لیاری ڈیولپمنٹ اتھارٹی نے 6 بڑے نادہندہ رہائشی پروجیکٹس کے ڈیولپمنٹ پرمٹ منسوخ کردیے
اشاعت کی تاریخ: 18th, March 2025 GMT
کراچی:
لیاری ڈیولپمنٹ اتھارٹی نے 160 ایکڑ سے زائدرقبے پر محیط کراچی کے 6 بڑے نادہندہ رہائشی پروجیکٹس کے ڈیولپمنٹ پرمٹ اور پرپوز لے آئوٹ پلان منسوخ کردیے، جی ایف ایس بلڈرز اینڈ ڈیولپرز کو او ڈی سی کی مد میں30 کروڑ سے زائد کی عدم ادائیگی پر فائنل نوٹس جاری کردیا گیا۔
تفصیلات کے مطابق لیاری ڈیولپمنٹ اتھارٹی نے او ڈی سی کی مد میں اپنے اربوں روپے کی وصولی کیلیے کمر کس لی ہے اور اس سلسلے میں تیزی کے ساتھ کارروائیوں کا سلسلہ شروع کردیا گیا ہے ، ڈائریکٹر جنرل ایل ڈی اے صفدر علی بھگیو کی ہدایت پر اسسٹنٹ ڈائریکٹر پلاننگ سید نبیل حسن نے بڑی کارروائی کرتے ہوئے کراچی کے 6 بڑے رہائشی وتجارتی منصوبوں کے ڈیولپمنٹ پرمٹ اور پرپوز لے آئوٹ پلان منسوخ کردیے ہیں۔
ان پروجیکٹس میں دیہہ بندمراد میں 48 ایکڑ رقبے پر منظور کیا گیا الغفور پروجیکٹ، دیہہ جام چاکرو میں17 ایکڑ رقبے پر منظور کیا گیا کینال ویو پروجیکٹ، دیہہ منگھو پیر میں12 ایکڑ رقبے پر منظورکیا گیا علی ڈریم سٹی، دیہہ جام چاکرو میں30 ایکڑ رقبے پر منظورکیا گیا علی ڈریم سٹی، دیہہ ہلکانی میں 30 ایکڑ 32 گھنٹا پر منظور کیا گیا الجنت سٹی اور دیہہ ہلکانی میں 28 ایکڑ 20 گھنٹا پر منظور کیا گیا الویشاء ہائوسنگ پروجیکٹ شامل ہیں۔
سندھ بلڈنگ کنٹرول اتھارٹی کو مذکورہ پروجیکٹس کے نقشہ جات اور سیل این اوسیز کی منسوخی کیلیے بھی خطوط ارسال کردیے گئے ہیں جبکہ ڈی جی ایل ڈی اے کی ہدایت پرعوام الناس کو آگاہی کیلیے ذرائع ابلاغ میں نوٹس شائع کرائے جارہے ہیں اور اس حوالے سے محکمہ اطلاعات سندھ کو خطوط بھی ارسال کیے گئے ہیں۔
دوسری طرف تقریباً 30 کروڑ سے زائد کے نادہندہ جی ایف ایس بلڈرز اینڈ ڈیولپرز کے پروجیکٹس جس میں نارتھ ٹائون ریزیڈنسی پریمیئم بلاک،نارتھ ٹائون ولاز ایکسٹیشن ،نارتھ ٹاؤن ریزیڈنسی فیزII بلاک IV،نارتھ ٹاؤن ریزیڈنسی فیزII بلاکII اورنگی ٹائون ریزیڈنسی بلاک سی،نارتھ ٹاؤن انڈسٹریل زون فیزII سمیت دیگر پروجیکٹ شامل ہیں جو ایل ڈی اے کے آئوٹر ڈیولپمنٹ چارجز کی مد میں 30 روپے سے زائد کے نادہندہ بتائے جاتے ہیں۔
ایل ڈی اے کی جانب سے جاری کیے گئے فائنل نوٹس میں جی ایف ایس بلڈر اینڈ ڈیولپرز کو تین روز میں ادائیگی کی ہدایت کی گئی ہے اور واضح کیا گیا ہے عدم ادائیگی کی صورت میں مذکورہ تمام پروجیکٹس کا پروپوز لے آؤٹ پلان اور ڈیولپمنٹ پرمٹ منسوخ کردیا جائے گا۔
.
ذریعہ: Express News
کلیدی لفظ: پر منظور کیا گیا ڈیولپمنٹ پرمٹ ایل ڈی اے
پڑھیں:
وفاقی دارالحکومت میں ’یکجہتی فلسطین مارچ‘، سیکیورٹی ہائی الرٹ، ریڈ زون جانیوالے راستے سیل کردیے گئے
وفاقی دارالحکومت جماعت اسلامی کے مارچ کے پیش نظر آج سیکیورٹی ہائی الرٹ ہے، جب کہ ریڈ زون جانے والے راستے بھی عمومی آمد و رفت کے لیے بند کر دیا گیا۔
جماعت اسلامی کے زیر اہتمام آج اسلام آباد میں ’ یکجہتی فلسطین مارچ‘ کیا جا رہا ہے، اس صورتحال میں کسی بھی ناخوشگوار واقعے اور دہشتگردی کس بھی امکان کے پیش نظر شہر میں ریڈزون کے داخلی راستوں پر سیکیورٹی انتہائی سخت ہے۔
میڈیا رپورٹ کے مطابق اسلام آباد میں ڈی چوک اور سرینا چوک کو کنٹینرز لگا کر بند کر دیا گیا ہے، جبکہ ریڈ زون کے داخلی و خارجی راستوں پر خار دار تاریں اور بیرئیرز لگا دیے گئے ہیں۔
ریڈ زون کے علاوہ سری نگر ہائی وے پر غیر معمولی سیکیورٹی انتظامات ہیں، ایسے میں شہریوں کو مشورہ دیا گیا ہے کہ وہ سری نگر ہائی وے سے منسلک سروس روڈ کا استعمال کریں۔
علاوہ ازیں آج ساڑھے 9 بجے سے ساڑھے 11 بجے تک سری نگر ہائی وے پر ہیوی ٹریفک کا داخلہ بھی بند ہے۔
اسلام آباد پولیس نے شہریوں کی رہنمائی کے لیے آگاہ کیا ہے کہ وہ بلیو ایریا، سیکٹر ایف 6، ایف 7 کے لیے ایچ 8 انڈر پاس استعمال کیا جائے، سیکٹر آئی اور ایچ کے لیے راولپنڈی پشاور روڈ، آئی جے پی روڈ سے سروس روڈ استعمال کریں۔
اظہار یکجتی مارچ پرامن ہوگا
جماعت اسلامی کے مرکزی رہنما لیاقت بلوچ نے حکومت کی جانب سے سیکیورٹی خدشات کے اظہار پر ردعمل میں کہا ہے حکومت کو کوئی حق نہیں کہ فلسطینیوں سے اظہار یکجتی مارچ کو روکے۔
لیار بلوچ کے مطابق جماعت اسلامی کا فلسطین سے اظہار یکجتی مارچ پرامن ہوگا، حکومت رکاوٹیں کھڑی کرکے پوری دنیا میں رسوا نہ ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج