سوشل میڈیا کے ذریعے اس شہر کے نوجوان بھارت کو منہ توڑ جواب دیں گے، گورنر سندھ
اشاعت کی تاریخ: 16th, March 2025 GMT
کراچی:
گورنر سندھ کامران خان ٹیسوری نے کہا کہ شہر قائد کے نوجوان سوشل میڈیا کے ذریعے بھارتی پروپیگنڈے کا منہ توڑ جواب دیں گے۔
تفصیلات کے مطابق گورنر سندھ کامران خان ٹیسوری نے اورنگی ٹاؤن میں سحری کی تقریب میں عوام سے خطاب کرتے ہوئے شہر کے مسائل اور اس کے حقوق کے حوالے سے اہم باتیں کیں۔
انہوں نے کہا کہ کراچی سب سے زیادہ ٹیکس دینے والا شہر ہے اور یہاں بانیان پاکستان کی اولادیں رہتی ہیں جنہوں نے اس شہر کو بنایا تھا۔
کامران خان ٹیسوری نے کہا کہ کراچی آج اپنا حصہ مانگ رہا ہے اور یہ شہر دوسروں صوبوں سے آنے والوں کو اپنی گود میں بٹھاتا ہے، مگر اب شہر اور اس کے رہائشیوں کا تقاضا ہے کہ انہیں بھی نظرانداز نہ کیا جائے۔
گورنر سندھ نے کراچی کی بنیادی سہولتوں کے حوالے سے بات کرتے ہوئے کہا کہ پورے شہر میں سڑکوں کا نظام خراب ہو چکا ہے۔
انہوں نے کہا کہ کبھی کسی علاقے سے یہ خبریں آتی ہیں کہ کوئی بچہ گٹر میں گر کر جاں بحق ہو گیا یا کسی ماں کا بیٹا موٹر سائیکل پر روزگار کے لیے نکلتے ہوئے کسی ڈمپر کی زد میں آ کر جان سے ہاتھ دھو بیٹھا۔
کامران خان ٹیسوری نے اس بات کا بھی ذکر کیا کہ جب کراچی کے مسائل پر آواز اٹھائی جاتی ہے تو انہیں آئینی حدود میں رہنے کا کہا جاتا ہے، مگر ان کا کہنا تھا کہ وہ صرف یہ چاہتے ہیں کہ ملک میں بجلی، گیس، پانی کی فراہمی یقینی ہو اور غریبوں کے بچے بھی امیروں کے بچوں کی طرح ترقی کر سکیں۔
گورنر سندھ نے مزید کہا کہ ہر کسی کو فوری انصاف ملنا چاہیے اور ان کا مقصد عوامی فلاح کے لیے کام کرنا ہے۔ انہوں نے وزیر اعظم کے وعدوں پر بھی تنقید کی کہ وزیر اعظم بننے کے بعد نہ تو ایک کروڑ نوکریاں دی گئیں اور نہ ہی 50 لاکھ گھر بنائے گئے۔
کامران خان ٹیسوری نے بلوچستان اور خیبر پختونخوا میں حالیہ واقعات کا ذکر کرتے ہوئے کہا کہ ان علاقوں میں حالات خراب کرنے میں ان کا ہاتھ ہے۔ انہوں نے کہا کہ کراچی وہ شہر ہے جہاں پاکستان بنانے والوں کی اولادیں رہتی ہیں اور اگر اس شہر کا حق نہیں دیا گیا تو یہ حق چھین کر لیا جائے گا۔
گورنر سندھ نے اپنے خطاب کے آخر میں کہا کہ سوشل میڈیا کے ذریعے اس شہر کے جوان بھارت کو منہ توڑ جواب دیں گے اور ہمیں اپنی صفوں میں اتحاد رکھنا ہوگا۔ انہوں نے یقین دہانی کرائی کہ جب اختیار حاصل ہوگا تو اورنگی ٹاؤن کے لوگ خوشحال ہوں گے۔
.ذریعہ: Express News
کلیدی لفظ: کامران خان ٹیسوری نے گورنر سندھ نے کہا کہ انہوں نے
پڑھیں:
جج ہمایوں دلاور کے خلاف سوشل میڈیا مہم ،اسلام آباد ہائیکورٹ نے ایف آئی اے رپورٹ غیر تسلی بخش قرار دیدی
جج ہمایوں دلاور کے خلاف سوشل میڈیا مہم ،اسلام آباد ہائیکورٹ نے ایف آئی اے رپورٹ غیر تسلی بخش قرار دیدی WhatsAppFacebookTwitter 0 21 April, 2025 سب نیوز
اسلام آباد(آئی پی ایس ) اسلام آباد ہائیکورٹ نے جج ہمایوں دلاور کے خلاف سوشل میڈیا مہم کیس میں ایف آئی اے کی رپورٹ غیر تسلی بخش قرار دے دی۔تفصیلات کے مطابق اسلام آباد ہائیکورٹ میں جج ہمایوں دلاور کے خلاف مبینہ سوشل میڈیا مہم کیس میں ڈائریکٹر اینٹی کرپشن کے پی صدیق انجم کی اخراج مقدمہ کی درخواست پر سماعت ہوئی۔
وکیل ایف آئی اے نے کہا کہ ڈی جی ایف آئی اے کی جانب سے رپورٹ جمع کروا دی گئی ہے، ڈی جی ایف آئی اے کی رپورٹ ہمارے موقف کی تائید ہے، ایف آئی ایرپورٹ کے مطابق جج کیخلاف سوشل میڈیا پر مہم شروع کی گئی۔اسلام آباد ہائیکورٹ نے ایف آئی اے رپورٹ غیرتسلی بخش قرار دیتے ہوئے دوبارہ رپورٹ جمع کرانے کا حکم دیا اور ایف آئی اے کی خصوصی عدالت میں مقدمے کا ٹرائل روکنے کا حکم امتناع برقرار رکھاجسٹس بابرستار نے ایف آئی اے رپورٹ پر برہمی کا اظہار کرتے ہوئے کہا کہ رپورٹ میں کس طرح کی زبان لکھی گئی ہے؟ ایف آئی اے کو معلوم نہیں عدالت میں رپورٹ کس طرح فائل کی جاتی ہے؟
عدالت کے استفسار پر ایف آئی اے کے وکیل نے بتایاکہ شکایت جج نے نہیں ان کے بھانجے نے درج کروائی تھی۔ جسٹس بابر ستار نے ریمارکس دیے ایف آئی اے کی پوری رپورٹ ہی جج کے تحفظات پر ہے، کوئی جج کی طرف سے کیسے شکایت درج کروا سکتا ہے؟ ایف آئی اے رپورٹ میں مہم سے عدلیہ کا وقار ختم کرنے کا لکھا ہے، آپ کو پتہ ہے اس ہائیکورٹ کے کتنے ججوں کے خلاف بدنیتی پر مبنی مہمات چلیں؟۔جج کا کہنا تھا کہ ہائیکورٹ کے ججوں کیمعاملے پر ایف آئی اے نے کہا کہ کچھ پتہ نہیں کون کر رہا ہے،اِس کیس میں ایف آئی اے کو سب پتہ چل گیا حالانکہ جج نے خود شکایت بھی نہیں جمع کرائی۔بعد ازاں اسلام آباد ہائیکورٹ نے درخواست پر سماعت 19 مئی تک ملتوی کر دی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبراسلام آباد ہائیکورٹ، ماتحت عدلیہ کے 2ججز کی خدمات پشاور ہائیکورٹ کو واپس اسلام آباد ہائیکورٹ، ماتحت عدلیہ کے 2ججز کی خدمات پشاور ہائیکورٹ کو واپس جدید تعلیم ہی قوم کی ترقی کا واحد راستہ ہے،جہانگیر ترین افغان شہریوں کی واپسی کے دوران شکایات کے ازالے کیلئے کنٹرول روم قائم جے یو آئی نے بھی کینالز کے معاملے پر سندھ میں دھرنوں کا اعلان کردیا بارشوں سے صورتحال میں بہتری، ارسا نے صوبوں کو پانی کی فراہمی بڑھادی پنجاب میں حالات خراب کرنے کی اجازت نہیں دی جائیگی، عظمی بخاریCopyright © 2025, All Rights Reserved
رابطہ کریں ہمارے بارے ہماری ٹیم
امریکی شہریت رکھنے والے یرغمالی سے متعلق حماس کا اہم بیان سامنے آگیا