ایم ڈی اے، سابق کرپٹ افسران نیب کے نرغے میں آگئے
اشاعت کی تاریخ: 24th, March 2025 GMT
پانچ گریڈ کے میل ویکسی نیٹر عرفان بیگ نے 2025تک سرکاری زمینوں پر قبضے کیے
شاہ لطیف ٹاؤن میں سیکٹر24کی زمین کا جعلی لے آؤٹ پلان کی انکوائری بھی جاری
سابق کرپٹ افسران نیب کے نرغے میں آگئے۔اطلاعات کے مطابق قومی احتساب بیورو میں ایم ڈی اے کے افسران کے خلاف کارروائی بہت تیز رفتاری سے چل رہی ہے ۔ان جعلساز افسران میں شامل عرفان بیگ اور لئیق احمد بھی سرفہرست ہیں۔ خاص طور پر عرفان بیگ جس نے 2021 سے لیکر 2025 تک ایم ڈی اے میں لاتعداد کرپشن اور سرکاری زمینوں پر قبضے کیے ہیں اب باقاعدہ طور پر عرفان بیگ کے خلاف نیب سندھ میں کاروائی کا آغاز کیا گیا ہے ۔ جس میں محکمہ اینٹی کرپشن بھی قومی احتساب بیورو کی معاونت میں شامل ہے چونکہ عرفان بیگ کے خلاف متعدد شکایات درج ہیں جن میں پانچ گریڈ کے میل ویکسینٹر، اربوں روپے کے کمرشل پلاٹس، جعلی لے آؤٹ پلان، عوامی پلاٹس پر قبضے کرا کر من پسند لوگوں سے اربوں روپے پکڑ کر جعلی ہاؤسنگ سوسائٹی شامل ہیں۔ ذرائع کے مطابق عرفان بیگ اور لئیق احمد نے شاہ لطیف ٹاؤن میں بھی سیکڑ 24 کی زمین کا جعلی لے آؤٹ پلان پاس کر کے دیا ہے جس کی انکوائری نیب میں زیر سماعت ہے ۔ عرفان بیگ کافی عرصے تک ایم ڈی اے کے سیاہ و سفید کا مالک بنا رہاہے اور اپنے آقاؤں کی مدد سے قانون نافذ کرنے والے اداروں کو اکثر چکمہ دینے میں کامیاب بھی رہا ہے لیکن جب سے احتساب کا شکنجہ کسا گیا ہے سارے آقا جو سسٹم مافیا کے نام سے مشہور تھے سب بلوں میں چلے گئے ہیں اور اب عرفان بیگ نے لینڈ گریبنگ، جعلی لے آؤٹ پلان، سرکاری ریکارڈ میں خرد برد کر کے اربوں روپے لوٹے ہیں احتساب کے ریڈار پر آگئے ہیں۔ عرفان بیگ کے قریبی ذرائع کے مطابق اس وقت عرفان بیگ کے پاس دو ارب سے اوپر رقم موجود ہے باقی اگر پراپرٹی کی کی بات کی جائے تو عرفان بیگ کی پراپرٹی پورے پاکستان اور پاکستان سے باہر ترکی اور آذربائجان میں بھی پھیلی ہوئی ہے ۔ عرفان بیگ کا کراچی میں گھر جسکی مالیت 12 کروڑ سے اوپر ہے اس بات کا منہ بولتا ثبوت ہے کہ ایک پانچ گریڈ کا میل ویکسی نیٹر مزیدکن کن پراپرٹی کا مالک ہوگا۔ عرفان بیگ کے ساتھ لئیق احمد جو کہ سمپل ڈپلومہ ہولڈر پچھلے تین سالوں سے ڈائریکٹر ٹاؤن پلاننگ بن کر بیٹھا ہوا ہے ۔ اس کے خلاف انجینئرنگ کونسل اسلام آباد نے ایکشن بھی لیا لیکن لوکل گورنمنٹ کے آشیرباد سے لئیق احمد کا پروموشن بھی ہوگیا اور آج تک لئیق احمد اسی عہدے پر براجمان ہے۔ ذرائع کے مطابق لئیق احمد نے 2022 میں بحریہ ٹاؤن کا جو جعلی لے آؤٹ پلان پاس کیا ہے، اس کے حوالے سے نیب میں باقاعدہ شکایت درج کرا دی گئی ہے کہ باقی ایم ڈی اے افسران کے ساتھ لئیق احمد کو بھی شامل تفتیش کیا جائے ۔خیر اب دیکھنا یہ ھے کہ نیب عرفان بیگ اور لئیق احمد کے خلاف کیا کارروائی کرتی ہے یا پھر اپنی پرانی روایت کے مطابق کچھ طے توڑ کے بع ان جعلسازوں کو چھوڑ دیا جاتا ہے۔
.ذریعہ: Juraat
پڑھیں:
وفاق میں بیٹھے کرپٹ ٹولے نے 5300 ارب روپے کی تاریخی کرپشن کی ہے، وزیر اعلیٰ کے پی
وزیراعلیٰ خیبر پختونخوا سہیل آفریدی نے یونیورسٹی آف پشاور کے اکنامکس ڈیپارٹمنٹ کا اچانک اور غیر رسمی دورہ کیا جہاں طلبہ سے براہِ راست گفتگو کی گئی۔
تفصیلات کے مطابق سہیل آفریدی نے جامعہ پشاور کی مالی خودکفالت کے لیے وائس چانسلر کو قابلِ عمل تجاویز پیش کرنے کی ہدایت دیں۔
وزیراعلیٰ نے کہا کہ ملک پر قابض کرپٹ ٹولے نے پاکستان کی معیشت کو تباہی کے دہانے پر پہنچا دیا ہے۔ وفاق میں بیٹھے کرپٹ ٹولے نے 5300 ارب روپے کی تاریخی کرپشن کی ہے۔
انہوں نے کہا کہ این ایچ پی کی مد میں وفاق کے ذمے خیبرپختونخوا کے 2200 ارب روپے سے زائد بقایا ہیں۔ این ایف سی کی مد میں ضم اضلاع کے 1375 ارب روپے وفاق کے ذمے واجب الادا ہیں۔
انہوں نے مزید کہا کہ واٹر چارجز کی مد میں بھی اربوں روپے بقایا ہیں۔ یونیورسٹی ہاسٹلز میں مقیم طلبہ کو رعائتی نرخوں پر کھانا فراہم کرنے کے لیے تجاویز طلب کرلی گئی ہیں۔
وزیر اعلی نے اکنامکس ڈیپارٹمنٹ کی کمپیوٹر لیب اپ گریڈ کرنے کا اعلان کیا اور اکنامکس ڈیپارٹمنٹ، پولیٹیکل سائنس اور ائی ایم سٹڈیز کی 5 کروڑ 30 لاکھ روپے کی لاگت سے سولرائزیشن کا بھی اعلان کیا گیا۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر