیڈ صارفین کے لیے دستیاب ہے، جب کہ جلد ہی اسے عام صارفین کے لیے بھی متعارف کرایا جائے گا۔
نیا فیچر صارفین کو اسپینش، عربی، پرتگالی، ہندی اور روسی زبانوں میں لکھے گئے پیغامات کا ترجمہ براہ راست ایپ کے اندر کرنے کی سہولت فراہم کرتا ہے۔ دلچسپ بات یہ ہے کہ یہ ترجمہ آن ڈیوائس یعنی فون پر ہی مکمل ہوتا ہے، اس کے لیے انٹرنیٹ کنیکشن درکار نہیں ہوگا۔
مزید پڑھیں: وٹس ایپ نے ایموجی ری ایکشنز انٹر فیس میں دلچسپ تبدیلیاں کردیں
صارفین کو اس سہولت کے استعمال کے لیے پہلے مخصوص زبانوں کے پیک ڈاؤن لوڈ کرنے ہوں گے، جو الگ الگ یا کثیر لسانی ڈیٹیکشن پیک کی شکل میں دستیاب ہیں۔ ترجمہ کا آپشن چیٹ انفارمیشن اسکرین پر ایک ٹوگل کی صورت میں موجود ہوگا، جسے انفرادی اور گروپ چیٹس دونوں میں فعال کیا جا سکے گا۔
اس کے علاوہ، صارفین کسی بھی مخصوص پیغام پر لانگ پریس کرکے ’ Translate ‘ آپشن منتخب کرکے فوری طور پر اس کا ترجمہ بھی کر سکیں گے۔ اگرچہ یہ آن ڈیوائس ترجمہ فیچر کلاؤڈ بیسڈ سروسز جتنی درستگی فراہم نہیں کرتا، تاہم واٹس ایپ نے صارفین سے فیڈبیک کی درخواست کی ہے تاکہ اس فیچر کو مزید بہتر بنایا جا سکے۔ کمپنی نے یہ بھی واضح کیا ہے کہ صارفین کی پرائیویسی کے تحفظ کے پیش نظر پیغامات کا مواد میٹا کو نہیں بھیجا جائے گا۔
بیٹا ورژن استعمال کرنے والے صارفین سے کہا گیا ہے کہ وہ اس فیچر کا بھرپور تجربہ کریں اور اپنی رائے شیئر کریں تاکہ حتمی ریلیز سے قبل اس میں مزید بہتری لائی جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپینش، پرتگالی، عربی، میٹا واٹس ایپ
17 اپریل کو عام تعطیل کا اعلان