رمضان ٹرانسمیشنز سے پہلے زندگی کیسی ہوتی تھی؟ اداکارہ بشریٰ انصاری کی بے لاگ گفتگو وائرل
اشاعت کی تاریخ: 20th, March 2025 GMT
پاکستان شوبز کی سینیئر اداکارہ بشریٰ انصاری نے حال ہی میں رمضان ٹرانسمیشنز کے منفی پہلوؤں پر بات کی ہے۔
اداکاہ نے حال ہی میں اپنے آفیشل یو ٹیوب چینل پر ایک ویلاگ اپلوڈ کیا جس میں رمضان ٹرانسمیشنز کے بارے میں بات کرتے ہوئے انہوں نے کہا، آج کل ہمارے رمضان ’رونقی رمضان‘ ہو گئے ہیں۔ ہر چینل پر کھانے بن رہے ہیں اور افطاریاں تیار کی جا رہی ہیں۔ ان کا کہنا تھا کہ وہ بھی اکثر ان رمضان ٹرانسمیشنز میں شرکت کرتی ہیں۔
یہ بھی پڑھیں: ’یہ کونسی مخلوق ہیں؟‘، اداکارہ بشریٰ انصاری بھی ڈیلی وی لاگرز کے خلاف بول پڑیں
بشریٰ انصاری کا کہنا تھا کہ جب ہم رمضان ٹرانسمیشنز نہیں دیکھتے تھے تب عبادت زیادہ کرتے تھے، جب فارغ ہوتے تھے قرآن پاک کی تلاوت میں زیادہ وقت گزارتے تھے یا تسبیح کر لیتے تھے لیکن اب رمضان ٹرانسمیشنز کی وجہ سے عبادت کم کرتے ہیں۔ ان کا کہنا تھا کہ ہماری امی کہتی تھیں تم لوگوں کا روزہ ہے فاقہ نہیں ہے۔ تو جو لوگ روزہ رکھ کے نہ نماز پڑھتے ہیں نہ قرآن اور نہ ہی کوئی تسبیح کرتے ہیں تو وہ فاقہ ہی ہوتا ہے۔
واضح رہے کہ بشریٰ انصاری ایک لیجنڈ پاکستانی اداکارہ ہیں جو میڈیا انڈسٹری سے ایک طویل عرصے سے وابستہ ہیں۔ انہیں بیک وقت گلوکاری، تحریر اور میزبانی جیسی متعدد صلاحیتوں کے لیے بھی سراہا جاتا ہے اور وہ یوٹیوب پر وی لاگنگ بھی کرتی ہیں۔ حال ہی میں کامیاب ہٹ ڈرامہ سیریل ’کبھی میں کبھی تم‘ میں ان کی نیچرل اداکاری کو بے حد پسند کیا گیا تھا۔
یہ بھی پڑھیں: ’جھوٹے یوٹیوبرز پر لعنت‘، بشریٰ انصاری خود سے متعلق غلط خبریں دینے والوں پر برس پڑیں
پاکستان کی اداکارہ بشریٰ انصاری بے پناہ ٹیلنٹ کی مظہر ہیں۔ وہ گانا، اداکاری اور لائیو پرفارم کر سکتی ہیں۔ ہر عمر کے لوگ ان سے محبت کرتے ہیں کیونکہ انہوں نے اپنی لازوال اداکاری کے ذریعے مداحوں کو گزشتہ کئی دہائیوں سے اپنے سحر میں جکڑا ہوا ہے۔
بشریٰ انصاری کے نام ان گنت ہٹ پروجیکٹس ہیں اور ان کے مداح ہمیشہ اس بات کے منتظر رہتے ہیں کہ وہ آگے کیا سائن کریں گی اور کس قسم کا کردار نبھائیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افطاریاں بشریٰ انصاری ٹی وی پروگرامز رمضان رمضان ٹرانسمیشنز.ذریعہ: WE News
کلیدی لفظ: افطاریاں ٹی وی پروگرامز اداکارہ بشری
پڑھیں:
سکمیدان اسکردو کی شادیوں میں کشمیری رنگ، ثقافتوں کا حسین امتزاج
اسکردو شہر کے قلب میں واقع سکمیدان کی ہر شادی بلتستان اور کشمیر کی ثقافتی ہم آہنگی کی زندہ مثال ہوتی ہے۔
یہ بھی پڑھیں: چُندا ویلی اسکردو، چٹانوں کا طلسم اور جنت نظیر وادی
یہاں دلہا کشمیری طرز کے لباس، پگڑی اور روایتی جوتوں سے آراستہ ہوتا ہے۔ مہمانوں کی ضیافت کشمیری چائے، روگانجوش، یخنی، کشمیری کوفتہ، کشمیری کباب اور دیگر روایتی پکوانوں سے کی جاتی ہے اور ان پکوانوں کی خوشبو فضا میں رچی بسی محسوس ہوتی ہے۔
مزید پڑھیے: اسکردو کا بدھا راک: حکومت کی نظروں سے اوجھل
نسلوں سے چلی آنے والی یہ روایت آج بھی سکمیدان اسکردو کی پہچان بن چکی ہے جو بلتستان کی مہمان نوازی اور کشمیری رنگینیوں کو ایک ساتھ جوڑتی ہے۔ دیکھیے بھرپور ثقافت کے رنگوں میں رنگی یہ ویڈیو رپورٹ۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسکردو سکمیدان سکمیدان اسکردو
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر