پیپر بانڈز کا دور ہوا ختم، ڈیجیٹل پرائز بانڈ متعارف کرانے کا فیصلہ
اشاعت کی تاریخ: 20th, March 2025 GMT
اسلام آباد(نیوزڈیسک)پیپر بانڈز کا دور ہوا ختم، ڈیجیٹل پرائز بانڈ متعارف کرانے کا فیصلہ کرلیا گیا۔ سینٹرل ڈائریکٹوریٹ آف نیشنل سیونگز ڈیجیٹل پرائز بانڈز جاری کرے گا۔
ڈیجیٹل پرائز بانڈز گیٹ وے کیلئے موبائل ایپ متعارف کرائی جائے گی۔ وزارت خزانہ نے ڈیجیٹل پرائز بانڈز رولز 2024 کا مسودہ جاری کر دیا۔ انعامی رقم پر ٹیکس کٹوتی ہوگی تاہم یہ زکوۃ سے مستثنیٰ ہوگی۔
صارفین بانڈز کی ڈیجیٹل چینل کے ذریعے خرید و فروخت کر سکیں گے، انعامی رقم براہ راست بینک اکاؤنٹ میں منتقل کی جائے گی۔مسودہ قانونی مقدمات نمٹانے سے متعلق کابینہ کمیٹی کی سفارش پر جاری کی گئی، ان قوانین سے ممکنہ متاثر ہونے والے افراد سے 7 روز میں تجاویز طلب کرلی گئی۔
ڈیجیٹل پرائز بانڈز میں سرمایہ کاری کرنے کی کوئی حد مقرر نہیں ہوگی، مجوزہ ڈیجیٹل پرائز بانڈز کی قرعہ اندازی سہ ماہی بنیاد پر کی جائے گی۔ صارفین کو پیپر کے بجائے آن لائن سسٹم جنریٹڈ نمبر جاری کیا جائے گا۔
بانڈز کی خریداری بھی ڈیجیٹل پرائز بانڈ گیٹ وے کے ذریعے ممکن ہوگی، رجسٹریشن کیلئے نیشنل سیونگز اکاؤنٹ یا بینک اکاؤنٹ درج کرنا ہوگا۔ ڈیجیٹل پرائز بانڈ کی خریداری کیلئے ادائیگی بھی بینک اکاؤنٹ سے ہوگی۔ پرائز بانڈ واپس کرنے کی صورت میں رقم بینک اکاؤنٹ میں منتقل ہوگی۔
وزارت خزانہ کے مطابق ڈیجیٹل پرائز بانڈز کی ملکیت تبدیل نہیں کی جا سکے گی، خزانہ ڈویژن کو کوئی بھی بانڈ سرکولیشن سے واپس لینے کا اختیار ہوگا۔ ڈیجیٹل بانڈز غیر معینہ مدت کیلئے جاری کیئے جائیں گے، ڈیجیٹل بانڈز غیر معینہ مدت کیلئے جاری کیئے جائیں گے۔
نوٹیفکیشن کے مطابق ڈیجیٹل بانڈز اجراء کے بعد کسی بھی وقت قابل واپسی ہوں گے، بانڈز ہولڈر کے انتقال کی صورت میں قانونی ورثاء کو رقم دی جائے گی۔ رولز کو ڈیجیٹل پرائز بانڈز رجسٹرڈ رولز 2024 کا نام دیا گیا۔
اسرائیل سے متعلق پالیسی برقرار، کسی شہری کے یروشلم جانے کا ہمیں علم نہیں ، دفترخارجہ کی وضاحت
ذریعہ: Daily Ausaf
کلیدی لفظ: ڈیجیٹل پرائز بانڈز ڈیجیٹل پرائز بانڈ بینک اکاو نٹ بانڈز کی جائے گی جاری کی
پڑھیں:
ڈی ایچ اے اسلام آباد کی جانب سے پراپرٹی ایکسپو اور ڈیجیٹل نیلامی 2025 کا شاندار افتتاح
اسلام آباد ( نیوز ڈیسک )ڈی ایچ اے اسلام آباد کی جانب سے پراپرٹی ایکسپو اور ڈیجیٹل نیلامی 2025 کا شاندار افتتاح.ڈیفنس ہاؤسنگ اتھارٹی (ڈی ایچ اے) اسلام آباد نے آج جیکرانڈا فیملی کلب، ڈی ایچ اے فیز 2 اور آن لائن پلیٹ فارم dhai-r.com.pk پر تین روزہ “ڈی ایچ اے پراپرٹی ایکسپو اور ڈیجیٹل نیلامی 2025” کا باقاعدہ آغاز کر دیا ہے۔
ایکسپو کے پہلے دن عوام کی بڑی تعداد نے شرکت کی، جس کے نتیجے میں ایونٹ کو غیرمعمولی پذیرائی حاصل ہوئی۔ شرکاء نے ڈی ایچ اے کی جانب سے پیش کردہ رہائشی اور تجارتی پراپرٹیز میں گہری دلچسپی کا اظہار کیا اور محدود مدت کے لیے دستیاب خصوصی رعایتوں سے بھرپور استفادہ حاصل کیا۔
یہ ایکسپو اُن افراد کے لیے ایک اہم موقع فراہم کرتا ہے جو محفوظ، جدید اور پُراعتماد رہائشی و تجارتی سرمایہ کاری کے متلاشی ہیں۔ قابل ذکر امر یہ ہے کہ بیرونِ ملک مقیم پاکستانی شہری بھی اس ڈیجیٹل نیلامی میں آن لائن شرکت کر سکتے ہیں اور اپنے پسندیدہ پلاٹس کی بکنگ اور درخواست کا مکمل عمل باآسانی مکمل کر سکتے ہیں۔
ڈی ایچ اے کی جانب سے فراہم کردہ اس ڈیجیٹل سہولت سے ظاہر ہوتا ہے کہ جدید ٹیکنالوجی کے مؤثر استعمال کے ذریعے رئیل اسٹیٹ سیکٹر کو نہ صرف شفاف اور قابلِ بھروسا بنایا جا سکتا ہے بلکہ اسے عالمی سطح پر قابلِ رسائی بھی بنایا جا رہا ہے۔
ایکسپو آئندہ دو روز تک جاری رہے گا، اور موجودہ رجحانات کی روشنی میں توقع کی جا رہی ہے کہ آنے والے دنوں میں بھی دلچسپی رکھنے والے افراد کی بھرپور شرکت اور جوش و خروش برقرار رہے گا، بلکہ اس میں مزید اضافہ متوقع ہے۔
مزید پڑھیں :شناختی کارڈ بنوانے والوں کی بڑی مشکل آسان ہوگئی
سعودی آئل کمپنی ”آرامکو “ کی بھارت میں مزیددو آئل ریفائنریوں میں سرمایہ کاری کے لیے بات چیت