بجلی کی قیمت میں کم از کم 10 روپے کمی کی جائے، ایف پی سی سی آئی کا مطالبہ
اشاعت کی تاریخ: 18th, March 2025 GMT
بجلی کی قیمت میں کم از کم 10 روپے کمی کی جائے، ایف پی سی سی آئی کا مطالبہ WhatsAppFacebookTwitter 0 18 March, 2025 سب نیوز
اسلام آباد: فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) کے عہدیداران نے نیوز کانفرنس سے خطاب کرتے ہوئے بجلی کی قیمتوں اور پالیسی ریٹ میں فوری کمی کا مطالبہ کیا ہے۔ عہدیداران کا کہنا تھا کہ ملکی معیشت کے استحکام اور برآمدات کے فروغ کے لیے توانائی کی قیمتوں کو خطے کے برابر لانا ناگزیر ہے۔
ای پی سی سی آئی کے صدر عاطف اکرام شیخ نے کہا کہ چیمبرز کی دو سالہ مدت کے حوالے سے گفت و شنید جاری ہے جبکہ حکومت یہ بات سمجھ رہی ہے کہ چار ماہ قبل ہی انتخابات مکمل ہوئے ہیں۔ انہوں نے کہا کہ آئی پی پیز سے متعلق میڈیا اور بزنس کمیونٹی نے مل کر کوششیں کیں جس کے نتیجے میں بجلی کی قیمت میں 4 سے 5 روپے کمی ممکن ہوئی۔
انہوں نے کہا کہ خطے میں بجلی کا ریٹ 6 سے 7 سینٹ فی یونٹ ہے جبکہ پاکستان میں یہ 15 سینٹ تک ہے، جو صنعت کی بحالی اور برآمدات کے لیے نقصان دہ ہے۔ عاطف اکرام شیخ نے مطالبہ کیا کہ پالیسی ریٹ کو فوری طور پر سنگل ڈیجٹ میں، کم از کم 8 فیصد تک لایا جائے تاکہ سرمایہ کاری کو فروغ ملے۔
اس موقع پر یو بی جی کے پیٹرن انچیف ایس ایم تنویر نے کہا کہ ملکی معیشت مثبت سمت میں جا رہی ہے مگر اب بھی ڈالرز کی شدید ضرورت ہے۔ انہوں نے کہا کہ ڈالرز حاصل کرنے کے دو ہی طریقے ہیں؛ یا آئی ایم ایف کے پاس جائیں یا پھر انڈسٹری کو بحال کرکے برآمدات بڑھائی جائیں۔
ایس ایم تنویر نے کہا کہ اگر توانائی کی قیمتوں کو خطے کے برابر نہ لایا گیا تو برآمدات میں اضافہ ممکن نہیں ہوگا۔ انہوں نے بتایا کہ حکومت نے 14 آئی پی پیز سے معاہدے ریوائز کیے ہیں اور 6 آئی پی پیز منسوخ کیے ہیں، جس سے بجلی نرخوں پر 2 روپے 30 پیسے کمی متوقع ہے۔ تاہم، ان کا کہنا تھا کہ یہ کمی ناکافی ہے اور بجلی کی قیمتوں میں کم از کم 10 روپے کمی ہونی چاہیے۔
انہوں نے کہا کہ موجودہ بجلی قیمتوں پر انڈسٹری تباہی کے دہانے پر پہنچ چکی ہے، اور مطالبہ کیا کہ بجلی کی قیمت 26 روپے فی یونٹ مقرر کی جائے۔ ایس ایم تنویر نے پالیسی ریٹ میں کمی پر بھی زور دیتے ہوئے کہا کہ شرح سود 9 فیصد ہونا چاہیے تاکہ معیشت کو سہارا مل سکے۔
عہدیداران کا کہنا تھا کہ حکومت فوری اقدامات کرے تاکہ توانائی بحران پر قابو پایا جا سکے اور برآمدات کے اہداف حاصل کیے جا سکیں۔
.ذریعہ: Daily Sub News
کلیدی لفظ: بجلی کی قیمت پی سی سی ا ئی روپے کمی
پڑھیں:
آئندہ دنوں میں بجلی مزید 7 سے 8 روپے فی یونٹ سستی ہوگی، اعظم نذیر تارڑ
گوجرانوالہ(نیوز ڈیسک)وفاقی وزیر قانون اعظم نذیر تارڑ نے کہا ہے کہ آنے والے دنوں میں بجلی کی قیمت میں مزید 7 سے 8 روپے فی یونٹ کمی ہوگی۔
اتوار کو جڑانوالہ میں کاشتکاروں سے خطاب کرتے ہوئے وفاقی وزیر اعظم نذیر تارڑ کا کہنا تھا کہ زراعت کو نصاب میں شامل ہونا چاہیے، چین نے پروگریسو فارمنگ کے ذریعے انقلاب برپا کیا ہے اور وزیر اعظم نے اس معاملے میں چین سے خصوصی تعاون کی درخواست کی ہے۔
وفاقی وزیر قانون کا کہنا تھا کہ زراعت کی جدید ٹیکنالوجی سے آگاہی کے لئے ہمارے ایک ہزار زرعی گریجویٹس تربیت کے لیےچین جا رہے ہیں۔
اعظم نذیر تارڑ کا کہنا تھا کہ زیادہ پیداوار کے لیے بیج اچھا ہونا بھی ضروری ہے، وزیراعظم سیڈز ڈویلپمنٹ کے لیے پُرعزم ہیں، اجناس کا یہ بحران عارضی ہے اور جلد اس پر قابو پالیں گے ، سپورٹنگ پرائس ختم ہونے سے پیدا ہونے والی مشکلات عارضی ہیں۔
ان کا کہنا تھا کہ پنجاب حکومت نے کسانوں کو 15 ارب روپے کا پیکج دیا ہے، کسانوں کو سستی کھاد کی فراہمی ہماری اولین ترجیح ہے اور حکومت گندم کاشت کرنے والے زمینداروں کی بہتری کے لیے کوشاں ہے۔انہوں نے کہا کہ ہمیں مشکل فیصلے کرنا پڑ رہے ہیں۔
انہوں نے بتایا کہ وفاقی حکومت بجلی کی قیمت میں مزید ریلیف دے گی اور آنے والے دنوں میں بجلی کی قیمت میں مزید سات سے آٹھ روپے فی یونٹ کمی ہوگی۔
ان کا مزید کہنا تھا کہ کھاد کی قیمتیں کم کرنے کے لیے بھی کام کر رہے ہیں۔
آج بروز پیر بالائی خیبر پختونخوا،کشمیر،گلگت بلتستان میں آج بارش کا امکان
پاک-چین میری ٹائم کے شعبے میں مذاکرات کا پانچواں دور، تعاون برقرار رکھنے کا فیصلہ