منشیات اسمگلنگ نیٹ ورک بے نقاب، 2 غیرملکی منشیات فروش گرفتار
اشاعت کی تاریخ: 18th, March 2025 GMT
لاہور میں غیر ملکی منشیات اسمگلنگ کے نیٹ ورک کے خلاف کارروائی میں 2 غیرملکی منشیات فروشوں کو گرفتارکر لیا گیا۔
ایس پی ماڈل ٹاؤن ڈویژن کی سربراہی میں ایس ایچ او فیصل ٹاؤن نے خفیہ اطلاع پر پولیس ٹیم کے ساتھ کارروائی کرتے ہوئے 2 غیر ملکی منشیات فروشوں کو گرفتار کرلیا۔ ملزمان عالے عبداللہ اور جمعہ حماسی کے قبضے سے کروڑوں روپے مالیت کی اڑھائی کلو سے زائد ہیروئن برآمد ہوئی۔ ملزمان کا تعلق تنزانیہ سے ہے۔ دونوں ملزمان نے علاقہ غیر سے منشیات منگوا کر تعلیمی اداروں، ہوسٹلز، کالجز اور یونیورسٹیز کے اطراف فروخت کرنے کا اعتراف بھی کیا۔ ملزمان کے دیگر ساتھیوں کی گرفتاری کے لیے کارروائیاں جاری ہیں۔
مزید پڑھیں: کراچی: شاہ فیصل میں منشیات کے اڈے پر چھاپہ، بھاری مقدار میں آئس برآمد
دوسری جانب اینٹی نارکوٹکس فورس ( اے این ایف ) کی جانب سے ملک کے مختلف شہروں میں منشیات اسمگلنگ کے خلاف کریک ڈاؤن جاری ہے۔ کارروائیوں کے دوران افغان باشندے سمیت 7 ملزمان کو گرفتار کر کے تقریباً 2کروڑ 8 لاکھ روپے مالیت کی 125 کلوگرام سے زائد منشیات برآمد کر لی گئیں۔ ترکی ٹول پلازہ سوہاوہ کے قریب گاڑی سے 3 کلو 500 گرام ہیروئین برآمد کر کے 4 ملزمان کو گرفتارکیا گیا۔
ساہیانوالہ موٹروے انٹرچینج کے قریب سوزوکی پک اپ سے 30 کلو افیون اور 6 کلو چرس برآمد ہوئی۔ افغان باشندے کو گرفتارکیا گیا۔ سیالکوٹ کے قریب پسرور روڈ پر ملزم کو گرفتارکرکے گاڑی سے 1 کلو 800 گرام افیون برآمد کی گئی۔ یارو چوک، پشین کے قریب رکشہ سے 12 کلوگرام چرس برآمد ہوئی۔ ملزم کو گرفتارکر لیا گیا۔ رنگ روڈ پشاور پر واقع، جمیل چوک کے قریب گاڑی سے 72 کلوگرام چرس برآمد ہوئی۔
گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔
.ذریعہ: Express News
کلیدی لفظ: برآمد ہوئی کو گرفتار کے قریب
پڑھیں:
کراچی، موٹروے ایم نائن پر پھسلن، نوری آباد سے کراچی آنے والا ٹریک مکمل طور پر کلیئر
کراچی:نیشنل ہائی ویز اینڈ موٹرویز پولیس ساؤتھ زون کراچی کی بروقت اور مؤثر کارروائی کے باعث موٹروے ایم نائن پر نوری آباد سے کراچی آنے والا ٹریک ٹریفک کے لیے مکمل طور پر بحال کر دیا گیا۔
ترجمان کے مطابق نوری آباد کے قریب نامعلوم گاڑی سے آئل گرنے کے نتیجے میں سڑک پر شدید پھسلن پیدا ہوئی تھی، جس کے باعث ٹریفک کی روانی متاثر ہوئی۔
موٹروے پولیس کی ٹیم فوری طور پر موقع پر پہنچی، ٹریفک کو ریگولیٹ کرتے ہوئے صورتحال پر قابو پایا اور کسی بڑے حادثے کو ہونے سے بچا لیا۔
اہلکاروں نے سڑک پر پھیلے آئل پر مٹی ڈال کر اسے خشک کیا اور ٹریک کو دوبارہ محفوظ بنایا۔
ترجمان موٹروے پولیس کا کہنا ہے کہ نوری آباد کے قریب ٹریفک اب مکمل طور پر بحال ہوچکا ہے اور موٹروے پولیس کسی بھی ہنگامی صورتحال سے نمٹنے کے لیے ہمہ وقت تیار ہے۔