سعودی عرب سے پاکستان کو بڑی مدد: آئی ایم ایف قسط ملنے کی راہ ہموار
اشاعت کی تاریخ: 22nd, March 2025 GMT
سعودی عرب سے پاکستان کو ایک ارب 20 کروڑ ڈالر کا پیٹرول مؤخر ادائیگوں پر ملنا شروع ہو گیا جس سے آئی ایم ایف کی اگلی قسط ملنے کی راہ ہموار ہو گئی ہے۔
یہ بھی پڑھیں: وزیراعظم شہباز شریف اور سعودی ولی عہد کی ملاقات، پاکستان سعودی عرب شراکت داری کو نئی بلندیوں تک پہنچانے کے عزم کا اعادہ
سینیئر صحافی مہتاب حیدر نے وی نیوز کے ساتھ ایک انٹرویو میں بتایا کہ مارچ کے مہینے سے ہی سعودی عرب کی جانب سے پاکستان کو 100 ملین ڈالر ماہانہ کی آئل فیسیلیٹی ملنا شروع ہو گئی ہے جو اگلے سال فروری تک ہر ماہ دستیاب ہو گی جس کی کل مالیت ایک ارب 20 کروڑ ڈالر ہے۔
مہتاب حیدر کا کہنا تھا کہ سعودی سہولت سے آئی ایم ایف کی اگلی قسط جلد ملنے کی راہ ہموار ہو گئی ہے کیونکہ عالمی مالیاتی ادارے نے پاکستان سے مطالبہ کیا تھا کہ وہ دوست ممالک سے ڈالرز کی سہولت حاصل کرے۔
انہوں نے کہا کہ سعودی عرب سے ریکوڈک کے لیے سرمایہ کاری اگلے بجٹ سے پاکستان کو ملنے کا امکان ہے جس سے ملک میں سرمایہ کاری کا ماحول سازگار ہو گا۔
مزید پڑھیے: سعودیہ کا پاکستان کو مؤخر ادائیگی پر 10 کروڑ ڈالر کی ماہانہ پیٹرولیم مصنوعات فراہمی جاری رکھنے کا فیصلہ
ان کا کہنا تھا کہ اس طرح کی سرمایہ کاری سے پاکستان کو متعدد فوائد حاصل ہوں گے اور مزید سرمایہ کاری ملک میں لانے کی راہ ہموار ہو گی۔
چینی کی قیمت مزید بڑھنے کا امکان؟مہتاب حیدر کا کہنا تھا کہ حکومتی ایجنسیوں اور اداروں کے پاس ثبوت موجود ہیں کہ پاکستان میں شوگر انڈسٹری چینی کی قیمت کو 220 روپے فی کلو تک لے جانا چاہتی تھی اس وجہ سے مداخلت کرکے چینی کی قیمت 165 روپے فی کلو طے کی گئی۔
تاہم ان کا کہنا تھا کہ موجودہ حکومت کی جانب سے گزشتہ سال چینی کی ایکسپورٹ کی اجازت دینے سے ملک میں چینی کی قیمت 135 روپے سے بڑھ کر 180 روپے فی کلو تک ہو گئی تھی۔
مہتاب حیدر کا کہنا تھا کہ ملکی معیشت بہت بہتر تو نہیں ہوئی لیکن پہلے سے بہتر ہو چکی ہے جس کے واضح اشارے ملک کے زرمبادلہ کے ذخائر اور مہنگائی کی شرح میں کمی سے ملتے ہیں اور اسٹاک مارکیٹ بھی بہتر ہو رہی ہے۔
تاہم ان کا کہنا تھا کہ ابھی بھی شرح نمو نہیں بڑھی جس کی وجہ سے بہتری کے اثرات عوام تک نہیں پہنچ رہے۔
مزید پڑھیں: بجلی اور پیٹرول کی قیمت میں حیرت انگیز کمی، شہباز شریف کے لیے خوشخبری
مہتاب حیدر نے بتایا کہ پراپرٹی سیکٹر کے حوالے سے ٹیکس کی کمی کا پیکج آئی ایم ایف کی منظوری کے بعد اگلے بجٹ میں پیش ہونے کا امکان ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی ایم ایف پیٹرول سعودی عرب مؤخر ادائیگی پر پیٹرول.ذریعہ: WE News
کلیدی لفظ: ا ئی ایم ایف پیٹرول کا کہنا تھا کہ سے پاکستان کو کی راہ ہموار چینی کی قیمت سرمایہ کاری آئی ایم ایف مہتاب حیدر ہو گئی
پڑھیں:
کراچی، مسجد کے قریب ندی سے انسانی سر برآمد
کراچی:ڈاکس تھانے کے علاقے مچھر کالونی اللہ والی مسجد کے قریب ندی سے ایک انسانی سر ملا ہے جسے ایدھی ایمبولینس کے ذریعے ڈاکس تھانے منتقل کر دیا گیا۔
ایس ایچ او ڈاکس نند لال نے بتایا کہ ملنے والی سر کی عمر 35 سے 40 سال معلوم ہوتی ہے اور فوری طور پر سر کی شناخت نہیں ہو سکی۔
انہوں نے بتایا کہ چند روز قبل گلشن اقبال تھانے کے علاقے گلشن اقبال بلاک 5 پوسٹ آفس کے قریب ایک انسانی دھڑ ملا تھا۔
انہوں نے کہا کہ نالے سے ملنے والے سر اور گلشن اقبال سے ملنے والے دھڑ کا ڈی این اے کروایا جائے گا تاکہ معلوم ہو سکے کہ ملنے والا سر اور دھڑ ایک ہی انسان کا ہے یا الگ الگ انسانوں کے ہیں۔
پولیس اس حوالے سے مزید تفتیش کر رہی ہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر