ہریتک روشن لاٹھی پکڑ کر چلنے پر مجبور ہوگئے، ویڈیو وائرل
اشاعت کی تاریخ: 15th, March 2025 GMT
بالی ووڈ کے سپر اسٹار ہریتک روشن ریہرسل کے دوران زخمی ہونے کے باعث لاٹھی پکڑ کر چلنے لگے۔
حال ہی میں ہریتک اپنی آنے والی فلم وار 2 کے ایک ہائی انرجی سانگ پر ڈانس ریہرسل کے دوران زخمی ہوگئے تھے جس کے بعد ان کی فلم کی شوٹنگ بھی ملتوی کر دی گئی تھی۔
تاہم اب اداکار اپنی اس فلم کے ہدایت کار آیان مکھرجی کے والد دیب مکھرجی کی آخری رسومات میں شرکت کیلئے پہنچے جہاں انہیں گاڑی سے اُتر کر لاٹھی کی مدد سے چلتے دیکھا گیا جس کی ویڈیو سوشل میڈیا پر وائرل ہو رہی ہے۔
View this post on InstagramA post shared by Varinder Chawla (@varindertchawla)
فلم ’وار 2‘ کے ڈائریکٹر آیان مکھرجی کے والد گزشتہ روز طویل علالت کے بعد 83 سال کی عمر میں انتقال کر گئے تھے جن کی آخری رسومات ادا کر دی گئی ہیں۔
ان کی آخری رسومات پر لاٹھی کی مدد سے ہریتک کو چلتا دیکھ کر ان کے مداح تشویش کا اظہار کر رہے ہیں اور آیان مکھرجی کے والد کے انتقال پر افسوس کے اظہار کے ساتھ ساتھ ہریتک کیلئے جلد صحتیابی کی دعائیں کر رہے ہیں۔
واضح رہے کہ ہریتک کو ٹانگ پر اندرونی چوٹ لگنے کے باعث انہیں ڈاکٹروں نے چار ہفتے تک آرام کرنے اور کام سے گریز کرنے کا مشورہ دیا ہے۔
وار 2 کی شوٹنگ کو ہریتک روشن کی مکمل صحتیابی کے بعد دوبارہ شروع کیا جائے گا۔
Post Views: 2.ذریعہ: Daily Mumtaz
پڑھیں:
امریکی فورسز کی کمانڈو کارروائی، وینزویلا کے تیل بردار جہاز پر قبضے کی ویڈیو وائرل
امریکی فوج نے وینزویلا کے ساحل کے قریب ایک بڑے تیل بردار جہاز پر فضائی چھاپہ مار کر اسے قبضے میں لے لیا، جسے کاراکاس نے ’بین الاقوامی بحری ڈاکہ زنی‘ قرار دیا۔
انٹرنیشل میڈیا کے مطابق امریکا نے وینزویلا کے ساحل کے قریب ایک بڑے آئل ٹینکر پر کنٹرول حاصل کر لیا ہے۔ امریکی صدر ڈونلڈ ٹرمپ نے وائٹ ہاؤس میں صحافیوں سے گفتگو میں اس کی تصدیق کرتے ہوئے کہا کہ ہم نے وینزویلا کے ساحل سے ایک بہت بڑا جہاز پکڑا ہے، شاید اب تک کا سب سے بڑا ضبط کیا جانے والا جہاز۔
Mapping potential military targets in Venezuela
Yesterday, the U.S. announced Operation Southern Spear to "remove narco-terrorists from our hemisphere." With the Ford carrier strike group now on station in SOUTHCOM, the U.S. could launch land strikes at any time.
w/ @SA_Defensa pic.twitter.com/WmyZ4mK2EY
— Ian Ellis (@ianellisjones) November 15, 2025
امریکی اٹارنی جنرل پام بونڈی کی جانب سے جاری ویڈیو میں دیکھا جا سکتا ہے کہ کمانڈوز ہیلی کاپٹر سے رسیاں ڈال کر جہاز کے ڈیک پر اترتے ہیں اور اسلحہ تھامے جہاز کے برج کی طرف بڑھتے ہیں۔
امریکی حکام کے مطابق یہ جہاز ’غیر قانونی تیل ترسیلی نیٹ ورک‘ کا حصہ تھا جو ایران اور وینزویلا کا پابندیوں کے تحت تیل لے جا رہا تھا۔
وینزویلا کا شدید احتجاجوینزویلا کی وزارتِ خارجہ نے امریکا کے اس اقدام کو ’بین الاقوامی بحری قزاقی‘ اور ’دن دھاڑے چوری‘ قرار دیتے ہوئے سخت مذمت کی ہے۔
امریکی میڈیا کے مطابق یہ جہاز مبینہ طور پر کیوبا کی طرف جا رہا تھا جب امریکی کوسٹ گارڈ نے اسے روک لیا۔
یہ کارروائی ایسے وقت میں ہوئی ہے جب وینزویلا کی اپوزیشن رہنما اور نوبیل امن انعام یافتہ ماریہ کورینا ماچاڈو اوسلو میں عالمی خطاب کرنے والی ہیں۔ وہ کئی ماہ سے منظرِ عام سے غائب تھیں کیونکہ ان کی جان کو خطرات لاحق تھے۔
ٹرمپ نے وینزویلا کو تنبیہ کی کہ اگر ماچاڈو کی واپسی پر انہیں گرفتار کیا گیا تو واشنگٹن خاموش نہیں رہے گا۔
خطے میں امریکی عسکری دباؤ میں اضافہگزشتہ مہینوں میں امریکا نے کیریبین میں بحریہ اور ایئرکرافٹ کیریئرز کی بڑی تعداد تعینات کی ہے، جنہیں واشنگٹن منشیات کے خلاف کارروائی قرار دیتا ہے، جبکہ وینزویلا اسے ’رجیم چینج‘ کی کوشش کہتا ہے۔
یہ بھی پڑھیں:امریکی حملے کا خوف، عالمی ایئرلائنز وینزویلا کے لیے پروازیں معطل کرنے پر مجبور
امریکی فورسز اب تک 20 سے زائد مبینہ منشیات بردار کشتیوں کو تباہ کر چکی ہیں جن میں کم از کم 87 افراد ہلاک ہوئے۔
واضح رہے کہ امریکا اور وینزویلا کے تعلقات میں تناؤ کی وجہ 2019 سے جاری تنازع ہے، جب امریکا نے نیکولس مدورو کی حکومت کو غیر قانونی قرار دیتے ہوئے اس پر سخت اقتصادی پابندیاں عائد کیں۔
واشنگٹن مسلسل اپوزیشن کی حمایت کرتے ہوئے مدورو کے استعفے کا مطالبہ کرتا رہا ہے، اور امریکا کا کہنا ہے کہ وینزویلا منشیات کی اسمگلنگ میں ملوث ہے، جبکہ کاراکاس اس الزام کو جھوٹا پروپیگنڈا قرار دیتا ہے۔
دونوں ممالک کے تعلقات 2017 کے بعد مسلسل خراب ہوئے، جب امریکا نے تیل اور تجارتی شعبے پر بڑی پابندیاں لگائیں۔ 2020 سے کیریبین میں امریکی بحری سرگرمیوں میں اضافہ بھی وینزویلا کے نزدیک ’’حملے کی تیاری‘‘ اور ’’ریجیم چینج کی سازش‘‘ کے مترادف ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا امریکی میرین تیل بردار جہاز وینزویلا
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر