پی ٹی آئی کا مقصد پاکستان کیخلاف کام کرنیوالی فورسزکو سپورٹ کرنا ہے، عظمی بخاری
اشاعت کی تاریخ: 18th, March 2025 GMT
پی ٹی آئی کا مقصد پاکستان کیخلاف کام کرنیوالی فورسزکو سپورٹ کرنا ہے، عظمی بخاری WhatsAppFacebookTwitter 0 18 March, 2025 سب نیوز
لاہور (سب نیوز)وزیر اطلاعات پنجاب عظمی بخاری نے پاکستان تحریکِ انصاف کو تنقید کا نشانہ بناتے ہوئے کہا کہ بانی پی ٹی آئی نے حکومت میں کہا طالبان ہمارے بھائی ہیں، پی ٹی آئی کا مقصد پاکستان کیخلاف کام کرنیوالی فورسزکو سپورٹ کرنا ہے، ایک جماعت ہے جن کا کام ہی بائیکاٹ کرنا ہے۔
لاہور میں وزیراطلاعات پنجاب عظمی بخاری نے پریس کانفرنس کانفرنس کرتے ہوئے کہا کہ مسائل کے حل میں میڈیا نے مثبت کردار ادا کیا، عوام کی سہولت کے لیے مریم نواز ہرممکن اقدامات کر رہی ہیں، قومی سلامتی کی کمیٹی کا اسلام آباد میں اہم اجلاس جاری ہے۔عظمی بخاری نے کہا کہ آج سیاسی اورسیکیورٹی کے لحاظ سے اہم دن ہے، بطور وزیراعظم بانی پی ٹی آئی سیاسی جماعتوں کے ساتھ نہیں بیٹھے تھے، بانی پی ٹی آئی شاید خود کو پاکستان سے اوپر سمجھتے ہیں، ایک جماعت ہے جن کا کام ہی بائیکاٹ کرنا ہے۔
وزیراطلاعات پنجاب نے کہا کہ یہ اپوزیشن میں بائیکاٹ کرتے ہیں انھوں نے اپنی حکومت میں بھی بائیکاٹ کیا، ان کا ایجنڈا پاکستان کی سیکیورٹی نہیں ملک کوغیر مستحکم کرنا ہے، ان کا مقصد پاکستان کے خلاف کام کرنے والی فورسز کو سپورٹ کرنا ہے۔عظمی بخاری نے کہا کہ بانی پی ٹی آئی نے حکومت میں کہا طالبان ہمارے بھائی ہیں، سیکیورٹی فورسز کے جوان شہادت کی وردی پہنتے ہیں، جن لوگوں کوسزائیں ہوئی تھیں ان کو بھی صدارتی معافی میں رہا کیا گیا، امن وامان کے لیے سب سے پہلے ذمہ داری صوبائی حکومت کی ہوتی ہے۔
وزیراطلاعات پنجاب نے کہا کہ ان کے لیے دہشت گردی مسئلہ نہیں بانی کو مٹن ملایا نہیں مسئلہ ہے، سانحہ اے پی ایس آج بھی دل دھلا دیتا ہے، پاکستان دہشتگردی بری طرح سر اٹھا چکی ہے، پی ٹی آئی کو عوام کے جان و مال سے کوئی لینا دینا نہیں۔عظمی بخاری نے کہا کہ علی امین گنڈا پور کہتا ہے افغانستان کو کچھ نہ کہیں، دہشتگردوں سے کوئی مذاکرات نہیں ہوتے، نواز شریف کے دور میں دہشتگردی ختم ہوئی تھی، باہر بیٹھے پی ٹی آئی کے بھگوڑے ملک مخالف مہم چلا رہے ہیں۔ان کا کہنا تھا کہ پاکستان کے خلاف سازشیں ہو رہی ہیں، ہماری فورسز ملک کے لیے قربانیاں دے رہی ہیں۔
ذریعہ: Daily Sub News
کلیدی لفظ: کو سپورٹ کرنا ہے کا مقصد پاکستان بانی پی ٹی آئی پاکستان کی نے کہا کہ کے لیے
پڑھیں:
فلسطین اور غزہ کے نام پر لوگوں کی املاک کو نقصان پہنچایا جارہا ہے: عظمیٰ بخاری
عظمیٰ بخاری— فائل فوٹووزیر اطلاعات پنجاب عظمیٰ بخاری نے کہا ہے کہ فلسطین اور غزہ کے نام پر لوگوں کی املاک کو نقصان پہنچایا جارہا ہے۔
اپنے ایک بیان میں عظمیٰ بخاری نے کہا کہ مسیحی برادری کو ایسٹر کی مبارکباد دیتی ہوں، وزیراعلیٰ پنجاب مریم نواز کی طرف سے بھی مسیحی برادری کو مبارک باد دیتی ہوں۔
عظمیٰ بخاری نے کہا کہ فلسطین اور غزہ کے نام پر لوگوں کی املاک کو نقصان پہنچایا جا رہا ہے، ان فوڈ چین میں 25 ہزار پاکستانی ملازم ہیں، فوڈ چین پر حملوں میں جاں بحق ہونے والا بھی پاکستانی تھا۔
عظمیٰ بخاری نے کہا کہ فوڈ چین پر حملوں کا نقصان پاکستان کو ہو رہا ہے، کسی کو بھی امن و امان خراب کرنے کی اجازت نہیں دی جائے گی، فوڈ چین پر حملے باقاعدہ منصوبہ بندی کے تحت کیے گئے۔
انہوں نے کہا کہ فوڈ چین پر حملوں میں ملوث 149 ملزمان گرفتار کرلیے گئے ہیں، حملے ایک منصوبہ بندی کے تحت صرف پنجاب میں ہو رہے ہیں، ترقی کرتے پنجاب پر تشدد پسند گروہ حملے کررہا ہے، کسی گروہ کو امن خراب کرنے کی اجازت نہیں دی جائے گی۔
وزیراعلیٰ خیبرپختونخوا کے خلاف کتنے مقدمات درج ہیں؟ تفصیلات سامنے آ گئیں