گورنر سندھ نے ممتاز پاکستانی خطاط واصل شاہد کی خطاطی نمائش کا افتتاح کر دیا
اشاعت کی تاریخ: 23rd, March 2025 GMT
گورنر سندھ نے ممتاز پاکستانی خطاط واصل شاہد کی خطاطی نمائش کا افتتاح کر دیا WhatsAppFacebookTwitter 0 23 March, 2025 سب نیوز
کراچی(سب نیوز) گورنر سندھ کامران ٹیسوری نے گورنر ہاس کراچی میں معروف پاکستانی خطاط واصل شاہد کے فن پاروں کی نمائش کا افتتاح کیا۔ یہ نمائش ترکیہ کے اساطیری خطاط استاد حسن چیلبی کو خراج عقیدت پیش کرنے کے لیے منعقد کی گئی، جس میں واصل شاہد کے 23 فن پارے شامل ہیں۔ اس کا اہتمام ترک قونصل خانے نے ترک مرکز ثقافت یونس ایمرے انسٹی ٹیوٹ کے تعاون سے کیا ہے۔ افتتاحی تقریب میں ترک قونصل جنرل ڈاکٹر جمال سانگو سمیت کئی مسلم ممالک کے قونصل جنرلز اور سفارت کار بھی شریک تھے۔
اس موقع پر گورنر سندھ کامران ٹیسوری نے خطاطی کو مسلم ثقافت کی ایک بڑی علامت قرار دیتے ہوئے کہا کہ یہ ایک ایسا فن ہے جس کے بطن سے کئی دیگر اہم فنون نے جنم لیا۔ انہوں نے پاکستان اور ترکیہ کے قریبی تعلقات پر روشنی ڈالتے ہوئے کہا کہ دونوں ممالک آزمائش کی گھڑی میں ہمیشہ ایک دوسرے کے ساتھ کھڑے رہے ہیں اور یہ مشترکہ ثقافتی ورثہ نسل انسانی کے بہتر مستقبل کا ضامن ہے۔ انہوں نے واصل شاہد کے فن کی تعریف کرتے ہوئے کہا کہ انہوں نے مسلم ثقافتی ورثے کو زندہ رکھنے میں اہم کردار ادا کیا ہے اور وہ مبارک باد کے مستحق ہیں۔یونس ایمرے انسٹی ٹیوٹ پاکستان چیپٹر کے سربراہ پروفیسر ڈاکٹر خلیل طوقار نے اس موقع پر کہا کہ مسلمانوں نے خطاطی کے فن کو اپنے خونِ جگر سے سینچا ہے اور اس کی تاریخ و روایت بے حد شاندار ہے۔
انہوں نے مزید کہا کہ خطاطی دنیا کا واحد فن ہے جو انسان کے ذوق کی تسکین کے ساتھ ساتھ اس کے دل و دماغ کو بھی سکون فراہم کرتا ہے۔ ڈاکٹر خلیل طوقار نے اس عزم کا اعادہ کیا کہ یونس ایمرے انسٹی ٹیوٹ مشترکہ ثقافتی ورثے کے فروغ کے لیے اپنے تمام وسائل بروئے کار لاتا رہے گا۔خطاط واصل شاہد نے اس موقع پر گورنر سندھ، ترک قونصل جنرل اور یونس ایمرے انسٹی ٹیوٹ کا شکریہ ادا کیا اور اس عزم کا اظہار کیا کہ وہ اپنی صلاحیتوں کو بروئے کار لاتے ہوئے مسلم ثقافتی ورثے کے فروغ کے لیے کام کرتے رہیں گے۔یہ نمائش فنِ خطاطی کے شائقین کے لیے ایک نادر موقع ہے کہ وہ اسلامی ثقافت کے اس عظیم ورثے سے لطف اندوز ہوں۔
.ذریعہ: Daily Sub News
کلیدی لفظ: خطاط واصل شاہد گورنر سندھ
پڑھیں:
سیالکوٹ تاجر برادری کا ایتھوپیا میں سنگل کنٹری نمائش میں شرکت کے لیے دلچسپی کا اظہار
سیالکوٹ تاجر برادری کا ایتھوپیا میں سنگل کنٹری نمائش میں شرکت کے لیے دلچسپی کا اظہار WhatsAppFacebookTwitter 0 21 April, 2025 سب نیوز
سیالکوٹ(سب نیوز )سیالکوٹ چیمبر آف کامرس اینڈ انڈسٹری میں منعقدہ ایک اعلی سطحی بزنس فورم کے دوران، سیالکوٹ کی تاجر برادری نے ایتھوپیا کے دارالحکومت ادیس ابابا میں 15 سے 17 مئی 2025 کو منعقد ہونے والی پاکستان کی سنگل کنٹری نمائش میں شرکت کے لیے گہری دلچسپی کا اظہار کیا ہے۔
سیالکوٹ چیمبر آف کامرس اینڈ انڈسٹری میں منعقدہ اس اعلی سطحی بزنس فورم کا اہتمام ایتھوپیا کے سفارت خانے، وزارتِ تجارت پاکستان، ٹریڈ ڈیولپمنٹ اتھارٹی آف پاکستان (TDAP) اور سیالکوٹ چیمبر کے باہمی اشتراک سے کیا گیا تھا۔ فورم کی مشترکہ صدارت پاکستان میں ایتھوپیا کے سفیر بکر عبداللہ اور سیالکوٹ چیمبر کے صدر اکرام الحق نے کی۔ فورم کا بنیادی مقصد سیالکوٹ کی تاجر برادری کو ادیس ابابا میں ہونے والی سنگل کنٹری نمائش کے مواقع اور تفصیلات سے آگاہ کرنا تھا۔
اپنے خطاب میں سفیر جمال بکر عبداللہ نے ایتھوپیا کے ساتھ تجارتی روابط کو فروغ دینے میں سیالکوٹ چیمبر کی مسلسل کوششوں کو سراہا اور مئی 2024 میں ایتھوپیا کا دورہ کرنے والے پاکستانی تجارتی وفد کی کامیاب شرکت کا بھی ذکر کیا۔ انہوں نے اس بات پر زور دیا کہ ایتھوپیا کے سفارت خانے اور سیالکوٹ چیمبر کے درمیان اسٹریٹجک شراکت داری میں مسلسل پیش رفت ہو رہی ہے، جو دونوں برادر ممالک کے مابین تجارت اور سرمایہ کاری کے مواقع کو اجاگر کرنے میں کلیدی کردار ادا کر رہی ہے۔
سفیر نے بتایا کہ ایتھوپیا نے دو مراحل پر مشتمل معاشی اصلاحات کے ذریعے سرمایہ کاری کے لیے ایک انتہائی سازگار ماحول قائم کیا ہے، جس میں غیر ملکی سرمایہ کاری کے لیے خصوصی مراعات اور کاروباری آسانیوں کو فروغ دیا گیا ہے۔انہوں نے مزید آگاہ کیا کہ سنگل کنٹری نمائش کے موقع کے ساتھ ساتھ، 12 اور 13 مء کو ادیس ابابا میں ‘انویسٹ ان ایتھوپیا’ کے عنوان سے ایک اعلی سطحی بزنس فورم بھی منعقد ہورہا ہے جس میں دنیا بھر سے تاجر برادری کو مدعو کیا ہے ۔ انہوں نے اسے پاکستانی کاروباری برادری کے لیے ایک سنہری موقع قرار دیا جہاں وہ نہ صرف ایتھوپیا بلکہ پورے افریقہ کے اہم تجارتی حلقوں سے روابط قائم کر سکتے ہیں۔
سیالکوٹ چیمبر کے صدر جناب اکرام الحق نے سفیر کے خیالات کی تائید کرتے ہوئے کہا کہ سیالکوٹ کی صنعتی مہارت کو ادیس ابابا میں بھرپور طریقے سے پیش کیا جائے گا۔ انہوں نے چیمبر کے اراکین پر زور دیا کہ وہ ایتھوپیا میں نئے کاروباری امکانات تلاش کریں، جو افریقہ میں تجارت کی توسیع کے لیے ایک اہم اسٹریٹجک مرکز کی حیثیت رکھتا ہے۔ یہ فورم پاکستان اور ایتھوپیا کے درمیان بڑھتی ہوئی معاشی سفارت کاری میں ایک اہم سنگِ میل کی حیثیت رکھتا ہے، جو دوطرفہ تجارت، صنعتی تعاون اور سرمایہ کاری کی شراکت داری کو مزید مضبوط بنانے کے لیے ایک مستحکم بنیادفراہمکریگا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرنواز شریف کی طبیعت ناساز، لندن میں اپنا قیام بڑھادیا اگلی خبرعلی امین گنڈاپور نے خیبرپختونخوا مائنز اینڈ منرل ایکٹ پر سوشل میڈیا بیانیہ اڑا دیا عمران خان سے منگل کو ملاقات کا دن، فیملی ممبران کی فہرست جیل انتظامیہ کو ارسال ٹیرف کے اعلان کے بعد تجارتی معاہدے پر مذاکرات، امریکی نائب صدر کا دورہ انڈیا ججزسنیارٹی کیس، وفاقی حکومت نیعدالت میں ججز تبادلوں پر تمام خط و کتابت جمع کرادی جے یو آئی کے ساتھ اتحاد نہ ہونے کا معاملہ: بیرسٹر گوہر کا ردِ عمل آ گیا امریکی سیکرٹری دفاع نے نجی گروپ میں بھی یمن حملوں کی تفصیلات شیئر کیں، امریکی اخبار خیبر پختونخوا: سکیورٹی فورسز کے 2 آپریشنز، سرغنہ سمیت 6 خوارج ہلاکCopyright © 2025, All Rights Reserved
رابطہ کریں ہمارے بارے ہماری ٹیم
خلیل الرحمٰان قمر ہنی ٹریپ اغوا کیس کا فیصلہ آج سنایا جائے گا