پاکستان اور افغانستان طورخم سرحد کی بندش پر لویہ جرگہ کی دوسری نشست آج ہوگی
اشاعت کی تاریخ: 17th, March 2025 GMT
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔17 مارچ ۔2025 )پاکستان اور افغانستان کے درمیان طورخم سرحد کی بندش کے معاملے کے حل کے لیے دونوں ممالک کے مابین لویہ جرگہ کی دوسری نشست آج پیر کے روز طورخم میں ہوگی سرحد کی بندش سے چیمبر آف کامرس کے مطابق دو طرفہ تجارت کی بندش سے یومیہ ایک ارب سے زیادہ نقصان ہو رہا ہے.
(جاری ہے)
پاکستان اور افغانستان کے مابین ضلع خیبر میں اہم تجارتی گزرگاہ گذشتہ تین ہفتوں سے ہر قسم کی آمدورفت کے لیے بند ہے اور اس کی وجہ افغانستان کی جانب متنازعہ بارڈر پوسٹ کی تعمیر ہے حالیہ مسئلے کے حل کے لیے 24 فروری کو پاکستان اور افغان حکام کے مابین ایک نشست بھی ہوئی لیکن تاحال اس کا کوئی خاطر خوا نتیجہ سامنے نہیں آ سکا ہے اس کے بعد خیبر چیمبر آف کامرس کے مشران کی سربراہی میں منعقدہ 22 رکنی پاکستانی جرگہ کی افغانستان کے 35 رکنی لویہ جرگہ کے اراکین کے ساتھ نو مارچ کو طورخم میں پہلی نشست ہوئی تھی جس میں دونوں جانب سے معاملے کو حل کرنے کی یقین دہانی کروائی گئی تھی.
خیبر چیمبر آف کامرس نے پہلی نشست کے حوالے سے اپنے بیان میں بتایا تھا کہ جرگہ اراکین نے اگلی نشست تک امن تیگہ (فائر بندی) پر اتفاق کیا تھا اسی سلسلے میں پیر 17 مارچ 2025 کو جرگے کی دوسری نشست منعقد کی جائے گی تاکہ پاکستانی جرگہ اراکین کے مطابق سرحد پر کشیدگی کے خاتمے کے لیے لائحہ عمل طے کیا جائے واضح رہے کہ پاکستان اور افغانستان بارڈر انتظامیہ نے ایک دوسرے پر الزام لگایا تھا کہ انہوں نے ایک دوسرے کے علاقوں میں بغیر مشورے کے تعمیرات کی ہیں جو غیرقانونی ہیں تاہم بعد میں پاکستانی حکام نے بتایا کہ افغانستان کی جانب سے سرحد کے قریب زیرو پوائنٹ پر غیرقانونی تعمیرات کی جا رہی ہیں جو کسی صورت قبول نہیں ہوں گی اس کے بعد دونوں پاکستان بارڈر فورسز اور افغانستان کے بارڈر پر تعینات افغان طالبان کے مابین جھڑپیں بھی دیکھی گئیں جس میں تین مارچ کو پولیس حکام کے مطابق فائرنگ سے بھگدڑ مچنے کے نتیجے میں ایک مسافر جان سے بھی گیا تھا سرحد چیمبر آف کامرس کے صدر فضل مقیم خان نے 16 مارچ کو ایک بیان میں بتایا تھا کہ طورخم کی بندش سے یومیہ ایک ارب سے زائد کا نقصان ہو رہا ہے بیان میں بتایا گیا تھا کہ ماہ رمضان میں عمومی طور پر پاکستان سے سامان کی ترسیل زیادہ کی جاتی ہے. سرحد چیمبر آف کامرس نے اپنے بیان میں بتایا ہے کہ طورخم بارڈر پر مختلف سامان سے لدھی پانچ ہزار سے زائد گاڑیاں کھڑی ہیں جن میں کھانے پینے کا سامان خراب ہو رہے ہیں اور رمضان میں سامان کی ترسیل مزید تیز ہوتی ہے لیکن سرحد بند ہونے سے کاروباری طبقے کا بہت زیادہ نقصان ہو رہا ہے. پاکستان امپورٹ میں افغانستان کا تیسرا بڑا پارٹنر ہے جبکہ ایکسپورٹ اور امپورٹ میں پہلے نمبر پر سب سے بڑا پارٹنر ہے پاکستان کی وزارت خارجہ کے اعداد و شمار کے مطابق مالی سال 2023 اور 2024 میں دونوں ممالک کے مابین تجارت کا حجم 526 ملین ڈالر (147 ارب روپے سے زائد) تھا افغانستان سے سب سے زیادہ پیاز، ٹماٹر، انگور، خشک خوبانی،کاٹن، کوئلہ، دالیں، کھیرا، سیب درآمد کیا جاتا ہے جبکہ پاکستان سے افغانستان برآمدات میں چاول، پھل اور سبزیاں، سیمنٹ، لکڑی، پلاسٹک، موٹر سائکل، ٹریکٹر، وغیرہ شامل ہیں.ذریعہ: UrduPoint
کلیدی لفظ: تلاش کیجئے پاکستان اور افغانستان چیمبر آف کامرس میں بتایا افغانستان کے کے مطابق کے مابین کی بندش تھا کہ کے لیے
پڑھیں:
امیر جماعت اسلامی نے 26 اپریل کو ملک گیر ہڑتال کا اعلان کردیا
اسلام آباد:جماعت اسلامی پاکستان کے امیر حافظ نعیم الرحمان نے حکومت اور اپوزیشن سے فلسطین اور مسئلہ کشمیر پر متحد ہونے پر زور دیتے ہوئے کہا ہے کہ 26 اپریل کو ملک بھر میں ہڑتال ہوگی اور 27 اپریل کو اگلے لائحہ عمل کا اعلان کریں گے۔
امیرجماعت اسلامی حافظ نعیم الرحمان نے اسلام آباد میں غزہ مارچ کے شرکا سے خطاب کرتے ہوئے کہا کہ ہمارے حکمران سوئے ہوئے ہیں، ہم نے کہا تھا امریکی سفارت خانے کی طرف مارچ کریں گے، حکمران طبقہ اسرائیل اور امریکا سے ڈرتا ہے اور حکمرانوں نے پورے اسلام آباد کو بند کر دیا تھا۔
انہوں نے کہا کہ امریکا ایک قاتل ملک ہے، اسرائیل کو امریکی پشت پناہی حاصل ہے، فلسطینی امت مسلمہ کی طرف دیکھ رہے ہیں، ہم 26 اپریل کو ہڑتال کرین گے اور 27 اپریل کوآئندہ کے لائحہ عمل کا اعلان کروں گا۔
حافظ نعیم الرحمان نے کہا کہ امریکا میں نوجوان اپنے حکمرانوں کے خلاف کھڑے ہوئے ہیں، اسرائیل نے فلسطینوں کی زمین پر قبضہ کیا ہوا ہے، فلسطینوں سے کلمے کا تعلق ہے۔
انہوں نے حکمرانوں کومتنبہ کرتے ہوئے کہا کہ اسرائیل سے تعلقات بڑھانے کا سوچنا بھی مت، اٹھو اور فلسطین کا مقدمہ لڑو، امریکا کو آج پیغام دیا، تم غلام ابن غلام ہو لیکن محمد کے غلاموں کو امریکا کی غلامی قبول نہیں ہے۔
امیر جماعت اسلامی نے مطالبہ کیا کہ پاکستان میں حماس کا دفتر کھولا جائے، حماس کے مجاہد قابض فوجیوں سے لڑ رہے ہیں اور امریکا نے حماس کو اقتدار میں نہیں آنے دیا۔
ان کا کہنا تھا کہ پاکستان میں حکومت اور اپوزیشن کوئی کام نہیں کر رہی ہے، اپنے کام کروانا ہو تو اسٹیبلشمنٹ سے مذاکرات بھی ہو جاتے ہیں، ذاتی مفاد کے لیے تھر پارکر میں پاکستان تحریک انصاف (پی ٹی آئی) اور پاکستان مسلم لیگ (ن) کا اتحاد بھی ہو جاتا ہے۔
حافظ نعیم الرحمان نے حکومت اور اپوزیشن کو مخاطب کرکے کہا کہ تنخواہوں میں اضافہ کروا لیتے ہولیکن امریکا کی مذمت نہیں کرتے۔
انہوں نے کہا کہ تمام سیاسی جماعتوں سے کہتا ہوں کشمیر اور فلسطین کے معاملے پر ایک ہوجاؤ، فلسطین کا معاملہ انسانیت کا ہے، بچوں کوشہید کیا جا رہا ہے۔
ان کا کہنا تھا کہ یرغمالیوں کا تحفظ حماس نے کیا ہے لیکن اسرائیل اپنی قید میں موجود فلسطینوں کے ساتھ انسانیت سوز ظلم کر رہا ہے، مسلمانوں پر جہاد فرض ہے، ہم بائیکاٹ کریں گے، فلسطینوں کے لیے پسندیدہ کھانے پینے کی اشیا چھوڑ سکتے ہیں، سوشل میڈیا پر جہاد کریں گے کیونکہ حکمران جہاد کرنے نہیں دیتے۔
امیرجماعت اسلامی نے کہا کہ بلوچ حقوق مانگ رہے اور پشتون امن مانگ رہے ہیں، سندھ کے لوگ کینال کے خلاف سراپا احتجاج ہیں۔
دریں اثنا جماعت اسلامی کے ریڈزون کے اندر غزہ مارچ کے اعلان پر وفاقی پولیس نےفیض آباد، زیرو پوائنٹ اور ریڈزون سمیت ریڈزون کی طرف جانے والے تمام راستے سیل کردیےتھے لیکن پھر جماعت اسلامی اور حکومت کے مابین رابطہ کے بعد اسلام آباد ہائی وے پر آئی ایٹ پل کے قریب احتجاج مارچ اور جلسے کی اجازت دے دی گئی۔
احتجاج کے لیے جماعت اسلامی کے ہزاروں کارکن بسوں، کاروں اور دیگر گاڑیوں پرقافلوں کی شکل میں وہاں پہنچے، اس موقع پر پولیس کی بھاری نفری سیکیورٹی کے لیے تعینات رکھی گئی تھی، امیر جماعت اسلامی کے خطاب کے بعد غزہ مارچ کے مظاہرین پرامن طور پر منتشر ہوگئے۔
حکومت سندھ کا تکراری تونسہ کینال کھولنے پر ارسا سے سخت احتجاج، فوری بند کرنے کا مطالبہ