کوئی غزہ کے شہریوں کو نکلنے پر مجبور نہیں کر رہا، ٹرمپ کی پسپائی
اشاعت کی تاریخ: 14th, March 2025 GMT
واشنگٹن (اُردو پوائنٹ اخبارتازہ ترین - این این آئی۔ 14 مارچ2025ء)امریکی صدر ڈونلڈ ٹرمپ نے کہا ہے کہ کوئی بھی غزہ کے باشندوں کو وہاں سے نکلنے پر مجبور نہیں کر رہا ہے، ۔ اس بیان سے ٹرمپ نے اپنے سابق منصوبے سے پسپائی اختیار کی ہے۔غیرملکی خبررساں ادارے کے مطابق ٹرمپ نے آئرلینڈ کے وزیر اعظم کے ساتھ ایک مشترکہ پریس میٹنگ کے دوران کہا: کوئی بھی کسی کو غزہ سے بے دخل نہیں کرے گا۔
ٹرمپ کی سابق منصوبے کو عرب اور بین الاقوامی سطح پر بڑے پیمانے پر مسترد کیا گیا تھا۔ ٹرمپ کے اس منصوبے کا اسرائیل نے استقبال کیا تھا۔آئرش وزیر اعظم مائیکل مارٹن نے وائٹ ہاوس میں ٹرمپ سے ملاقات کے بعد کہا کہ ہم یرغمالیوں کی رہائی اور غزہ میں امن کا حصول چاہتے ہیں۔ انہوں نے غزہ معاہدے کے دوسرے مرحلے کے لیے بات چیت کے لیے بین الاقوامی ثالثی کی کوششوں کی روشنی میں جنگ بندی کے قیام کی ضرورت پر زور دیا۔(جاری ہے)
اگرچہ امریکی صدر ڈونلڈ ٹرمپ گزشتہ ہفتوں کے دوران غزہ کی پٹی کے رہائشیوں کی ہمسایہ ممالک میں نقل مکانی کے حوالے سے اپنے سابقہ منصوبے سے دستبردار ہو چکے ہیں تاہم ایسا لگتا ہے کہ اسرائیل اسے مسلط کرنے کی کوششیں جاری رکھے ہوئے ہے۔انتہائی دائیں بازو کے اسرائیلی وزیر خزانہ سموٹریچ نے کنیسٹ کے سامنے ٹرمپ کے منصوبے کو عملی جامہ پہنانے کے لیے اسرائیل اور امریکہ دونوں میں پارلیمانی پریشر گروپس کی تشکیل کا انکشاف کیا ہے۔ اس منصوبے کے تحت غزہ پر قبضہ کرکے وہاں سے لوگوں کی ملک بدری اور مغربی کنارے میں بڑے پیمانے پر یہودی آباد کاری کی توسیع کی جانی ہے۔اس منصوبے کی مزید تفصیلات مبہم ہیں۔ سموٹریچ کے مطابق اس منصوبے میں روزانہ 5,000 افراد کو ہفتے کے سارے دن پورے سال تک ملک بدر کرنا ہوگا۔ یا دوسری صورت میں چھ ماہ کے دوران ہر روز 10 ہزار افراد کو ملک بدر کرنا ہوگا۔ اس طرح روزانہ 5000 کو 360 دن سے ضرب دیں تو نتیجے میں ایک سال کے دوران 18 لاکھ افراد کو نکالا جائے گا۔تاہم سموٹریچ کی خواہش کے خلاف ہوائیں چل سکتی، خاص طور پر چونکہ ایک ماہ سے زیادہ عرصہ قبل ٹرمپ کے اعلان کے بعد عرب ممالک نے اس منصوبے کو مسترد کر دیا ہے۔ گزشتہ ہفتے قاہرہ میں منعقدہ عرب لیگ کے غیر معمولی سربراہی اجلاس کے دوران ایک متبادل منصوبہ پیش کیا گیا ہے۔ اس منصوبے میں غزہ کے باشندوں کو غزہ میں برقرار رکھتے ہوئے تعمیر نو کی شرط رکھی گئی ہے۔ سموٹریچ کا خیال تھا کہ ٹرمپ کا منصوبہ پورے خطے کو بدل سکتا ہے۔ تاہم سموٹریچ نے ساتھ ہی بہت سی مشکلات کی موجودگی کو تسلیم کیا تھا۔ اور کہا تھا کہ کہ اس منصوبے پر عمل درآمد میں بہت وقت لگے گا۔.ذریعہ: UrduPoint
کلیدی لفظ: تلاش کیجئے کے دوران
پڑھیں:
وزیراعظم کی کینال منصوبے پر پی پی کے تحفظات دور کرنے کی ہدایت
پیپلز پارٹی وفاق کا حصہ ہے ، آئینی عہدوں پر رہتے ہوئے بات زیادہ ذمہ داری سے کرنی چاہئے ، ہمیں پی پی پی کی قیادت کا بہت احترام ہے، اکائیوں کے پانی سمیت وسائل کی منصفانہ تقسیم پر مکمل یقین رکھتے ہیں
پانی کے مسئلے پر سیاست نہیں کرنی چاہیے ، معاملات میز پر بیٹھ کر حل کرنے چاہئیں، اکائیوں کی مضبوطی کو وفاق کی مضبوطی سمجھتے ہیں، ماضی کی طرح اسی طرز عمل پر چلتے رہیں گے ، مشیر وزیر اعظم رانا ثنا ء اللہ
مسلم لیگ (ن) کے صدر اور وزیراعظم شہباز شریف نے متنازع کینال منصوبے پر پیپلزپارٹی کے تحفظات دور کرنے کی ہدایت کردی۔ وزیراعظم کے مشیر برائے بائے الصوبائی رابطہ رانا ثنا ء اللہ خان نے اپنے بیان میں کہا کہ قائد محمد نواز شریف اور وزیراعظم شہباز شریف نے پی پی پی سے بات چیت کے ذریعے مسائل کے حل کی ہدایت کی ہے ، اکائیوں کے پانی سمیت وسائل کی منصفانہ تقسیم پر مکمل یقین رکھتے ہیں۔انہوں نے کہا کہ پیپلز پارٹی وفاق کا حصہ ہے ، آئینی عہدوں پر رہتے ہوئے بات زیادہ ذمہ داری سے کرنی چاہئے ، ہمیں پی پی پی کی قیادت کا بہت احترام ہے ۔ اُن کا کہنا تھا کہ 1991ء میں صوبوں کے درمیان طے پانے والے معاہدے اور 1992ء کے ارسا ایکٹ کی موجودگی میں کسی سے ناانصافی نہیں ہو سکتی، کسی صوبے کا پانی دوسرے صوبے کے حصے میں نہیں جا سکتا، اس امر کو یقینی بنانے کے لیے ملک میں آئینی طریقہ کار اور قوانین موجود ہیں۔رانا ثنا اللہ نے کہا کہ پانی کے مسئلے پر سیاست نہیں کرنی چاہیے ، معاملات میز پر بیٹھ کر حل کرنے چاہئیں، اکائیوں کی مضبوطی کو وفاق کی مضبوطی سمجھتے ہیں، ماضی کی طرح اسی طرز عمل پر چلتے رہیں گے ۔انہوں نے کہا کہ آئین و جمہوریت پر پختہ یقین رکھنے والی جماعت کے طور پر اکائیوں اور اس میں رہنے والے عوام کے حقوق کے تحفظ پر سمجھوتہ کیا نہ کریں گے ، بات چیت اور مشاورت ہی ہر مسئلے کا حل ہے ۔
17 اپریل کو عام تعطیل کا اعلان