ورلڈ ہیپی نیس رپورٹ 2025، فن لینڈ پھر دنیا کا خوش ترین ملک
اشاعت کی تاریخ: 20th, March 2025 GMT
اسلام آباد (اُردو پوائنٹ ۔ DW اردو۔ 20 مارچ 2025ء) خوشی کی درجہ بندی پر مبنی آکسفورڈ یونیورسٹی ریسرچ سینٹر کی امسالہ رپورٹ جمعرات 20 مارچ کو منظر عام پر آئی۔ اس ورلڈ ہیپی نیس رپورٹ 2025 ء سے انکشاف ہوا کہ فن لینڈ مسلسل آٹھویں سال دنیا کے خوش ترین ممالک کی درجہ بندی میں سب سے اوپر جبکہ امریکہ اس فہرست میں اپنی اب تک کی نچلی ترین پوزیشن پر ہے۔
فن لینڈ کے علاوہ ڈنمارک، آئس لینڈ اور سویڈن اس فہرست میں ترتیب وار سر فہرست چار ممالک ہیں۔ یہ درجہ بندی ان جوابات پر مبنی ہوتی ہے جو لوگوں کی طرف سے اپنی زندگی کے بارے میں دیے گئے ہوتے ہیں۔عالمی یوم خوشی اور فن لینڈ ساتویں مرتبہ دنیا کا خوش باش ترین ملک
یہ مطالعہ تجزیاتی ادارے گیلپ اور یو این سسٹین ایبل ڈویلپمنٹ سولیوشنز نیٹ ورک کی شراکت سے مکمل کیا گیا۔
(جاری ہے)
گیلپ کے سی ای او جون کلفٹن کے بقول، ''خوشی کا تعلق صرف دولت یا ترقی سے نہیں ہے۔ بلکہ اعتماد اور اس بات کے احساس سے ہے کہ کس کو کتنی تائید و حمایت حاصل ہے۔‘‘ ان کا مزید کہنا تھا، ''اگر ہم مضبوط کمیونٹیز اور معیشتیں چاہتے ہیں، تو ہمیں ان چیزوں میں سرمایہ کاری کرنا چاہیے جو واقعی اہمیت رکھتی ہیں، مثلاﹰ ایک دوسرے کا باہمی ربط اور ساتھ۔‘‘مسلسل پانچویں مرتبہ سب سے خوش قوم، کون؟
محققین کا کہنا ہے کہ صحت اور دولت سے ہٹ کر بھی کچھ ایسے عوامل ہیں، جو خوشحال زندگی کی ضمانت ہوتے ہیں۔ مثال کے طور پر کسی کے ساتھ کھانا شیئر کرنا اور سماجی اور گھریلو مدد کے لیے کسی پر اعتماد ہونا۔ فیملی کا سائز بھی ایک اہم فیکٹر ہوتا ہے۔
میکسیکو اور یورپ
مثال کے طور پرمیکسیکو اور یورپ میں چار سے پانچ فیملی ممبرز پر مشتمل ایک گھرانے کے خوش حال ہونے کے امکانات بلند ترین سطح پر ہوتے ہیں۔
تازہ ترین تحقیق میں یہ بھی سامنے آیا ہے کہ دوسروں کی مہربانی پر یقین کرنے کے عمل کا بھی خوش رہنے سے گہرا تعلق ہے اور یہ اس بارے میں اب تک کی سوچ سے کہیں زیادہ اہمیت کا حامل ہے۔’ناروے سب سے پر مسرت ملک ہے‘
ایک مثال کے طور پر، رپورٹ سے پتہ چلتا ہے کہ جو لوگ اس پر یقین رکھتے ہیں کہ دوسرے ان کے کھوئے ہوئے بٹوے کو واپس کرنے کے لیے تیار ہیں، تو یہ امر بھی کسی ملک کی آبادی کی مجموعی خوشی کی ایک مضبوط پیشن گوئی ہوتا ہے۔
امریکہ اتنا نیچے کیوں؟
کم خوش ہونے یا ناخوشی کے اعتبار سے تازہ ترین فہرست میں امریکہ 24 ویں نمبر پر اپنی اب تک کی نچلی ترین پوزیشن پر آ گیا ہے۔ اس سے قبل 2012 میں امریکہ 11 ویں نمبر پر تھا۔ امسالہ رپورٹ میں کہا گیا ہے کہ امریکہ میں گزشتہ دو دہائیوں میں تنہا کھانا کھانے والوں کی تعداد میں 53 فیصد اضافہ ہوا ہے۔
اس فہرست میں برطانیہ 23 ویں پوزیشن پر ہے جو 2017 کی رپورٹ کے بعد سے اس ملک کی کم ترین اوسط سطح ہے۔
دنیا کا سب سے زیادہ ’خوش‘ ملک ڈنمارک
ناخوش ترین ملک
افغانستان دنیا کا ناخوش ترین ملک قرار پایا ہے، جہاں خواتین کا کہنا ہے کہ ان کی زندگی خاص طور پر مشکل ہے۔ اس کے بعد مغربی افریقہ میں سیرا لیون دوسرے نمبر پر ہے۔ لبنان نیچے سے تیسرے نمبر پر ہے۔
عالمی سطح پر نوجوانوں کی صورتحال
عالمی سطح پر نوجوان بالغوں کا تقریباً پانچواں حصہ سماجی مدد سے محروم ہے۔
معاشرتی ترقی کے بارے میں اس مطالعے سے پتہ چلا ہے کہ 2023 میں دنیا بھر میں محض 19 فیصد بالغ نوجوانوں ایسے تھے، جنہوں نے کہا کہ ان کے پاس سماجی امدد کے لیے کوئی سپورٹ کرنے والا موجود ہے، جس پر وہ بھروسہ کر سکیں۔ یہ 2006 کے مقابلے میں ایسے نوجوانوں کی تعداد میں 39 فیصد اضافہ تھا۔تمام ممالک کی درجہ بندی ان کی 2022 سے 2024 تک کی خود تشخیص کردہ زندگی پر مبنی ہے۔
ک م/ م م (اے پی)
.ذریعہ: UrduPoint
کلیدی لفظ: تلاش کیجئے فہرست میں ترین ملک دنیا کا فن لینڈ
پڑھیں:
ویمنز ورلڈ کپ تک رسائی، پاکستان ٹیم کی کپتان فاطمہ ثنا کیلیے بڑا اعزاز
لاہور:انٹرنیشنل کرکٹ کونسل نے ویمنز کرکٹ ورلڈ کپ کوالیفائر 2025 کے اختتام پر ٹیم آف دی ٹورنامنٹ کا اعلان کر دیا ہے، جس میں چار مختلف ممالک کی بہترین کھلاڑیوں کو شامل کیا گیا ہے۔
پاکستان کی باصلاحیت کپتان فاطمہ ثنا کو ٹیم آف دی ٹورنامنٹ کی کپتانی سونپی گئی ہے۔
آئی سی سی ویمنز ٹیم آف دی ٹورنامنٹ میں فاطمہ ثنا کے ساتھ پاکستان کی منیبہ علی، نشرا سندھو، سعدیہ اقبال کو بھی شامل کیا گیا ہے۔
اوپنرز کی جوڑی میں ہیلی میتھیوز اور منیبہ علی شامل ہیں۔ ویسٹ انڈیز کی ہیلی میتھیوز نے شاندار آل راؤنڈر کارکردگی دکھائی، 240 رنز اور 13 وکٹیں حاصل کرکے وہ نہ صرف ٹورنامنٹ کی ٹاپ وکٹ ٹیکر رہیں بلکہ اپنی ٹیم کو کئی مواقع پر فتح کے قریب بھی پہنچایا۔
پاکستان کی منیبہ علی نے بھی مستحکم آغاز فراہم کیے، اسکاٹ لینڈ کے خلاف ان کی 71 رنز کی اننگز یادگار رہی۔
مڈل آرڈر میں شارمین اختر، کیتھرین بروس اور نگار سلطانہ کو شامل کیا گیا ہے۔ بنگلا دیش کی شارمین اختر نے 266 رنز کے ساتھ دوسرے سب سے زیادہ رنز بنانے والی بیٹر کا اعزاز حاصل کیا جبکہ اسکاٹ لینڈ کی کیتھرین بروس نے 293 رنز اور 6 وکٹوں کے ساتھ پلیئر آف دی ٹورنامنٹ کا خطاب اپنے نام کیا۔
View this post on InstagramA post shared by ICC (@icc)
بنگلا دیش کی کپتان اور وکٹ کیپر نگار سلطانہ جوٹی نے ایک سنچری اور دو نصف سنچریوں کے ساتھ شاندار بیٹنگ کی اور وکٹوں کے پیچھے بھی 5 کھلاڑیوں کو آؤٹ کیا۔
پاکستانی کپتان فاطمہ ثنا نے نہ صرف 12 وکٹیں حاصل کیں بلکہ مشکل مواقع پر ٹیم کو سنبھالا، تھائی لینڈ کے خلاف ان کی ناقابل شکست 62 رنز کی اننگز ٹیم کے لیے ریڑھ کی ہڈی ثابت ہوئی۔ ان کی قیادت میں پاکستان نے شاندار فتوحات حاصل کر کے میگا ایونٹ میں ناقابل شکست رہنے کا اعزاز بھی حاصل کیا۔
مڈل اور لوئر آرڈر میں چینیل ہنری اور عالیہ آلین شامل ہیں۔
ویسٹ انڈیز کی چینیل ہنری نے جارحانہ انداز میں بیٹنگ کرتے ہوئے کم گیندوں پر بڑے رنز بنائے، خاص طور پر بنگلا دیش کے خلاف 51 کی ناقابل شکست اننگز قابل ذکر ہے۔
عالیہ آلین نے نہ صرف 12 وکٹیں حاصل کیں بلکہ بیٹنگ میں بھی شاندار کارکردگی دکھائی، کیتھرین فریزر نے 10 وکٹیں حاصل کیں اور ویسٹ انڈیز کے خلاف اہم کامیابیاں حاصل کیں۔
پاکستان کی اسپن جوڑی نشرا سندھو اور سعدیہ اقبال نے مڈل اوورز میں حریف ٹیموں پر دباؤ ڈالا، نشرا نے 10 اور سعدیہ نے 9 وکٹیں حاصل کیں، دونوں کا اکانومی ریٹ شاندار رہا۔ ریزرو پلیئر میں بنگلا دیش کی رابعہ خان کو رکھا گیا ہے۔
کراچی: 9 مئی کیس، تحریکِ انصاف کے ملزمان کارکنوں پر فردِ جرم عائد نہ ہو سکی