سوڈان: صدارتی محل بالآخر باغیوں سے آزاد کرالیا گیا
اشاعت کی تاریخ: 21st, March 2025 GMT
سوڈانی فوج بالآخر 2 سال کی لڑائی کے صدارتی محل باغی ریپڈ سپورٹ فورسز سے آزاد کرانے میں کامیاب ہوگئی۔
یہ بھی پڑھیں: پاکستان کی سوڈان میں سعودی اسپتال پر حملے کی مذمت
سرکاری میڈیا کی رپورٹ میں دار الحکومت خرطوم میں واقع صدارتی محل پر کنٹرول حاصل کرلینے اور ریپڈ فورسز کو مار بھگانے کا دعویٰ کیا گیا ہے۔
بیان میں ریپڈ فورسز کا بھاری فوجی سازوسامان تباہ کرنے اور ہتھیار قبضے میں لینے کا اعلان کرتے ہوئے بتایا گیا کہ دیگر زیر قبضہ سرکاری اور فوجی تنصیبات کو بھی آزاد کرالیا گیا ہے۔
دوسری جانب ریپڈ فورسز نے دعویٰ کیا ہے کہ ان کے جنگجو تاحال صدارتی محل کے اندر موجود اور سرکاری فوج سے مقابلہ کر رہے ہیں۔ جنگجوؤں کے بیان میں سرکاری فوج کے 89 فوجیوں کو ہلاک کرنے کا بھی دعویٰ کیا گیا۔
مزید پڑھیے: سوڈان میں فوج اور پیرا ملٹری فورسز آمنے سامنے، صدارتی محل پر کنٹرول کے متضاد دعوے
دریں اثنا سوڈانی وزیر اطلاعات خالد الاعیسر نے ریپڈ فورسز سے کہا ہے کہ وہ ہتھیار ڈال دے۔
مزید پڑھیں: سوڈان میں 7 لاکھ بچے بدترین غذائی قلت کا شکار، دسیوں ہزار کے ہلاک ہونے کا خدشہ
یاد رہے 15 اپریل 2023 میں سوڈانی مسلح افواج کے درمیان اختلافات شدت پکڑتے ہوئے گھمسان مسلح جھڑپوں کی شکل اختیار کرگئے تھے جو مختلف صوبوں تک پھیل گئیں۔
اقوام متحدہ کے مطابق 2 سال سے جاری لڑائی کے نتیجے میں ہزاروں افراد مارے جاچکے ہیں جبکہ ایک کروڑ 20 لاکھ شہری نقل مکانی پر مجبور اور ایک لاکھ سے زیادہ شہری فاقہ کشی کا شکار ہوچکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
خرطوم سوڈان سوڈان باغی سوڈان جنگجو سوڈان صدارتی محل آزاد سوڈان فوج.ذریعہ: WE News
کلیدی لفظ: سوڈان سوڈان باغی سوڈان جنگجو سوڈان صدارتی محل ا زاد سوڈان فوج صدارتی محل
پڑھیں:
متحدہ عرب امارات کے نائب وزیراعظم ہزہائینس شیخ عبداللہ بن زاید آل نہیان سرکاری دورے پر آج پاکستان پہنچیں گے
متحدہ عرب امارات (یو اے ای) کے نائب وزیراعظم اور وزیر خارجہ ہزہائینس شیخ عبداللہ بن زاید آل نہیان 20 اور 21 اپریل کو پاکستان کا سرکاری دورہ کریں گے۔
یہ اعلیٰ سطحی دورہ پاکستان اور یو اے ای کے درمیان گہرے، دوستانہ تعلقات کی عکاسی کرتا ہے اور دونوں ممالک کے باہمی مفاد کے تمام شعبوں میں دوطرفہ تعاون کے مشترکہ عزم کو ظاہر کرتا ہے۔
پاکستان کی وزارت خارجہ سے جاری پریس ریلیز کے مطابق اپنے دورے کے دوران شیخ عبداللہ بن زاید آل نہیان پاکستان کے نائب وزیراعظم و وزیر خارجہ اسحاق ڈار کے ساتھ بات چیت کریں گے۔
یہ بھی پڑھیے: متحدہ عرب امارات اور پاکستان کے درمیان مختلف شعبوں میں تعاون کے معاہدے طے پاگئے
اس ملاقات کے دوران دوطرفہ تعلقات کا جائزہ لیا جائے گا، خاص طور پر تجارت اور سرمایہ کاری، توانائی کے شعبے میں تعاون، علاقائی سلامتی اور لوگوں کے درمیان روابط پر گفتگو ہوگی۔ یہ دورہ دونوں جانب کے نمائندوں کو باہمی دلچسپی اور تشویش کے علاقائی و عالمی صورتحال پر اپنے خیالات کے تبادلے کا موقع بھی فراہم کرے گا۔
اس سے قبل دونوں نائب وزرائے اعظم نے آخری ملاقات 21 فروری کو ابوظہبی میں کی تھی۔
ہزہائینس شیخ عبداللہ اس دورے کے دوران وزیراعظم محمد شہباز شریف سے بھی ملاقات کریں گے۔
وزارت خارجہ کے پریس ریلیز کے مطابق ہزہائینس شیخ عبداللہ بن زاید آل نہیان کا یہ دورہ پاکستان اور یو اے ای کے دیرینہ تعلقات کو مزید مستحکم کرے گا اور متنوع شعبوں میں دوطرفہ تعلقات کو فروغ دینے میں مددگار ثابت ہوگا، جس کا فائدہ دونوں ممالک کے عوام کو ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
شیخ عبداللہ بن زاید آل نہیان وزیر خارجہ
حکومت سندھ کا تکراری تونسہ کینال کھولنے پر ارسا سے سخت احتجاج، فوری بند کرنے کا مطالبہ