کیا اسٹیٹ بینک عید کے لیے نئے بینک نوٹ جاری کرے گا؟
اشاعت کی تاریخ: 18th, March 2025 GMT
اسٹیٹ بینک آف پاکستان (ایس بی پی) نے منگل کو ان دعووں کی سختی سے تردید کی ہے کہ وہ نئے بینک نوٹ جاری نہیں کر رہا ہے۔
یہ بھی پڑھیں: نئے کرنسی نوٹ کب جاری ہوں گے؟ گورنر اسٹیٹ بینک نے بتا دیا
ایک بیان میں مرکزی بینک نے عید الفطر سے قبل کمرشل بینکوں کو نئے بینک نوٹ تقسیم کرنے کے اپنے دیرینہ رواج کی تصدیق کی۔
اسٹیٹ بینک نے زور دیا کہ یہ ملک بھر میں بینک شاخوں کے وسیع نیٹ ورک کے ذریعے کیا جاتا ہے تاکہ نئی کرنسی تک عوام کی رسائی کو یقینی بنایا جاسکے۔
یان میں کہا گیا کہ اس عمل کے تحت اسٹیٹ بینک پہلے ہی 17 ہزار کمرشل بینک برانچوں کو مختلف مالیت کے 27 ارب روپے کے نئے بینک نوٹ جاری کر چکا ہے تاکہ عوام میں تقسیم کی جا سکے۔
اے ٹی ایم کی بلاتعطل ورکنگمزید برآں اسٹیٹ بینک نے یقین دلایا کہ اے ٹی ایم خدمات کی بلاتعطل فراہمی کو یقینی بنانے کے لیے اقدامات کیے جا رہے ہیں جو تہواروں کے موسم میں اچھے معیار کے بینک نوٹ فراہم کرتے ہیں۔
مزید پڑھیے: نئے کرارے نوٹوں کے بنا ’عیدی‘ ادھوری کیوں؟
تقسیم کے عمل کو مزید ہموار بنانے اور تمام کمرشل بینک برانچوں میں دستیابی کو برقرار رکھنے کے لیے مرکزی بینک نے کیش مانیٹرنگ ٹیموں کو بھی تعینات کیا ہے تاکہ سائٹ پر معائنہ کیا جاسکے اور یہ یقینی بنایا جاسکے کہ نئے بینک نوٹ عوام تک مطلوبہ طریقے سے پہنچیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹیٹ بینک عید اور نئے نوٹ نئے کرنسی نوٹ.ذریعہ: WE News
کلیدی لفظ: اسٹیٹ بینک عید اور نئے نوٹ نئے کرنسی نوٹ نئے بینک نوٹ اسٹیٹ بینک کے لیے
پڑھیں:
چین سے قرض ری شیڈولنگ کا معاملہ ایک بار پھر اٹھانے کا فیصلہ
وزیرخزانہ اپنے 6روزہ دورہ امریکا کے دوران بدھ کو چینی وزیرخزانہ سے ملاقات کریں گے
اسحاق ڈار کے دورہ بیجنگ میں چینی حکام سے درخواست کا کا کوئی نتیجہ نہیں نکلا تھا، ذرائع
پاکستان نے قرض کی ری شیڈولنگ کا معاملہ ایک بار پھر چینی بینکوں کے ساتھ اٹھانے کا فیصلہ کرلیا، توقع ہے کہ وزیرخزانہ محمد اورنگزیب اگلے ہفتے واشنگٹن میں آئی ایم ایف اجلاس کے موقع پر اپنے چینی ہم منصب کے ساتھ قرضوں کی ری شیڈولنگ کا معاملہ اٹھائیں گے ۔حکومتی ذرائع کے مطابق وزیرخزانہ آئی ایم ایف کے منیجنگ ڈائریکٹر اور امریکا کے اسسٹنٹ سیکریٹری برائے خزانہ سے بھی ملاقات کریں گے ، وزارت خزانہ کے حکام کے مطابق وزیرخزانہ اپنے 6 روزہ دورہ امریکا کے دوران بدھ کے روز چینی وزیرخزانہ سے ملاقات کریں گے جس میں وہ اپنے چینی ہم منصب سے 3.4ارب ڈالر کے قرضوں کو دو سال کے لیے ری شیڈول کرنے کی درخواست کریں گے تاکہ غیرملکی فنڈنگ کے خلا کو پر کیا جاسکے ، وزیرخزانہ کے ہمراہ سیکریٹری خزانہ، گورنر اسٹیٹ بینک اور سیکریٹری اکنامک افیئرز بھی امریکا روانہ ہوں گے ۔ یادر ہے کہ چینی بینکوں کے قرضوں کی ری شیڈولنگ کے لیے نائب وزیراعظم اسحاق ڈار نے اپنے دورہ بیجنگ کے دوران بھی چینی حکام سے درخواست کی تھی، لیکن اس کا کوئی نتیجہ نہیں نکلا۔علاوہ ازیں، آئی ایم ایف کے سالانہ اجلاس کے دوران وزیرخزانہ کی سعودی وزیرخزانہ محمد الجدعان سے بھی ملاقات طے ہے جبکہ اس دوران پاکستانی وفد امریکی وزارت خزانہ کے اعلیٰ حکام سے بھی ملاقاتیں کرے گا، حکومتی ذرائع نے بتایا کہ وزیرخزانہ کی امریکا کے ایگزم بینک کے چیئرپرسن سے بھی ملاقات طے ہے ۔یاد رہے کہ امریکی ایگزم بینک ریکوڈیک منصوبے کے لیے 1 ارب ڈالر کا قرض بڑھانا چاہتا تھا اور اس نے ترجیحی قرض دہندہ کا درجہ حاصل کرنے کے لیے حکومت کو درخواست بھی دی تھی جس پر اسلام آباد نے اتفاق نہیں کیا تھا۔حکام نے بتایا کہ وزیرخزانہ امریکا کی انٹرنیشنل ڈیولپمنٹ فنانس کارپوریشن سے بھی گفتگو کرسکتے ہیں تاکہ جاری نجکاری پروگرام میں تعاون حاصل کیا جاسکے ، جبکہ وزیرخزانہ کی منیجنگ ڈائریکٹر آئی ایم ایف کرسٹالینا جارجیوا اور آئی ایم ایف کے دیگر اعلیٰ حکام سے بھی ملاقات کا امکان ہے ۔محمد اورنگریب پاکستان کی جانب سے درمیانی مدت میں ریونیو موبلائزیشن کے عنوان سے پینل ڈسکشن میں بھی شرکت کریں گے جس کا انعقاد آئی ایم ایف کی جانب سے کیا جائے گا۔وزیرخزانہ ایشیائی ترقیاتی بینک کے صدر مساتو کانڈا اور ورلڈ بینک گروپ کے صدر اجے بنگا سے بھی ملاقات کریں گے جبکہ ورلڈ بینک ایشیا ریجن کے نائب صدر مارٹن ریزر سے ملاقات بھی شیڈول کا حصہ ہے وہ سیکریٹری جنرل کلائمیٹ ویلنریبل فورم محمد نشید سے بھی ملاقات کریں گے ۔
خلیل الرحمٰان قمر ہنی ٹریپ اغوا کیس کا فیصلہ آج سنایا جائے گا