اویس لغاری نے مفتاح اسماعیل کی معلومات کو غلط قرار دے دیا
اشاعت کی تاریخ: 21st, March 2025 GMT
وفاقی وزیر توانائی اویس لغاری نے مفتاح اسماعیل کو جواب دیتے ہوئے ان کی معلومات کو غلط قرار دے دیا۔
اپنے بیان میں اویس لغاری نے مفتاح اسماعیل کو مخاطب کرتے ہوئے کہا کہ دوست، آپ کی غلط فہمیاں دور کرتا ہوں تاکہ غلط معلومات روکی جاسکیں، نئی پالیسی میں "گراس میٹرنگ" شامل نہیں، آپ کے ٹیکس حسابات غلط ہیں۔
اویس لغاری نے کہا کہ ہم "نیٹ بلنگ" لاگو کررہے ہیں، گراس میٹرنگ سخت نظام ہے، گراس میٹرنگ کےلیے اضافی میٹرنگ انفرااسٹرکچر درکار ہوتا ہے۔
انہوں نے کہا کہ پیدا ہونے والی تمام بجلی کو گرڈ میں برآمد کرنا ضروری ہوتا ہے، نیٹ بلنگ میں صارف کے پاس اپنی بجلی براہِ راست استعمال کرنے کا اختیار رہتا ہے، یہ آف پیک ریٹ یعنی 42 روپے فی یونٹ پر شمار ہوگا، صارف دن کے وقت زیادہ بجلی خود استعمال کرتا ہے تو اسے 42 روپے فی یونٹ سے فائدہ ہوگا، صرف اضافی برآمد شدہ یونٹس 10 روپے فی یونٹ پر شمار کیے جائیں گے۔
مفتاح اسماعیل نے کہا کہ چار ماہ پہلے اویس لغاری کے باس کہ رہے تھے کہ
اویس لغاری نے کہا کہ بجلی کی برآمد یعنی جو یونٹس صارفین سے خریدے جائیں ان پر کوئی ٹیکس نہیں، ٹیکس صرف ان یونٹس پر لاگو ہوتا ہے جو ڈسکوز صارفین کو فراہم کرتی ہیں، پرانے نیٹ میٹرنگ صارفین کےلیے نرخ 27 روپے فی یونٹ رہے گا، نئے نیٹ میٹرنگ صارفین کےلیے نرخ 10 روپے فی یونٹ رہےگا۔
وزیر توانائی نے کہا کہ مفتاح اسماعیل مالی سال 24-2023 کے اعداد و شمار کی بنیاد پر حساب کر رہے ہیں، اب یہ اعداد و شمار 8 ماہ پرانے ہوچکے، ہم تازہ ترین معلومات دے رہے ہیں، نیٹ میٹرنگ کی گنجائش تقریباً 4 گیگا واٹ ہے، یہ گرڈ سےجڑی ہوئی 4 جی ڈبلیو صلاحیت سالانہ 6 ٹیراواٹ آور بجلی پیدا کرتی ہے۔
.ذریعہ: Jang News
پڑھیں:
امریکی وزیر دفاع نے یمن حملے سے متعلق حساس منصوبہ غیر متعلقہ افراد سے شیئر کیا، میڈیا رپورٹس
امریکی وزیر دفاع پیٹ ہیگستھ نے نجی سگنل چیٹ گروپ میں یمن پر امریکی فضائی حملوں کے بارے میں حساس معلومات غیر متعلقہ افراد کے ساتھ شیئر کردیں۔
نیویارک ٹائمز اور سی این این نے رپورٹ کیا کہ امریکی وزیر نے نجی سگنل چیٹ گروپ میں یمن پر آئندہ امریکی فضائی حملوں کے بارے میں معلومات شیئر کیں جب کہ اس گروپ میں ان کی اہلیہ، بھائی اور ذاتی وکیل شامل تھے۔
رپورٹ کے مطابق اس بات چیت میں تفصیل سے بتایا گیا تھا کہ کب کیا ہوگا، جب کہ امریکی وزیر دفاع پر غیر مجاز افراد کے ساتھ ایک کمرشل پیغام رسا ایپ کے ذریعے حساس فوجی معلومات کا اشتراک کرنے کا الزام لگایا گیا ہے۔
پچھلے مہینے دی اٹلانٹک میگزین نے انکشاف کیا تھا کہ اس کے ایڈیٹر انچیف کو انجانے میں ایک سگنل چیٹ میں شامل کیا گیا جس میں وزیر دفاع اور قومی سلامتی کے مشیر مائیک والٹز سمیت دیگر حکام نے 15 مارچ کو ہونے والے حملوں پر تبادلہ خیال کیا تھا۔
اس انکشاف نے ہنگامہ برپا کر دیا تھا جب کہ امریکی صدر ڈونلڈ ٹرمپ کی انتظامیہ کو غیر دانستہ طور پر حساس معلومات لیک کرنے پر اسکینڈل کا سامنا کرنا پڑا، اس اس لیک کے بارے میں پینٹاگون کے انسپکٹر جنرل کی تحقیقات جاری ہیں۔
امریکی وزیر دفاع کو اپنے ہی حامی کیمپ کے اندر سے بڑھتی ہوئی تنقید کا سامنا ہے جب کہ تین سابق عہدیداروں نے اپنے ایک تحریری بیان میں ان کی مذمت کی اور پینٹاگون کے ان کے اپنے ایک سابق ترجمان نے اتوار کو انہیں برطرف کرنے کا مطالبہ کیا۔
میڈیا رپورٹ پر رد عمل دیتے ہوئے پینٹاگون کے ترجمان شان پارنیل نے نیویارک ٹائمز پر ٹرمپ سے نفرت کرنے والا میڈیا گروپ ہونے کا الزام لگایا۔
اخبار نے رپورٹ کیا کہ شیئر کی گئی معلومات میں یمن میں حوثیوں کو نشانہ بنانے والی پروازوں کا شیڈول بھی شامل ہے۔
سندھ حکومت کا بڑا قدم ، خواجہ سراؤں کے لیے کھیلوں کے انعقاد کا فیصلہ