ٹیسلا ٹرکس میں تکنیکی خرابی، کمپنی نے گاڑیاں واپس منگوالیں
اشاعت کی تاریخ: 21st, March 2025 GMT
ٹیسلا کمپنی نے امریکا میں تقریباً تمام سائبر ٹرکس واپس بلا لیے ہیں تاکہ ان کا ایک بیرونی پینل ٹھیک کیا جا سکے جو ڈرائیونگ کے دوران الگ ہو سکتا ہے۔
یہ بھی پڑھیں: کیا ٹیسلا کا سائبر ٹرک مارکیٹ میں جگہ بنالے گا؟
خبر رساں اداے رائٹرز کے مطابق کمپنی نے نیشنل ہائی وے ٹریفک سیفٹی ایڈمنسٹریشن کو دی گئی ایک اطلاع میں کہا ہے کہ نومبر 2023 سے اس سال 27 فروری تک بنائے گئے 46 ہزار سے زیادہ گاڑیوں کو واپس بلایا گیا ہے۔
گاڑیوں کو واپس بلوانا ٹیسلا کے لیے ایک اور دھچکا ثابت ہو سکتا ہے کیوں کہ الیکٹرک گاڑیاں بنانے والی یہ کمپنی مارکیٹ میں بڑھتے مقابلے اور اپنے سی ای او ایلون مسک کے متنازع کردار کے باعث پہلے ہی مشکلات کا شکار ہے۔
کمپنی کا کہنا ہے کہ ٹیسلا ان گاڑیوں کو واپس بلا رہی ہے کیونکہ اسٹینلیس اسٹیل کے بیرونی ٹرم پینل کے گاڑی سے الگ ہونے کا خطرہ ہے جس کی وجہ سے سڑک کو خطرہ لاحق ہوسکتا ہے اور حادثے کے امکانات بڑھ جاتے ہیں۔
مزید پڑھیے: چینی کمپنی کی ٹیسلا کو ٹکر، کم قیمت الیکٹرک کار متعارف کرا دی
ریسرچ فرم آٹو فارکاسٹ سلوشنز کے نائب صدر سیم فیورانی کا کہنا ہے کہ باڈی پینلز جیسی فزیکل آئٹم کی پوری پیداوار کوالٹی کے مسائل پر توجہ مرکوز کرتی ہے جن سے ٹیسلا کئی سالوں سے گریز کرتی رہی ہے۔ ان کا کہنا تھا کہ ساکھ بنانے میں کافی وقت لگتا ہے لیکن یہ بہت جلد خراب بھی ہوجاتی ہے۔
ٹیسلا کا کہنا ہے کہ ان گاڑیوں میں پرانے پینل کی جگہ ایک علیحدہ ریل پینل کیبن لگا دیا جائے گا۔ کمپنی کا یہ بھی کہنا تھا کہ مذکوہ خرابی سے کوئی حادثہ رونما نہیں ہوا۔
مزید پڑھیں: ’ ایلون مسک کیا آپ ہمارا مقابلہ کرسکتے ہیں‘ ٹیسلا کا ٹرک پاکستان کی سڑکوں پر، ویڈیو وائرل
مارننگ اسٹار کے تجزیہ کار سیٹھ گولڈ سٹین نے کہا کہ اس واپسی سے ٹیسلا کی مارچ سہ ماہی کی کارکردگی پر خاطر خواہ اثر نہیں پڑے گا کیونکہ سائبرٹرک کی فروخت ماڈل 3 اور ماڈل وائی کی بڑی فروخت کے مقابلے میں نسبتاً کم تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکٹرک گاڑیاں ایلون مسک ٹیسلا ٹرک ٹیسلا ٹرک میں ٹیکنیکل خرابی ٹیسلا ٹرک واپس.ذریعہ: WE News
کلیدی لفظ: الیکٹرک گاڑیاں ایلون مسک ٹیسلا ٹرک ٹیسلا ٹرک واپس ٹیسلا ٹرک کا کہنا
پڑھیں:
کرائم رپورٹرز ایسوسی ایشن کے سالانہ انتخابات:جرنلسٹس پینل کی13 میں سے 11نشستوں پرکامیابی
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر)کراچی پریس کلب میں منعقدہ کرائم رپورٹرز ایسوسی ایشن کے سالانہ انتخابات 2025–26 مکمل ہوئے، جس میں جرنلسٹ پینل نے شاندار کامیابی حاصل کرتے ہوئے 13 میں سے 11 نشستوں پر کامیابی حاصل کی، جبکہ مدمقابل جسٹس پینل سے وابستہ صدارتی امیدوار سمیر قریشی سمیت دو 2 امیدواراں کامیاب قرار پائے۔
انتخابی نتائج کے مطابق صدر کے عہدے پر سمیر قریشی، جبکہ نائب صدر کی سیٹ پر عبید اللہ شاہ قرار پائے۔ جنرل سیکرٹری کیلئے ندیم احمد منتخب قرار پائے، مونس سراج جوائنٹ سیکرٹری کے عہدے پر کامیاب ہوئے جبکہ انفارمیشن سیکرٹری کی نشست پر آصف خان نے کامیابی اپنے نام کی ۔ اسی طرح خازن کے عہدے پر اکرم قریشی منتخب ہوئے۔
گورننگ باڈی کے ارکان میں ثاقب عالم، صبا عروج خان، وحید جیلانی، اظہر زیدی، اورنگزیب جبار، عدنان راجپوت اور مطلوب بیگ کامیاب قرار پائے۔انتخابات میں ممبران کی بھرپور شرکت دیکھنے میں آئی، جہاں 195 میں سے 151 ممبران نے اپنا حقِ رائے دہی استعمال کیا*، جو کہ ایسوسی ایشن پر اعتماد اور جمہوری عمل سے وابستگی کا مظہر ہے۔
نو منتخب عہدیداران نے اس عزم کا اظہار کیا کہ وہ کرائم رپورٹرز کے پیشہ ورانہ حقوق کے تحفظ، فیلڈ میں درپیش مسائل کے حل اور مثبت صحافتی اقدار کے فروغ کیلئے بھرپور جدوجہد کریں گے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر