پی ایس ایل 10 کی ٹرافی ’لومینارا‘ 29 مارچ تک کن 11 شہروں کا سفر کرے گی؟
اشاعت کی تاریخ: 14th, March 2025 GMT
ایچ بی ایل پی ایس ایل کی تاریخ میں پہلی بار ٹرافی ٹور کا آغاز آج حیدر آباد اور کراچی سے ہو رہا ہے اور ’لومینارا‘ ٹرافی 29 مارچ تک پاکستان کے 11 شہروں کا سفر کرے گی۔
پاکستان کرکٹ بورڈ (پی سی بی) کے مطابق ٹرافی ٹور کے پہلے مرحلے میں، ’لومینارا‘ ٹرافی حیدرآباد اور کراچی کے مختلف مقامات پر 15 مارچ تک نمائش کے لیے رکھی جائے گی۔ حیدرآباد اور کراچی کے بعد، ٹرافی لاہور، ملتان، بہاولپور، فیصل آباد، پشاور اور اسلام آباد جائے گی۔ ٹرافی ٹور کے دوسرے مرحلے کا اعلان بعد میں کیا جائے گا۔
مزید پڑھیں: ایچ بی ایل پی ایس ایل 10 کی ٹرافی ’لومینارا‘ کی بحیرہ عرب میں رونمائی
ایچ بی ایل پی ایس ایل کے چیف ایگزیکٹو آفیسر سلمان نصیر نے کہا ہے کہ ٹرافی ٹور پاکستان کی بھرپور ثقافت، متنوع کمیونٹیز اور سب سے بڑھ کر کرکٹ کے لیے اس کی گہری محبت کا جشن ہے۔ اس ٹور کا مقصد پورے پاکستان میں HBL PSL ٹرافی کی رسائی کو بڑھانا ہے۔
The #HBLPSLX trophy is on the move! ????
Catch ‘Luminara’ as it travels across Pakistan in the first-ever HBL PSL trophy tour ????
More details⤵️https://t.
— PakistanSuperLeague (@thePSLt20) March 14, 2025
پہلے مرحلے میں، ٹرافی کراچی کی رنگین گلیوں سے لاہور کے تاریخی مقامات تک نمائش کے لیے رکھی جائے گی، جہاں پاکستان کے دلکش منظر ناموں کا بھی تعارف کرایا جائے گا، اور مزید تاریخی اور نمایاں مقامات کا سفر کیا جائے گا۔
مزید پڑھیں:پی ایس ایل کے 10ویں ایڈیشن کا شیڈول جاری، افتتاحی میچ اور فائنل کہاں کھیلا جائے گا؟
سلمان نصیر نے کہا کہ ٹرافی ٹور ہمارے لیے ان مداحوں کا شکریہ ادا کرنے کا طریقہ ہے، جو پچھلے دہائی بھر سے HBL PSL کی جان اور روح ہیں۔ ان کی غیر متزلزل حمایت ہمارے کھلاڑیوں کے جذبے کو فروغ دیتی ہے اور اس لیگ کو دنیا کی بہترین لیگ میں سے ایک بناتی ہے۔
ایچ بی ایل پی ایس ایل 10 کی ٹرافی ’لومینارا‘ کے پہلے مرحلے کا شیڈول
14 مارچ – حیدرآباد
14-15 مارچ – کراچی
16-17 مارچ – لاہور
18 مارچ – ملتان
19 مارچ – بہاولپور
20 مارچ – فیصل آباد
22 مارچ – پشاور
23 مارچ – اسلام آباد
واضح رہے کہ ایچ بی ایل پی ایس ایل کا 10واں ایڈیشن 11 اپریل سے 18 مئی تک کراچی، لاہور، ملتان اور راولپنڈی میں کھیلا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
HBL PSL ایچ بی ایل پی ایس ایل پاکستان کرکٹ بورڈ پی ایس ایل ٹرافی ٹور چیف ایگزیکٹو آفیسر سلمان نصیرذریعہ: WE News
کلیدی لفظ: ایچ بی ایل پی ایس ایل پاکستان کرکٹ بورڈ پی ایس ایل ٹرافی ٹور چیف ایگزیکٹو آفیسر سلمان نصیر ٹرافی ٹور جائے گا کے لیے
پڑھیں:
اسلام آباد سمیت ملک کے مختلف شہروں میں زلزلے کے شدید جھٹکے
اسلام آباد (اُردو پوائنٹ اخبارتازہ ترین - اے پی پی۔ 19 اپریل2025ء) اسلام آباد سمیت ملک کے مختلف شہروں میں ہفتہ کو دوپہرہ 12 بجے کےبعد زلزلے کے شدید جھٹکےمحسوس کئے گئے لوگ کلمہ طیبہ کا ورد کرتے ہوئے گھروں ، دفاتر اور کاروباری مراکز سے باہر نکل آئے۔(جاری ہے)
زلزلے کے جھٹکے اسلام آباد کے علاوہ راولپنڈی ،پشاور، مالاکنڈ، ایبٹ ، مردان، دیر بالا، ہری پور، خان پور، ٹیکسلا ، چنیوٹ،خیبر، شرقپور، پنڈ دادن خان، فیصل آباد، گلگت بلتستان ، نوشہرہ ،چارسدہ،بھکر ، میانوالی اور خوشاب سمیت دیگر مختلف شہروں میں بھی زلزلہ محسوس کیا گیا۔
زلزلہ پیما مرکز کے مطابق ریکٹر اسکیل پر زلزلے کی شدت 5.9 ریکارڈ کی گئی اور گہرائی 94 کلومیٹر تھی جبکہ زلزلہ کا مرکز افغانستان اور تاجکستان کی سرحد تھا۔ابتدائی اطلاعات کے مطابق ابھی تک کسی قسم کےن جانی و مالی نقصان کی اطلاع موصول نہیں ہوئی ہے ۔
کراچی: 9 مئی کیس، تحریکِ انصاف کے ملزمان کارکنوں پر فردِ جرم عائد نہ ہو سکی