مودی نے سوشل میڈیا پلیٹ فارم ’’ٹرتھ سوشل‘‘ پر اکاؤنٹ بنالیا، ٹرمپ کے ساتھ تصویر شیئر کی
اشاعت کی تاریخ: 17th, March 2025 GMT
NEW DELHI:
بھارتی وزیراعظم نریندرا مودی نے سوشل میڈیا پلیٹ فارم ’’ ٹرتھ سوشل ‘‘ پر اکاؤنٹ بنالیا، یہ سوشل میڈیا پلیٹ فارم ٹرمپ میڈیا کی ملکیت ہے جس کا مالک امریکی صدر ڈونلڈ ٹرمپ کو سمجھا جاتا ہے۔
ایکسپریس ٹریبیون کی رپورٹ کے مطابق ٹرتھ سوشل پراپنی پہلی پوسٹ میں نریندر مودی نے اپنے ’ اچھے دوست‘ امریکی صدر ٹرمپ کے ساتھ ایک تصویر شیئر کی ہے۔ تصویر کے کیپشن میں انہوں نے لکھا کہ ٹرتھ سوشل پر آکر مجھے بہت خوشی محسوس ہورہی ہے، اور یہاں میں تمام پُرجوش آوازوں سے رابطہ کرنے اور آنے والے وقت میں بامعنی گفت و شنید کرنے کا متمنی ہوں۔
اس پوسٹ کے ساتھ ہی مودی کی دونوں لیڈروں کے درمیان بڑھتے ہوئے ڈیجیٹل رابطوں میں بھی انٹری ہوگئی ہے۔
اپنی دوسری پوسٹ میں بھارتی وزیراعظم نے حال ہی میں معروف پوڈ کاسٹر اور کمپیوٹر سائنس داں لیکس فریڈمین کے ساتھ تین گھنٹے طویل پوڈ کاسٹ کا لنک شیئر کیا ہے۔
پوڈ کاسٹ میں قیادت سے لے کر عالمی معاملات تک کے موضوعات پر بات کی گئی۔ خود ٹرمپ نے بھی اس پوڈ کاسٹ کو نمایاں کیا، جس سے دونوں رہنماؤں کے درمیان تعلقات مزید مضبوط ہوئے۔ مودی نے اپنے پیغام میں اپنا شکریہ ادا کرتے ہوئے کہا، "شکریہ، میرے دوست، صدر ٹرمپ۔ میں نے اپنی زندگی کے سفر، ہندوستان کے تہذیبی نقطہ نظر، عالمی مسائل اور دیگر موضوعات پر بات کی۔"
اتوار کو نشر ہونے والے پوڈ کاسٹ کے دوران، مودی نے انکشاف کیا کہ وہ اور ٹرمپ ممالک کو ترجیح دینے کے مشترکہ نقطہ نظر کی وجہ سے گہرا تعلق رکھتے ہیں۔ انہوں نے باہمی اعتماد پر بھی روشنی ڈالی، جو صدر جو بائیڈن کی انتظامیہ کے بھی مضبوط رہا۔
مودی نے ٹرمپ کے پہلے دور میں ہونے والے ایک واقعہ کا تذکرہ کیا جب ہوسٹن میں 'ہاؤڈی موڈی' تقریب کے دوران امریکی صدر نے سیکیورٹی پروٹوکول کو نظر انداز کرتے ہوئے اسٹیڈیم کا ایک چکر لگانے کی درخواست کو قبول کیا تھا۔
یہ پیش رفت مودی کی ڈیجیٹل میڈیا پر موجودگی کے لحاظ سے ایک اہم لمحہ ہے، خاص طور پر جب وہ ٹرمپ کے حامیوں میں مقبول پلیٹ فارم کے ساتھ خود کو منسلک کر رہے ہیں۔
.
ذریعہ: Express News
کلیدی لفظ: ٹرتھ سوشل پوڈ کاسٹ ٹرمپ کے کے ساتھ
پڑھیں:
ٹرمپ انتظامیہ کا ویزہ کی درخواست دینے والوں کی 5 سالہ سوشل میڈیا سرگرمیاں جانچنے کا منصوبہ
data-id="863a0a8" data-element_type="widget" data-widget_type="theme-post-content.default">
ٹرمپ انتظامیہ نے امریکی ویزا کے درخواست گزاروں کی گزشتہ پانچ سال کی سوشل میڈیا سرگرمیوں کی جانچ کا منصوبہ تیار کر لیا ہے۔
کسٹمز اینڈ بارڈر پروٹیکشن نے اس حوالے سے نوٹس فیڈرل رجسٹر میں شائع کرتے ہوئے اسے لازمی قرار دیا ہے۔ ابھی تک یہ واضح نہیں کہ نئے ضابطے کا اطلاق کب سے ہوگا، تاہم میڈیا رپورٹس کے مطابق امریکی سٹیزن شپ اینڈ امیگریشن سروسز یہ جانچ کرے گی کہ آیا درخواست گزار نے امریکا مخالف، یہود مخالف یا دہشت گردی سے متعلق کوئی مواد شیئر یا فروغ تو نہیں دیا۔
امریکی عوام سے کہا گیا ہے کہ وہ اس مجوزہ سوشل میڈیا جانچ سے متعلق اقدام پر 60 روز کے اندر اپنی رائے دیں۔
امریکا میں داخل ہونے والے افراد سے اہل خانہ کے ای میل ایڈریس، فون نمبرز اور دیگر تفصیلات بھی طلب کی جائیں گی۔
اس سے قبل محکمہ خارجہ نے جون میں سیاحوں کو ہدایت دی تھی کہ وہ اپنی سوشل میڈیا پوسٹس کو پبلک رکھیں، جبکہ اگست میں ٹرمپ انتظامیہ نے اعلان کیا تھا کہ وہ ویزا اور گرین کارڈ کے درخواست گزاروں کی سوشل میڈیا سرگرمیوں کا جائزہ لینے کا منصوبہ بنا رہی ہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر