پانچ سو بلین یورو کا تاریخی جرمن فنڈ: قیام کا پہلا مرحلہ طے
اشاعت کی تاریخ: 14th, March 2025 GMT
اسلام آباد (اُردو پوائنٹ ۔ DW اردو۔ 14 مارچ 2025ء) جرمنی میں ماحولیاتی تبدیلیوں کے اثرات کے مقابلے کے لیے 100 بلین یورو کے ایک پیکج پر اتفاق رائے ہو گیا ہے۔ یہ پیکج ملکی انفراسٹرکچر اور تحفظ ماحول سے متعلق 500 بلین یورو مالیت کے ایک نئے لیکن تاریخی فنڈ کا حصہ ہو گا۔
جرمن الیکشن میں قدامت پسندوں کی جیت، اے ایف ڈی دوسرے نمبر پر
جرمن دارالحکومت برلن سے جمعہ 14 مارچ کو ملنے والی رپورٹوں کے مطابق نئے ریاستی قرضوں کی صورت میں اس بہت بڑے مالیاتی پیکج کا مقصد یورپ کی سب سے بڑی معیشت کے طور پر ماحولیاتی تبدیلیوں کے اثرات کے مقابلے کے لیے کافی وسائل مہیا کرنا ہے، جس دوران ملکی بنیادی ڈھانچے کو بھی جدید تر بنایا جائے گا۔
چار جماعتی اتفاق رائےاس نئے فنڈ کی مجموعی مالیت تقریباﹰ 500 بلین یورو ہے، جن میں سے قریب 100 بلین یورو اس پیکج کے ماحولیاتی حصے کے لیے استعمال کیے جائیں گے۔
(جاری ہے)
اس پیکج کی منظوری کے لیے ابھی تک کام کرنے والی گزشتہ منتخب بنڈس ٹاگ میں بھر پور کوششیں کی جا رہی تھیں۔
اس تاریخی پیکج کے لیے قدامت پسندوں کی یونین جماعتیں، کرسچن ڈیموکریٹک یونین (سی ڈی یو) اور کرسچن سوشل یونین (سی ایس یو) نگران وفاقی چانسلر اولاف شولس کی سوشل ڈیموکریٹک پارٹی کے ساتھ مل کر کوششیں جاری رکھے ہوئے تھیں۔
ماحول پسندوں کی گرین پارٹی کے پارلیمانی حزب کو تاہم اعتراض تھا اور وہ آج جمعے تک اس پیکج کو ناکافی قرار دیتے ہوئے اس کی پارلیمانی حمایت سے انکاری تھا۔تاہم ان مذاکرات میں سی ڈی یو، سی ایس یو، ایس پی ڈی اور گرین پارٹی کے مابین اب اتفاق رائے ہو گیا ہے اور نصف ٹریلین یورو مالیت کے اس نئے ریاستی فنڈ کے قیام کی پارلیمانی منظوری کے لیے سیاسی اتفاق رائے کی صورت میں ایک بڑی رکاوٹ عبور کر لی گئی ہے۔
اتفاق رائے میں بڑی رکاوٹ کیا تھی؟جرمنی میں حکومت بجٹ یا دیگر مالیاتی منصوبوں کے لیے عوام کے نام پر لامحدود نئے ریاستی قرضے نہیں لی سکتی اور ان سرکاری قرضوں کی شرح کی ایک حد بھی مقرر ہے۔ اس لیے اصل مسئلہ یہ تھا کہ موجودہ حالات کو مدنظر رکھتے ہوئے ایسی قانون سازی کی جائے، جو دو تہائی اکثریت سے منظور ہو اور جس کے ذریعے ریاستی قرضوں کی مجموعی مالیت کی حد کو عبوری طور پر نظر انداز کیا جا سکے۔
اب چاروں سیاسی جماعتوں میں اتفاق رائے کے بعد وفاقی پارلیمان کے ایوان زیریں میں اس بارے میں ایک مسودہ قانون پر رائے شماری آئندہ منگل کے روز ہو گی، جس میں دو تہائی اکثریت سے یہ پیکج منظور کر لیا جائے گا۔ بنڈس ٹاگ میں منظوری کے بعد اس تاریخی فنڈ کی پارلیمانی ایوان بالا یا بنڈس راٹ سے بھی دو تہائی اکثریت سے منظوری لازمی ہو گی۔
تاریخی ڈیل کے مقاصداس عظیم الجثہ مالیاتی پیکج کے ساتھ جرمنی میں ماحولیاتی تبدیلیوں کے اثرات سے جدت پسندانہ طور پر نمٹا جا سکے گا۔ اس کے علاوہ ان مالی وسائل کا ایک حصہ ملکی معیشت کو اور زیادہ ماحول دوست بنانے کے لیے بھی استعمال کیا جائے گا۔
یہی نہیں بلکہ اس پیکج کے ذریعے، جو ایک فنڈ کی صورت میں کام کرے گا، ملکی دفاعی اخراجات میں بھی اضافہ کیا جائے گا اور ساتھ ہی جرمن صنعتی شعبے کو بھی یوں مزید جدید اور ماحول دوست بنایا جائے گا کہ جرمن انفراسٹرکچر بھی بدلتے ہوئے اقتصادی تقاضوں اور ماحولیاتی حقائق سے پوری طرح ہم آہنگ ہو۔
جرمنی میں اس مالیاتی پیکج کی منظوری کے لیے وقت اس لیے بہت کم تھا کہ موجود شولس حکومت ایف ڈی پی نامی پارٹی کے حکومتی اتحاد سے نکل جانے کے بعد سے ایک اقلیتی حکومت ہے، جو صرف سوشل ڈیموکریٹس اور گرین پارٹی پر مشتمل ہے اور اس کے پاس پارلیمان میں دو تہائی اکثریت تو دور کی بات سادہ اکثریت بھی نہیں ہے۔
اسی لیے ملک میں عام انتخابات قبل از وقت کرانے کا فیصلہ کیا گیا تھا، جو 23 فروری کو ہوئے تھے۔
اس پیکج کی منظوری کے لیے موجودہ بنڈس ٹاگ میں قدامت پسندوں کی دونوں یونینن جماعتوں نے ایس پی ڈٰی اور گرین پارٹی کی حمایت کی۔اس لیے کہ دو تہائی پارلیمانی اکثریت اسی طرح ممکن ہو سکتی تھی اور پھر 25 مارچ کو اس نئی بنڈس ٹاگ کا پہلا اجلاس بھی ہونے والا ہے، جو 23 فروری کو منتخب کی گئی تھی۔
سیاسی طور پر اہم بات یہ بھی ہے کہ نئی پارلیمان میں سب سے بڑا پارلیمانی حزب دونوں یونین جماعتوں یعنی سی ڈٰی یو اور سی ایس یو ہی کا ہو گا اور سی ڈی یو کے فریڈرش میرس ہی یقینی طور پر نئے جرمن چانسلر ہوں گے۔
اسی دوران یہ پختہ امکان بھی اپنی جگہ ہے کہ جرمنی میں نئی وفاقی پارلیمان کی تشکیل کے بعد اگلی حکومت قدامت پسند اور سوشل ڈیموکریٹس ہی مل کر بنائیں گے، جسے اصطلاحاﹰ وسیع تر مخلوط حکومت یا گرینڈ کولیشن کہا جاتا ہے۔
فریڈرش میرس نے کیا کہا؟آج برلن میں ہونے والے سیاسی اتفاق رائے کے بعد نئے ریاستی قرضوں سے متعلق اس تاریخی ڈیل اور نئے فنڈ کا اعلان کرتے ہوئے کرسچن ڈیموکریٹک یونین کے سیاستدان اور متوقع نئے چانسلر فریڈرش میرس نے کہا، ''جرمنی لوٹ آیا ہے۔
‘‘میرس نے کہا، ''یہ ہمارے پارٹنرز اور دوستوں، لیکن ہمارے مخالفین اور ہماری آزادی کے دشمنوں کے لیے بھی ایک واضح پیغام ہے: ہم اپنا دفاع کرنے کی اہلیت رکھتے ہیں اور اب تو ہم کامیابی سے اپنا دفاع کرنے کے لیے پوری طرح تیار ہیں۔‘‘
فریڈرش میرس نے یہ اعلان بیھ کیا کہ اس مالیاتی پیکج مین سے پاعرکیانی منظقوری کے بعد تین بلین یورو (3.
یورپ مضبوط قیادت اور استحکام کے لیے فریڈرش میرس کی طرف دیکھ رہا ہے
اسی طرح سوشل ڈیموکریٹک پارٹی کے شریک سربراہ لارس کلنگ بائل نے اس موقع پر کہا کہ جرمن حکومت کی طرف سے اتنے زیادہ نئے قرضوں کے حصول اور وسیع تر نئی سرمایہ کاری کا یہ فیصلہ یورپ کی سب سے بڑی معیشت کے ایک ''بہت طاقت ور پیش رفت‘‘ کو یقینی بنائے گا۔
کلنگ بائل کے الفاظ میں، ''ہم نے اس امر کی بنیاد فراہم کر دی ہے کہ جرمنی دوبارہ اپنے پاؤں پر کھڑا ہوتے ہوئے اپنا دفاع کر سکے۔‘‘
م م / ش ر (ڈی پی اے، اے ایف پی، روئٹرز)
ذریعہ: UrduPoint
کلیدی لفظ: تلاش کیجئے دو تہائی اکثریت منظوری کے لیے فریڈرش میرس گرین پارٹی اتفاق رائے نئے ریاستی بلین یورو پسندوں کی بنڈس ٹاگ پارٹی کے کہ جرمن جائے گا اس پیکج پیکج کے کے بعد
پڑھیں:
ایشوریا رائے نے ریکھا کو ’ماں‘ کہہ کر پکارا، ویڈیو وائرل
ایشوریا رائے بچن جو بالی ووڈ کی صفِ اول کی اداکاراؤں میں شمار ہوتی ہیں ان کی ایک ویڈیو وائرل ہو رہی ہے جس میں وہ ریکھا کو ’ماں‘ کہہ کر پکار رہی ہیں۔
ویڈیو وائرل ہوئی تو صارفین نے اس پر مختلف تبصرے کیے۔ جہاں کئی صارفین نے ایشوریا کے اس انداز کو سراہا وہیں چند صارفین کا کہنا تھا کہ یہ صرف کمیرے کے سامنے اداکاری کی گئی ہے۔
View this post on Instagram
A post shared by Entertainment Hub (@im_xiddi)
یہ پہلا موقع نہیں ہے جب ایشوریا نے ریکھا کو ’ماں‘ کہہ کر پکارا ہو بلکہ اس سے قبل 22ویں اسٹار اسکرین ایوارڈز پر ایشوریا کو فلم ’جذبہ‘ میں عمدہ اداکاری پر ایوارڈ دیا گیا جو ریکھا نے انہیں دیا۔ جس پر ایشوریا نے اسٹیج پر کہا، ’ماں کے ہاتھوں یہ ایوارڈ حاصل کرنا میرے لیے باعثِ فخر ہے‘۔ جس پر ریکھا نے محبت بھرا جواب دیا کہ، ’میری خواہش ہے آئندہ بھی میں تمہیں اسی طرح ایوارڈ دیتی رہوں‘۔
ریکھا اور ایشوریا کے درمیان یہ خاص تعلق برسوں پرانا ہے۔ ریکھا نے ایک بار ایشوریا کے نام ایک نہایت جذباتی اور محبت بھرا خط بھی تحریر کیا تھا، جو 2016 میں فیمینا میگزین میں شائع ہوا، بالکل اس وقت جب ایشوریا کی فلم ’اے دل ہے‘ مشکل ریلیز ہونے والی تھی۔ یہ خط ایشوریا کے فلمی کیریئر کے 20 سال مکمل ہونے پر لکھا گیا تھا، اور اس میں ریکھا نے ایشوریا کے ساتھ اپنی پہلی ملاقات کی یادیں تازہ کیں۔
خط کا آغاز ریکھا نے ان الفاظ سے کیا: ’میری ایش‘، جو ان دونوں کے تعلق کی گہرائی کا واضح اظہار تھا۔
یہ بھی پڑھیں: جیا بچن کی کس بات پر ایشوریا رائے سب کے سامنے آبدیدہ ہو گئیں؟
خط میں ریکھا نے لکھا کہ وہ عورت جو اپنی روح سے ہم آہنگ ہو، وہ کسی بہتے ہوئے دریا کی مانند ہوتی ہے۔ رکتی نہیں، بہاؤ سے ہٹتی نہیں، اور جہاں جانا چاہتی ہے، وہاں بغیر کسی بناوٹ کے پہنچتی ہے۔ جب وہ اپنی منزل پر پہنچتی ہے تو مکمل طور پر اپنے اصل میں ہوتی ہے۔
انہوں نے کہا کہ لوگ شاید یہ بھول جائیں کہ تم نے کیا کہا یا کیا کیا، لیکن وہ کبھی نہیں بھول پائیں گے کہ تم نے انہیں کیسا محسوس کروایا۔ تم ایک جیتی جاگتی مثال ہو کہ ہمت تمام خوبیوں کی بنیاد ہے، کیونکہ اس کے بغیر کوئی بھی خوبی دیرپا نہیں ہو سکتی۔
ریکھا نے خط میں مزید لکھا کہ تم نے زندگی کے ہر لمحے کو شعور اور شکرگزاری کے ساتھ جیا۔ تم نے وہ راستے چُنے جن سے تمہیں عشق تھا، اور پھر انہیں اتنی خوبصورتی سے نبھایا کہ دیکھنے والے تمہارے سحر میں گرفتار ہو گئے۔ تم مکمل ہو، خود میں کافی ہو۔ کسی کو کچھ ثابت کرنے کی ضرورت نہیں۔ زندگی ان لمحوں سے ناپی جاتی ہے جو ہمیں حیران کر دیتے ہیں، نہ کہ صرف سانسوں کی گنتی سے۔
یہ بھی پڑھیں: ریکھا اور امیتابھ بچن کے افیئر پر جیا بچن کیا کہتی ہیں؟
ایشوریا کے لیے لکھے گئے خط میں ریکھا نے مزید کہا کہ تم نے وقت کی سختیوں سے گزر کر خود کو نئے انداز میں جنم دیا، بالکل اس پرندے کی طرح جو خاکستر سے اٹھ کر دوبارہ بلند ہو جاتا ہے۔ وہ چاند سی معصوم چہرے والی لڑکی، جسے میں نے پہلی بار دیکھا تھا، آج بھی میرے دل کو اسی شدت سے چھو لیتی ہے۔
ریکھا نے مزید کہا کہ تم نے ہر کردار میں اپنی جان ڈال دی، لیکن تمہارا سب سے خوبصورت کردار وہ ہے جو تم نے بطور ماں ادا کیا، محبت دیتی رہو، روشنی پھیلاتی رہو، اور اپنا وہ جادو بکھیرتی رہو جو تمہاری پہچان بن چکا ہے۔
خط کے آخر میں انہوں نے ایشوریا رائے کو دعائیں دیتے ہوئے لکھا کہ میرے دل سے تمہارے لیے بہت دعائیں ہیں۔ جیتی رہو، مجھے تم سے محبت ہے۔ ’ریکھا ماں‘
واضح رہے کہ ایشوریا رائے میگا اسٹار امیتابھ بچن کے بیٹے اور مشہور اداکار ابھیشیک بچن کی شریکِ حیات ہیں۔ حالیہ دنوں میں ان کے ازدواجی رشتے کے حوالے سے مختلف چہ مگوئیاں گردش کر رہی ہیں، جن میں کہا جا رہا ہے کہ یہ رشتہ مشکلات کا شکار ہے اور ایشوریا ممکنہ طور پر طلاق لے لیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ابھیشیک بچن امیتابھ بچن ایشوریا رائے ایشوریا رائے طلاق بالی ووڈ جیا بچن ریکھا
سنگاپور میں پارلیمنٹ تحلیل، عام انتخابات 3 مئی کو ہوں گے