خیبرپختونخواہ، پولیس اہلکاروں پر فائرنگ سے 2اہلکار جاں بحق
اشاعت کی تاریخ: 21st, March 2025 GMT
پشاور(اردوپوائنٹ اخبار تازہ ترین۔21 مارچ 2025)خیبرپختونخواہ کے مختلف علاقوں میں پولیس اہلکاروں پر فائرنگ سے 2اہلکار جاں بحق ہوگئے، پولیس نے واقعہ کی اطلاع ملتے ہی علاقے کو گھیرے میں لے لیا جبکہ لاشوں کو ہسپتال منتقل کر دیا گیا، تفصیلات کے مطابق ڈی آئی خان میں ہسپتال روڈ پر نامعلوم افراد نے فائرنگ کردی جس سے پولیس اہلکار موقع پر ہی جاں بحق ہوگیا۔
پولیس نے لاش کوہسپتال منتقل کرکے واقعے کی تحقیقات شروع کردی ہیں۔فائرنگ کے ایک اورواقعہ میں سوات کے علاقے فضاگٹ میں پولیس انسپکٹر کو شہید کرنے والے اشتہاری ملزم کے گھر پر چھاپے کے دوران پولیس سپاہی جاں بحق اور دیگر تین اہلکار زخمی ہوگئے۔سرچ اینڈ اسٹرائیک آپریشن کے دوران ملزم اشتہاری احمدزیب کے گھر پر چھاپا مار کارروائی اور گرفتاری کی کوشش کے دوران پولیس پارٹی پر ملزم نے فائرنگ شروع کردی تھی۔(جاری ہے)
ملزم احمد زیب نے پولیس پر فائرنگ کی جس کے نتیجے میں پولیس سپاہی نیاز محمد شہید اور اے ایس آئی امجد اقبال سمیت دو اہلکار سرفراز اور حسین احمد زخمی ہوگئے۔زخمی اور جاں بحق کانسٹیبل کو سینٹرل ہسپتال سیدو شریف منتقل کردیا گیا ہے جب کہ اشتہاری ملزم کی گرفتاری کیلئے پولیس آپریشن جاری ہے۔پولیس نے جوابی کارروائی کے دوران دھماکہ خیز مواد کا استعمال کرتے ہوئے اشتہاری احمد زیب کو ہلاک کردیا ہے۔سوات پولیس کے ترجمان کاکہناہے کہ پولیس نے فضاگٹ میں 3 ماہ قبل پولیس انسپکٹر رحیم خان کو شہید کرنے والے اشتہاری ملزم کے گھر پر چھاپہ مارا۔یاد رہے کہ اس سے قبل باجوڑ میں نامعلوم مسلح ملزمان کی فائرنگ سے2 پولیس اہل کار جاں بحق ہوگئے تھے۔بتایا گیا تھا کہ باجوڑ کی تحصیل ماموند کے علاقے ترخو میں نامعلوم مسلح ملزمان کی فائرنگ سے 2 پولیس اہلکار شہید ہوگئے تھے۔ شہید اہلکاروں کی شناخت شاہد اور امان کے نام سے ہوئی تھی۔تحصیل سالار زئی کے علاقے چوترہ میں پیش آیاتھاجہاں نامعلوم مسلح ملزمان نے اچانک فائرنگ کرکے پولیس اہل کار 40 سالہ ملک ریحان آف متہ شاہ کو قتل کردیا تھا۔ملزمان واردات کے بعد فرار ہوگئے، واقعہ سے متعلق تحقیقات کا آغاز کردیا تھا۔ فائرنگ کے بعد ملزمان فرار ہو گئے تھے جب کہ اطلاع ملنے پر پولیس کی نفری جائے وقوع پر پہنچی اور شواہد اکٹھے کرتے ہوئے لاش کو ہسپتال منتقل کردیا گیا تھا۔.ذریعہ: UrduPoint
کلیدی لفظ: تلاش کیجئے پولیس اہلکار فائرنگ سے پولیس نے کے دوران
پڑھیں:
چارسدہ؛ رشتے کے تنازع پر فائرنگ، دو خواتین ٹیچر قتل
چارسدہ:ضلع چارسدہ کے علاقے پڑانگ قبرستان میں ملزمان کی فائرنگ سے 2 استانیاں جاں بحق ہوگئیں۔
پولیس ذرائع کے مطابق لیڈی ٹیچرز گورنمنٹ ہائی اسکول شاہ پسند کلی میں ڈیوٹی کے لیے جا رہی تھیں کہ ملزمان نے راستے میں فائرنگ کر دی اور فرار ہوگئے۔
فائرنگ سے ایک اسکول ٹیچر موقع پر جبکہ دوسری اسپتال میں دم توڑ گئی، دونوں اسکول ٹیچرز کا تعلق پڑانگ سے ہے۔
پولیس کے مطابق وجہ عناد رشتہ کا تنازع بتایا جا رہا ہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر