وزیرِ اعظم محمد شہباز شریف سعودی عرب کا دورہ مکمل کر کے جدہ سے اسلام آباد روانہ
اشاعت کی تاریخ: 22nd, March 2025 GMT
جدہ(نیوز ڈیسک) وزیراعظم پاکستان محمد شہباز شریف نے اپنا چار روزہ سرکاری دورہ مکمل کرنے کے بعد جدہ سے اسلام آباد کے لیے روانہ ہو گئے۔ گورنر جدہ شہزادہ سعود بن عبد اللہ بن جلاوی نے ایئرپورٹ پر وزیراعظم کو رخصت کیا۔
وزیراعظم نے 19 سے 22 مارچ 2025 تک سعودی عرب کا دورہ کیا، جس کا مقصد پاکستان اور سعودی عرب کے درمیان دوطرفہ تعلقات کو مزید مضبوط بنانا، اقتصادی تعاون کو فروغ دینا اور سرمایہ کاری کے مواقع بڑھانا تھا۔
دورے کے دوران وزیراعظم شہباز شریف نے سعودی ولی عہد و وزیراعظم محمد بن سلمان آل سعود سے ملاقات کی، جس میں تجارت کے فروغ، کلیدی شعبوں میں شراکت داری بڑھانے اور وسیع تر اقتصادی تعاون پر تبادلہ خیال کیا گیا۔
اس کے علاوہ، وزیراعظم نے سعودی وزیر سرمایہ کاری خالد الفالح اور اقتصادی امور کے لیے تشکیل کردہ ٹاسک فورس کے سربراہ محمد التجویری سے بھی ملاقات کی، جس میں پاکستان میں مزید سعودی سرمایہ کاری کے امکانات پر بات چیت کی گئی۔
دورے کے اختتام پر وزیراعظم نے مدینہ منورہ میں روضہ رسول پر حاضری دی اور مکہ مکرمہ میں اپنے وفد کے ہمراہ عمرہ ادا کیا۔
Post Views: 1.ذریعہ: Daily Mumtaz
پڑھیں:
ترکمان صدر کی دعوت، وزیراعظم شہباز شریف اشک آباد روانہ
اشک آباد (ویب ڈیسک) وزیراعظم شہباز شریف گیارہ اوربارہ دسمبر کو ترکمانستان میں بین الاقوامی فورم برائے امن و اعتماد میں شرکت کریں گے۔ اس موقع پر وہ ترکمانستان کے صدر سردار بردی محمدوف سے ملاقات کریں گے اور دورے کے دوران دیگر ممالک کے رہنماؤں سے بھی ملاقاتیں متوقع ہیں۔
ملاقاتوں میں باہمی تعاون، خطے میں استحکام، معاشی شراکت داری اور توانائی کے منصوبوں خصوصاً تاپی گیس منصوبے کی پیش رفت پر تبادلہ خیال کیا جائے گا۔
وزیراعظم کے ساتھ نائب وزیراعظم ووزیرخارجہ اسحاق ڈار،وزیراطلاعات عطا تارڑ اور دیگر اعلیٰ حکام بھی ہوں گے۔ عالمی امن فورم میں روس، ایران، ازبکستان، آذربائیجان، قازقستان اور دیگر سربراہان بھی شریک ہوں گے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر