ہم بھی مسلمان ہیں، نماز پڑھتے اور روزے رکھتے ہیں: منال خان
اشاعت کی تاریخ: 23rd, March 2025 GMT
پاکستانی شوبز انڈسٹری کی معروف اور باصلاحیت اداکارہ منال خان نے نماز اور روزوں پر تنقید کرنے والوں کو جواب دے دیا۔
منال خان سوشل میڈیا پر بھی بہت سرگرم رہتی ہیں اور انسٹاگرام پر ان کے 10.4 ملین فالوورز ہیں۔
منال خان اکثر اپنی روزمرہ زندگی کی جھلکیاں مداحوں کے ساتھ شیئر کرتی ہیں، حال ہی میں انہوں نے فیس بک پر ایک ویڈیو شیئر کی جس میں انہوں نے اپنی مذہبی عبادات پر کی جانے والی تنقید کا جواب دیا۔
منال خان نے کہا کہ کل میں نے جو ویڈیو شیئر کی، وہ بہت سارے لوگوں کو پسند آئی، لیکن کچھ نے سوال کیا کہ کیا میں نے مغرب کی نماز پڑھی یا نہیں؟ تو آج میں نے نماز ادا کی اور سوچا آپ سب سے شیئر کر لوں اور ہاں میرے ناخنوں پر نیل پالش بھی نہیں ہے، ہم بھی مسلمان ہیں نماز پڑھتے ہیں، روزے رکھتے ہیں اور عبادت بھی کرتے ہیں۔
منال خان کی رمضان روٹین کو مداحوں نے بہت سراہا، ان کے دوپٹے کے ساتھ انداز اور نو میک اپ لک کو بھی پسند کیا جا رہا ہے۔
Post Views: 1.ذریعہ: Daily Mumtaz
کلیدی لفظ: منال خان
پڑھیں:
مولانا محمد علی قدسی سپرد خاک‘ محمد اسحاق خان نے نماز جنازہ پڑھائی
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) جماعت اسلامی ضلع غربی کے دیرینہ رکن مولانا محمد علی قدسی گزشتہ روز قضائے الٰہی سے انتقال کرگئے، مرحوم کی نماز جنازہ معاون خصوصی جماعت اسلامی کراچی محمد اسحاق خان کی اقتدا میں ادا کی گئی۔ نائب امیر جماعت اسلامی پاکستان ڈاکٹر اسامہ رضی، مرکزی رہنماؤں میں ڈاکٹر معراج الہدیٰ صدیقی، اسداللہ بھٹو، نوید علی بیگ، محمد اسحاق خان، جے یو آئی کے مولانا عقیل و دیگر سماجی، مذہبی و سیاسی پارٹیوں کے ذمے داران، اہل محلہ اور مولانا کے عقیدت مندوں نے بڑی تعداد میں شرکت کی اور مولانا کے بیٹوں احمد علی قدسی، ابو دجانہ اور عبید احمد قدسی سے مولانا کے انتقال پر تعزیت کی۔ امیر جماعت اسلامی ضلع غربی مدثر انصاری نے نماز جنازہ میں شریک ہونے والے حضرات کا شکریہ ادا کیا اور کہا کہ مولانا محمد علی قدسی نے اپنی پوری زندگی دین کی خدمت اور اس کے نفاذ کی جدو جہد میں گزاری۔ اورنگی ٹاؤن میں ان کے قائم کردہ دو مدرسے ان کے لیے ہمیشہ صدقہ جاریہ بنیں گے۔ اپنے پیچھے جو نیک اولاد انہوں نے چھوڑی ہے وہ ان کے لیے بہترین صدقہ جاریہ ہے اور الحمدللہ ان کے تمام بچے ان کے مشن سے وابستہ اور اسی تحریک اسلامی کا حصہ ہیں جس میں انہوں نے پوری زندگی کھپائی۔ بس ہمیں دیکھنا چاہیے کہ مولانا کی طرح کیا ہم ایک ایک محلے تک دین کی دعوت پہنچانے کی کوشش کررہے ہیں۔ آئیں ہم عہد کریں کہ مولانا کے اس مشن کو جاری رکھیں گے۔ اللہ تعالیٰ مولانا کی مغفرت فرمائے، گھر والوں کو صبر جمیل عطا فرمائے اور ہمیں ان کے نقش قدم پر چلنے کی توفیق عطا فرمائے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر