کرپشن کے خاتمے کے لیے ’سپریم کورٹ ہاٹ لائن‘ قائم
اشاعت کی تاریخ: 19th, March 2025 GMT
سپریم کورٹ آف پاکستان نے کرپشن سے متعلق شکایات کے خاتمے کے لیے مخصوص ہاٹ لائن قائم کر دی ہے۔ سپریم کورٹ سے جاری اعلامیے میں کہا گیا ہے کہ انصاف کی جلد فراہمی میں حائل رکاوٹوں کو دور اور احتساب کے نظام کو شفاف بنانے کے لئے یہ اقدام اُٹھایا گیا ہے۔ کرپشن سے متعلق شکایات کے ازالے کے لیے اس نمبر (03264442444) پر رابطہ کیا جا سکتا ہے۔
اس موقع پر چیف جسٹس یحیٰی آفریدی نے قوم کے نام ایک پیغام بھی جاری کیا ہے۔
’میرے قابلِ احترام بہنو اور بھائیو، السلام وعلیکم! میں جسٹس یحیٰی آفریدی چیف جسٹس آف پاکستان آپ سے مخاطب ہوں۔ نظام عدل اور بالخصوص سپریم کورٹ میں تیز ترین انصاف کی فراہمی میری اوّلین ترجیح ہے۔
مزید پڑھیں: یوٹیلیٹی اسٹورز میں بدترین کرپشن تھی، جدید نظام سے کرپشن کا خاتمہ ہوگیا، وزیراعظم شہباز شریف
پچھلے قریباً 5 مہینوں میں دائر ہونے والے 7633 نئے مقدمات کے مقابلے میں آپ کی سپریم کورٹ نے 11779 مقدمات کا فیصلہ کیا۔ نئے ججوں کے آنے کے بعد مقدمات کے فیصلوں میں مزید تیزی آئے گی۔ اس لیے میں ضروری سمجھتا ہوں کہ آپ کو یقین دلاؤں کہ اگر آپ کا کوئی مقدمہ سپریم کورٹ میں دائر ہے تو اُس کا فیصلہ بہت جلد میرٹ کی بنیاد پر ہو جائے گا۔
لہٰذا آپ سے گزارش کرتا ہوں کہ اگر کوئی سرکاری یا غیر سرکاری شخص مقدمے کی فکسیشن، نقل کے حصول کی بابت یا سپریم کورٹ سے متعلقہ کسی بھی کام کے لیے آپ سے رشوت طلب کرے آپ فوراً مجھے اطلاع دیں۔ رشوت اور سفارش کے متعلق میں عدم برداشت کی پالیسی پر عمل پیرا ہوں۔ میں آپ کو یقین دلاتا ہوں کہ نہ صرف آپ کا نام خفیہ رکھا جائیگا بلکہ آپ کی شکایت کی فوراً شنوائی ہوگی۔
مزید پڑھیں: کرپشن میں اضافہ، پاکستان دنیا کا 46واں کرپٹ ملک قرار
لہٰذا گزارش ہے کہ مندرجہ ذیل واٹس ایپ نمبر 03264442444 پر اپنی شکایت درج کرائیں۔ سپریم کورٹ کی اینٹی کرپشن کا اہلکار آپ کے ساتھ رابطہ میں رہے گا اور آپ کو گاہے بہ گاہے دیے گئے شکایت کے متعلق معلومات فراہم کرے گا۔‘
سپریم کورٹ اعلامیے کے مطابق یہ ہاٹ لائن 24 گھنٹے کام کرے گی اور اِس ہاٹ لائن کو بذریعہ فون، آن لائن پورٹل، ٹیکسٹ میسیج اور ای میل کے ذریعے سے استعمال کیا جا سکے گا۔ ہاٹ لائن اردو اور انگلش دونوں زبانوں میں کام کرے گی۔ سپریم کورٹ اعلامیے میں عوام سے استدعا کی گئی ہے کہ کرپشن کے خاتمے کے لیے اِس ہاٹ لائن کا استعمال کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جسٹس یحییٰ آفریدی سپریم کورٹ سپریم کورٹ ہاٹ لائن کرپشن.ذریعہ: WE News
کلیدی لفظ: جسٹس یحیی ا فریدی سپریم کورٹ سپریم کورٹ ہاٹ لائن سپریم کورٹ کے لیے
پڑھیں:
سپریم کورٹ کے جسٹس ریٹائرڈ سرمد جلال عثمانی انتقال کرگئے
سپریم کورٹ کے جسٹس ریٹائرڈ سرمد جلال عثمانی انتقال کرگئے WhatsAppFacebookTwitter 0 21 April, 2025 سب نیوز
کراچی(آئی پی ایس) سپریم کورٹ کے جسٹس سرمد جلال عثمانی انتقال کرگئے۔
سپریم کورٹ کراچی رجسٹری کے مطابق سابق جج جسٹس ریٹائرڈ سرمد جلال عثمانی انتقال کرگئے ہیں۔
سپریم کورٹ رجسٹری کا بتانا ہے کہ سرمد جلال عثمانی کینسرکے عارضے میں مبتلا تھے اور طویل عرصے سے اسپتال میں زیر علاج تھے۔
سپریم کورٹ رجسٹری کے مطابق سرمد جلال عثمانی کی نماز جنازہ کل بعد نمازعصر مسجد حمزہ ڈیفس فیز 8 میں ادا کی جائے گی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرشاعر مشرق، مفکر پاکستان ڈاکٹر علامہ محمد اقبالؒ کی آج 87 ویں برسی شاعر مشرق، مفکر پاکستان ڈاکٹر علامہ محمد اقبالؒ کی آج 87 ویں برسی جی ایچ کیو حملہ کیس کی سماعت پھر ملتوی، وجہ بھی سامنے آگئی اسرائیلی فوج نے فلسطینی امدادی کارکنوں کی ہلاکت کو پیشہ ورانہ ناکامی قرار دیدیا، ڈپٹی کمانڈربرطرف جی ایچ کیو حملہ کیس کی سماعت آج ہوگی، پانچویں بار گواہان کی طلبی امریکا کا افریقا میں غیرضروری سفارت خانے اور قونصل خانے بند کرنے پر غور حافظ نعیم کا فلسطینیوں سے یکجہتی کیلئے 26 اپریل کو ملک گیر ہڑتال کا اعلانCopyright © 2025, All Rights Reserved
رابطہ کریں ہمارے بارے ہماری ٹیم
17 اپریل کو عام تعطیل کا اعلان