کینیڈین نوجوانوں میں ایران اور روس کی مقبولیت میں اضافہ، سروے
اشاعت کی تاریخ: 15th, March 2025 GMT
سروے کے تقریباً دو تہائی جواب دہندگان کا خیال تھا کہ کینیڈا کو امریکہ کی 51 ویں ریاست بنانے میں ڈونلڈ ٹرمپ کی دلچسپی کو سنجیدگی سے لیا جانا چاہیے۔ پولز سے ظاہر ہوتا ہے کہ تین میں سے صرف ایک کینیڈین آج امریکہ کے بارے میں مثبت رائے رکھتا ہے۔ اسلام ٹائمز۔ کینیڈین اخبار "اسٹار فینکس" نے رپورٹ کیا ہے کہ حال ہی میں کیے گئے سروے کے مطابق کینیڈا کے نوجوانوں میں ایران اور روس کی مقبولیت میں تیزی سے اضافہ ہوا ہے جبکہ امریکہ کی مقبولیت میں تیزی سے کمی کی نشاندہی کی گئی ہے۔ کینیڈینز میں ایران کی مقبولیت 30 فیصد تک بڑھ گئی ہے۔ اخبار کے مطابق کینیڈینوں میں کیے گئے سروے سے پتہ چلتا ہے کہ امریکہ کی مقبولیت میں نمایاں کمی آئی ہے، کینیڈا کے لوگوں کی ریاستہائے متحدہ کے بارے میں رائے میں تیزی سے تبدیلی آئی ہے جس کے نتیجے میں اہم اتحادی سمجھے جانے والے ممالک کے بارے میں کینیڈینوں کے تصور میں تاریخی تبدیلی دیکھی گئی ہے۔ دوسری طرف، ایران اور روس کے بارے میں نوجوان کینیڈین کے خیالات میں نمایاں تبدیلی آئی ہے، 18 سے 24 سال کی عمر کے 30% افراد نے دونوں ممالک کے بارے میں مثبت خیالات کا اظہار کیا۔ جبکہ یہ شرح 65 سال سے زیادہ عمر کے لوگوں میں ایران کے لیے صرف 12% اور روس کے لیے 9% تھی۔ سروے کے تقریباً دو تہائی جواب دہندگان کا خیال تھا کہ کینیڈا کو امریکہ کی 51 ویں ریاست بنانے میں ڈونلڈ ٹرمپ کی دلچسپی کو سنجیدگی سے لیا جانا چاہیے۔ پولز سے ظاہر ہوتا ہے کہ تین میں سے صرف ایک کینیڈین آج امریکہ کے بارے میں مثبت رائے رکھتا ہے۔
.ذریعہ: Islam Times
کلیدی لفظ: کی مقبولیت میں کے بارے میں میں ایران امریکہ کی اور روس
پڑھیں:
اپنی نئی فلم ’ستارے زمین پر‘ کے بارے میں عامر خان کا اہم انکشاف
بالی ووڈ کے "مسٹر پرفیکشنسٹ" ایک بار پھر منفرد اور جذباتی موضوع کے ساتھ بڑی اسکرین پر واپسی کے لیے کمر کس چکے ہیں۔
بھارتی میڈیا کے مطابق عامر خان کی نئی فلم ’’ستارے زمین پر‘‘ اپنے نام کے لحاظ سے تو مشہور فلم ’’تارے زمین پر‘‘ سے جڑی ہے لیکن اس کا موضوع یکسر مختلف ہے۔
فلمی ناقدین کا کہنا ہے کہ ستارے زمین پر ایک مکمل نیا تجربہ ثابت ہوگی اور یہ ’’تارے زمین پر‘ جیسی فلم نہیں ہوگی بلکہ اس سے آگے کی کہانی ہے۔
اداکار عامر خان نے حال ہی میں چین کے مکاؤ کامیڈی فیسٹیول میں شرکت کے دوران اپنی اس نئی فلم کے حوالے سے کھل کر گفتگو کی۔
عامر خان نے انکشاف کیا کہ یہ فلم دراصل اسپینش فلم ’’چیمپئنز‘‘ کا بھارتی ری میک ہوگی جس میں مسٹر پرفیکشسنسٹ ایک بدتمیز اور خود پسند باسکٹ بال کوچ کا کردار نبھائیں گے۔
فلم ستارے زمین پر کا یہ کردار ’’گلشن‘‘ ہے جو تارے زمین پر کے ایک ٹیچر کے کردار سے مزاجاً اور عادتاً بالکل مختلف ہے۔
عامر خان نے بتایا کہ فلم میں اس جھگڑالو اور بدتمیز کوچ کو سدھارتے ہیں ڈاؤں سنڈروم اور آٹزم جیسی امراض میں مبتلا بچے جو ایک باسکٹ بال ٹیم کے کھلاڑی ہوتے ہیں۔
اداکار نے مزید بتایا کہ اس فلم میں کامیڈی بھی ملے گی۔ اگر تارے زمین پر نے آپ کو رلایا تھا تو ستارے زمین پر آپ کو ہنسائے گی۔
یعنی عامر خان کی یہ فلم مزاح کے انداز میں انسان کی اصلاح کا ایک پیغام دیتی ہے۔ فلم کے ہدایتکار آر ایس پراسانا ہیں اور عامر خان کے ساتھ مرکزی کردار میں جنیلیا ڈی سوزا جلوہ گر ہوں گی۔
حافظ آباد میں مضر صحت مٹھائی کھانے سے 3 بچے انتقال کرگئے