قوم کو متحد کرنے کیلئے اے پی سی بلانی چاہیے،فواد چودھری
اشاعت کی تاریخ: 17th, March 2025 GMT
فیصل آباد: سابق وفاقی وزیر فواد چودھری نے کہا ہے کہ قوم کو متحد کرنے کیلئے اے پی سی بلانی چاہیے۔
پنجاب کے شہر فیصل آباد میں میڈیا سےگفتگو کرتے ہوئے فواد چودھری کا کہنا تھا کہ سانحہ اے پی ایس کے بعد جنرل راحیل شریف نے سب کو اکٹھا کیا تھا، تمام جماعتوں کواکٹھا کرکےنیشنل ایکشن پلان بنایا گیا تھا، اس وقت بھی نیشنل ایکشن پلان جیسےاقدام کی ضرورت ہے۔
انہوں نے کہا کہ عوام بانی کےساتھ کھڑےہیں ان کی رائےلی جائے، اگرقوم کومتحد کرنا ہےتوصدرمملکت کواے پی سی بلانی چاہیے، ایوان صدرمیں نوازشریف،بانی پی ٹی آئی اورمولانا فضل الرحمان کوبلایا جائے۔
سابق وفاقی وزیر نے کہا کہ تحریک انصاف کی حکومت میں دہشت گردی کم ہوئی تھی، اس وقت کسی بھی ہمسایہ ملکوں کےساتھ تعلقات ٹھیک نہیں ہے، پی ٹی آئی کوپہلےاپوزیشن کا الائنس بنانا چاہیے۔
ذریعہ: Daily Mumtaz
پڑھیں:
فیض حمید اب عمران خان کے خلاف گواہی دینے جارہے ہیں: سینیٹر فیصل واوڈا
data-id="863a0a8" data-element_type="widget" data-widget_type="theme-post-content.default">
سینیٹر فیصل واوڈا کا کہنا ہے کہ لیفٹیننٹ جنرل (ر) فیض حمید اب بانی پی ٹی آئی عمران خان کے خلاف گواہی دینے جا رہے ہیں۔
ایک انٹرویو میں گفتگو کرتے ہوئے فیصل واوڈا نے کہا کہ 9 مئی کے کیسز میں بانی پی ٹی آئی قانونی گرفت میں آتے دکھائی دے رہے ہیں، اور فیض حمید نہ صرف گواہی دیں گے بلکہ شواہد بھی پیش کریں گے۔
انہوں نے مزید کہا کہ قانون کی کارروائی یہاں نہیں رکے گی، اور فیض حمید کو سنائی گئی 14 سال قید کی سزا میں کمی کا امکان نہیں ہے۔ ان کے مطابق 9 مئی کے لیے فوجی تنصیبات کی تفصیلات فراہم کرنا فیض حمید کی ذمہ داری تھی۔
فیصل واوڈا کا کہنا تھا کہ سابق آرمی چیف جنرل باجوہ کی کوتاہیاں ضرور تھیں، لیکن جیسے ہی انہیں صورتحال کا ادراک ہوا تو انہوں نے فیض حمید کو ہٹانے کی کوشش کی۔ ان کے مطابق جنرل باجوہ بری الذمہ ہوچکے تھے اس لیے ان کے خلاف کارروائی نہیں ہوگی۔
انہوں نے کہا کہ حقائق واضح ہونے کے بعد اب پہلا مرحلہ پی ٹی آئی اور اس کے بانی سے متعلق ہے۔
خیال رہے کہ سابق ڈی جی آئی ایس آئی لیفٹیننٹ جنرل (ر) فیض حمید کو فیلڈ جنرل کورٹ مارشل کی کارروائی کے بعد 14 سال قید بامشقت کی سزا سنائی جا چکی ہے، جو پاکستان آرمی ایکٹ کے تحت 15 ماہ تک جاری رہنے والی کارروائی کے بعد مکمل ہوئی۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر