موبائل فون صارفین خبردارہو جائیں، نئے سائبر فراڈ سے متعلق وارننگ جاری
اشاعت کی تاریخ: 14th, March 2025 GMT
ایف بی آئی نے امریکا بھر میں ایک بڑھتے ہوئے سائبر خطرے کے بارے میں خبردار کیا ہے جو ”ریاست سے ریاست“ منتقل ہو رہا ہے اور شہریوں کو نقصان دہ ایس ایم ایس پیغامات یا ”اسمشنگ“ ٹیکسٹس کے ذریعے نشانہ بنا رہا ہے۔
ایف بی آئی حکام آئی فون اور اینڈرائیڈ صارفین سے فوری طور پر مشتبہ ٹیکسٹس کو حذف کرنے کی درخواست کر رہے ہیں۔رپورٹ کے مطابق ایف بی آئی نے امریکا سمیت دنیا بھر “ اسمشنگ“ حملوں کی ایک نئی لہر کے بارے میں انتباہ جاری کیا ہے۔
حکام آئی فون اور اینڈرائیڈ صارفین سے درخواست کر رہے ہیں کہ وہ فوری طور پر مشتبہ ٹیکسٹس کو حذف کر دیں۔’اسمشنگ‘ ٹیکسٹس جعلی پیغامات ہیں جو SMS (شارٹ میسیج سروس) کے ذریعے بھیجے جاتے ہیں جن کے ذریعے صارفین کی ذاتی معلومات، جیسے پاس ورڈ، کریڈٹ کارڈ کی تفصیلات یا دیگر حساس ڈیٹا کو ظاہر کرنے کے لیے دھوکہ دینے کے ارادے سے بھیجے جاتے ہیں۔
“اسمشنگ “ کی اصطلاح ”SMS“ اور ”phishing“ کا مجموعہ ہے، جو لوگوں کی خفیہ معلومات کے حصول کے لئے فراڈ اور جوڑ توڑ کے حوالے سے متعارف کرائی گئی۔ حکام نے صارفین سے کسی بھی مشکوک پیغام کو فوری طور پر حذف کرنے کی اپیل کی ہے۔سائبرسیکیوریٹی فرم پالو آلٹو نیٹ ورکس یونٹ 42 کی رپورٹ کے مطابق پے درپے آنیوالے پیغامات متاثرین کو کریڈٹ کارڈ اور بینک اکاؤنٹ کی تفصیلات سمیت حساس ڈیٹا فراہم کرنے پر آمادہ کرتے ہیں۔
فراڈ کیسے شروع ہوتا ہے؟
ان حملوں کے ذریعے جعلی ڈیلیوری سروس الرٹس جاری کئے جاتے ہیں جس کے بعد صارفین کو لنک پر کلک کرنے کے لئے کہا جاتا ہے۔ان لنکس پر کلک کرنے سے صارفین کو نہ صرف مالی چوری کا خطرہ ہوتا ہے بلکہ شناختی فراڈ کا بھی سامنا ہوتا ہے۔
اسمشنگ پیغامات میں کہا جاتا ہے کہ واجب الادا بل پر عائد سے جرمانے سے بچنے کے لیے فوری اس لنک پر کلک کریں۔یہ لنک کلک کرتے ہی متاثرہ صارف ادائیگی کے پورٹل کی طرف لے جاتا ہے، یہ وہ جگہ ہے جہاں اسکیمرز کے ڈومینز کا وسیع نیٹ ورک کام آتا ہے۔جب متاثرہ شخص ادائیگی کرنے کی کوشش کرتا ہے تو انہیں ایک پیغام موصول ہوتا ہےجس میں دعویٰ کیا جاتا ہے کہ ان کا کارڈ مسترد کر دیا گیا ہے۔
یہ وہ چال ہے جس کے ذریعے اسکیمرز کارڈ کی مزید تفصیل حاصل کرتے ہیں اور انہیں مزید مالی معلومات تک رسائی حاصل ہوتی ہےچونکہ ایپل کا iMessage مشتبہ لنکس کو روکتا ہے، اب اسسکیمرز صارفین کو ہدایت دیتے ہیں کہ وہ URL کو اپنے ویب براؤزر میں کاپی اور پیسٹ کریں، جس سے ان کا پتہ لگانا مشکل ہو جاتا ہے۔
سائبرسیکیوریٹی کے ماہرین کا خیال ہے کہ یہ اسکینڈل ایک فرنچائز ماڈل کے طور پر کام کرتا ہے، اورچینی سائبر کرائم گروپس ان ٹول کٹس کا فائدہ اٹھاتے ہیں۔یونٹ 42 کے مطابق درج ذیل لنکس اورویب اس فراڈ کا حصہ ہیں۔ کسی بھی صورت ان کو کلک نہ کیا جائے۔
dhl.
fedex.com-fedexl[.]xin
ezdrive.com-2h98[.]xin
e-zpassny.com-ticketd[.]xin
sunpass.com-ticketap[.]xin
thetollroads.com-fastrakeu[.]xin
سائبر سیکیورٹی فرم McAfee کے مطابق امریکا کے شہرڈیلاس، اٹلانٹا، لاس اینجلس، شکاگو اور اورلینڈو متاثرہ شہروں میں سرفہرست ہیں جبکہ میامی، ہیوسٹن، ڈینور، فینکس اور سیئٹل سمیت دیگرعلاقوں میں بھی یہ سائبر حملے جاری ہیں۔حکام نے جنوری سے اب تک ان سائبر فراڈ میں چار گنا اضافہ نوٹ کیا ہے۔ لوزیانا کی اٹارنی جنرل لز مریل بھی اس فراڈ کا نشانہ بن چکی ہیں
سائبر فراڈ سے بچنے کی طریقے
ایف بی آئی نے شہریوں کوہدایت کی ہے کہ مشکوک متن والے ٹیکسٹ پیغامات ملنے پر درج زیل اقدامات فوری اٹھائیں۔انٹرنیٹ کرائم کمپلینٹ سینٹر (IC3) کے پاس http://www.ic3.gov پر شکایت درج کریں، ٹیکسٹ میں درج فون نمبر اور ویب سائٹ کی تفصیلات فراہم کریں۔اگر ٹول سروس کی عدم ادائیگی کا نوٹس ہے تو ان کی ویب سائٹ پر جائیں یا ان کی کسٹمر سروس سے رابطہ کریں۔کسی بھی اسمشنگ پیغامات کو فوری طور پر حذف کریںاگر ذاتی یا مالی تفصیلات فراہم کردی ہیں، تو اپنے اکاؤنٹس کو محفوظ بنانے کے لیے فوری بنک کو آگاہ کریں حفاظتی اقدامات کریں اور کسی بھی غیر مجاز لین دین پر کمپلینٹ فائل کریں۔لنکس پر کلک کرنے یا غیر متوقع متن کا جواب دینے سے گریز کریں۔سرکاری چینلز کے ذریعے متعلقہ ٹولنگ ایجنسی سے رابطہ کر کے پیغامات کی تصدیق کریں۔اسمارٹ فونز پر ”رپورٹ جنک“ فیچر کا استعمال کرتے ہوئے یا انہیں 7726 (SPAM) پر فارورڈ کرتے ہوئے، اسکیم ٹیکسٹس کی اطلاع دیں اور حذف کریں۔
موبائل فون صارفین اسکیمرز کا آسان ہدف
سائبرسیکیوریٹی فرم زیمپیریم نے خبردار کیا ہے کہ چھوٹی اسکرین والے آلات پر صارفین کی کمزوری کی وجہ سے سائبر جرائم پیشہ افراد تیزی سے ”موبائل فرسٹ اٹیک’ کی حکمت عملی“ اپنا رہے ہیں۔اسمارٹ فونز کی سہولت لوگوں کو ای میلز کے مقابلے ٹیکسٹ میسجز پر کلک کرنے کا امکان زیادہ بڑھاتی ہے ۔
ذریعہ: Daily Ausaf
کلیدی لفظ: پر کلک کرنے فوری طور پر ایف بی ا ئی کے ذریعے کے مطابق جاتا ہے ہوتا ہے کسی بھی کیا ہے
پڑھیں:
ٹیرف کے طوفان میں صارفین کی یہ شاندار ایکسپو زیادہ قیمتی ہے
ٹیرف کے طوفان میں صارفین کی یہ شاندار ایکسپو زیادہ قیمتی ہے WhatsAppFacebookTwitter 0 19 April, 2025 سب نیوز
بیجنگ :”ہمیں یقین ہے کہ توسیع شدہ اوپننگ اپ پالیسی کے مسلسل نفاذ اور کاروباری ماحول کو بہتر بنانے کے ساتھ، چین کی معیشت مستحکم اور صحت مند ترقی کو برقرار رکھے گی، اور ہمیں چینی مارکیٹ پر بھرپور اعتماد ہے.” پانچویں چائنا انٹرنیشنل کنزیومر گڈز ایکسپو میں فرانسیسی گروپ ایل وی ایم ایچ کے تحت پرتعیش ٹریول ریٹیلر ڈی ایف ایس چائنا کی سربراہ لیو شنگ شو کے الفاظ ۔ایک ایسے وقت میں جب تجارتی تحفظ پسندی عروج پر ہے اور امریکہ معاشی عالمگیریت پر اندھا دھند محصولات عائد کر رہا ہے ،
صارفین کی یہ شاندار ایکسپو اور بھی اہمیت کی حامل ہے۔ چھ دنوں میں ،اس ایکسپو کی جانب ے دنیا بھر کے 71 ممالک اور خطوں سے 1767 کمپنیاں اور 4209 برانڈز راغب ہوئے اور سائٹ تعاون کی رقم 92 بلین یوآن تک پہنچی جو چینی مارکیٹ کی کشش کو ظاہر کرتی ہے۔اعداد و شمار کے مطابق، 2024 میں، چین کی صارفی اشیاء کی کل خوردہ فروخت 48.8 ٹریلین یوآن تک پہنچی ہے ، جو سال بہ سال 3.5 فیصد کا اضافہ ہے۔چین مسلسل دس سالوں سے اجناس کی کھپت کی دنیا کی دوسری سب سے بڑی مارکیٹ اور سب سے بڑی آن لائن خوردہ مارکیٹ رہا ہے.
اس کے ساتھ ساتھ چین نئے معیار کی پیداواری صلاحیت کی ترقی کو تیز کر رہا ہے اور صارفین کی مارکیٹ کی تجدید اور اپ گریڈنگ جاری ہے۔ اس کے علاوہ ، کنزیومر ایکسپو چین کے صوبہ ہائی نان میں منعقد ہوئی جہاں فری ٹریڈ پورٹ کی تعمیر ہو رہی ہے۔ جب کنزیومر ایکسپو اور فری ٹریڈ پورٹ کا پالیسی اثر لاگو ہوتا ہے تو زیادہ نمائش کنندگان ہائی نان میں سرمایہ کاری کرنے کا انتخاب بھی کرتے ہیں۔اس وقت کینٹن میلہ بھی جاری ہے اور بین الاقوامی نمائشیں جیسے سپلائی چین ایکسپو، سروس ٹریڈ فیئر اور انٹرنیشنل امپورٹ ایکسپو بھی شیڈول کے مطابق منعقد ہوں گی. چین اپنے عملی اقدامات کے ذریعے اپنے وعدوں کو پورا کرنا جاری رکھے ہوئے ہے۔عالمی دنیا کے لئے چین کے دروازے وسیع سے وسیع تر ہوں گے سو غیر ملکی سرمایہ کاروں کے لئے یہ واضح ہے کہ مواقع اور مستقبل کہاں ہے ۔
’کسی کو اسٹیبلشمنٹ سے بات کرنے کا نہیں کہا‘ عمران خان نے ڈیل کے تاثر کو یکسر مسترد کردیا