ٹی20 میں تیز ترین سنچری، حسن نواز نے اپنے ہم وطن کھلاڑی کا ریکارڈ توڑ دیا
اشاعت کی تاریخ: 21st, March 2025 GMT
آکلینڈ:
ٹی ٹوئنٹی فارمیٹ میں تیز ترین سنچری بنانے والے قومی ٹیم کے 22 سالہ اوپنر حسن نواز نے اپنے ہم وطن بلے باز کا ریکارڈ توڑ دیا۔
اوپنر حسن نواز تیز ترین سنچری بنانے والے پہلے پاکستانی کرکٹر بن گئے ہیں۔
حسن نواز نے 44 گینوں پر سنچری جڑ کر قومی ٹیم کے تجربہ کار بلے باز بابر اعظم کا 49 گیندوں پر تیز ترین سنچری کا ریکارڈ توڑ دیا ہے۔
بابراعظم نے 2021 میں جنوبی افریقا کے خلاف سنچورین میں 49 گیندوں کا سامنا کرتے ہوئے تیز ترین سنچری بنائے تھی۔
اس سے قبل، سن 2014 میں بنگلا دیش کے خلاف ڈھاکا میں سابق اوپنر احمد شہزاد نے 58 گیندوں پر تیز ترین سنچری اسکور کی تھی جبکہ 2023 میں بابراعظم نے نیوزی لینڈ کے خلاف لاہور میں 58 گیندوں پر تیز ترین سنچری بنائی تھی۔
واضح رہے کہ حسن نواز کی تیز ترین سنچری کی بدولت پاکستان نے تیسرے ٹی ٹوئنٹی میں نیوزی لینڈ کو شکست سے دو چار کیا ہے۔
.ذریعہ: Express News
کلیدی لفظ: تیز ترین سنچری حسن نواز
پڑھیں:
بھارت میں لیونل میسی کی تقریب بدنظمی کا شکار، کھلاڑی چند منٹ بعد روانہ
data-id="863a0a8" data-element_type="widget" data-widget_type="theme-post-content.default">
بھارت میں ارجنٹینا کے عالمی شہرت یافتہ فٹبالر لیونل میسی کا دورہ غیر معمولی بدنظمی اور ہنگامہ آرائی کی نذر ہو گیا، کلکتہ میں لیونل میسی کی اسٹیڈیم آمد ایک یادگار استقبال کے بجائے بدنظمی کے افسوسناک مناظر میں تبدیل ہو گئی، صورتحال اس قدر بگڑ گئی کہ اسٹار کھلاڑی کو محض دس منٹ بعد ہی اسٹیڈیم چھوڑنا پڑا، جس پر شائقینِ فٹبال میں شدید مایوسی پھیل گئی۔
بھارتی میڈیا رپورٹس کے مطابق لیونل میسی اپنے عالمی شہرت یافتہ گوٹ ٹور (GOAT Tour) کے سلسلے میں بھارتی شہر کلکتہ پہنچے تھے، جہاں ویویکانند یووا فٹبال اسٹیڈیم میں ان کے استقبال کے لیے خصوصی انتظامات کیے گئے تھے۔ تاہم میسی کی آمد کے ساتھ ہی اسٹیڈیم کے اطراف اور اندرونی حصوں میں بدانتظامی نے جنم لے لیا، جس کے باعث اچانک ہنگامی صورتحال پیدا ہو گئی۔
مقامی ذرائع ابلاغ کا کہنا ہے کہ میسی کی ایک جھلک دیکھنے کے لیے ہزاروں مداح گھنٹوں پہلے اسٹیڈیم پہنچ چکے تھے، مگر سخت سیکیورٹی انتظامات اور محدود رسائی نے شائقین کے صبر کا پیمانہ لبریز کر دیا۔ صورتحال اس وقت کشیدہ ہو گئی جب پرجوش مداحوں کی بڑی تعداد مشتعل ہو گئی اور اسٹیڈیم کے اطراف توڑ پھوڑ کا سلسلہ شروع ہو گیا۔
رپورٹس کے مطابق مایوس اور غصے سے بھرے فینز نے پوسٹر ہورڈنگز کو نقصان پہنچایا، بوتلیں اچھالیں اور احتجاجی نعرے بازی شروع کر دی، جس سے حالات مزید خراب ہو گئے۔ بدنظمی کے پھیلتے ہی سیکیورٹی اداروں نے حفاظتی اقدامات سخت کر دیے اور کسی بڑے ناخوشگوار واقعے کے خدشے کے پیش نظر لیونل میسی سمیت دیگر اہم شخصیات کو فوری طور پر اسٹیڈیم سے نکالنے کا فیصلہ کیا گیا۔
ذرائع کے مطابق اسٹار فٹبالر اور ان کے ہمراہ موجود شخصیات کو دس منٹ کے اندر اندر اسٹیڈیم سے محفوظ مقام پر منتقل کر دیا گیا، اس اچانک فیصلے نے ان ہزاروں شائقین کی امیدوں پر پانی پھیر دیا جو طویل انتظار کے بعد اپنے پسندیدہ کھلاڑی کو قریب سے دیکھنے کے خواب سجائے بیٹھے تھے۔ کئی مداحوں کو میسی کی باقاعدہ جھلک تک نصیب نہ ہو سکی۔
اسٹیڈیم کے اندر اور باہر پیش آنے والے ڈرامائی مناظر دیکھتے ہی دیکھتے سوشل میڈیا پر وائرل ہو گئے، جہاں صارفین نے انتظامی ناکامی اور ناقص سیکیورٹی پلاننگ پر شدید تنقید کی۔
واضح رہے کہ 2011 کے بعد لیونل میسی کا یہ پہلا دورۂ بھارت تھا، جس کے باعث شائقین کی توقعات غیر معمولی حد تک بلند تھیں، اس سے قبل میسی نے اسی اسٹیڈیم میں ارجنٹینا اور وینزویلا کے درمیان کھیلے گئے دوستانہ میچ میں شرکت کی تھی، جس میں ارجنٹینا نے ایک کے مقابلے میں صفر سے کامیابی حاصل کی تھی۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر