پاکستان بمقابلہ نیوزی لینڈ: ٹی20 سیریز ٹرافی کی تقریب رونمائی
اشاعت کی تاریخ: 14th, March 2025 GMT
پاکستان اور نیوزی لینڈ کے درمیان ہونے والی ٹی20 سیریز کی ٹرافی کی تقریب نیوزی لینڈ کے شہر کرائسٹ چرچ کے خوبصورت مقام پورٹ ہلز پر کی گئی۔
پاکستان کی جانب سے ٹی20 کپتان سلمان علی آغا کی جگہ محمد حارث نے تقریب رونمائی میں شرکت کی جبکہ نیوزی لینڈ کی جانب سے ایش سودھی تقریب میں شریک ہوئے۔
The #NZvPAK T20I series trophy unveiled in Christchurch ????@iamharis63 and Ish Sodhi pose with the prize ????????????????#BackTheBoysInGreen pic.
— Pakistan Cricket (@TheRealPCB) March 13, 2025
مزید پڑھیں: نیوزی لینڈ کا پاکستان کیخلاف ٹی 20 میچز کیلیے اسکواڈ کا اعلان، کونسے اہم کھلاڑی شامل؟
قومی ٹیم کی جانب سے صائم ایوب کی غیر موجودگی میں عمیر بن یوسف اور حسن نواز اننگز کا آغاز کریں گے جبکہ محمد حارث، سلمان علی آغا اور عرفان نیازی مڈل آرڈر کے طور پر کھیلیں گے۔
نائب کپتان شاداب خان اور خوشدل شاہ بطور آل راؤنڈر ٹیم کا حصہ ہوں گے، باؤلنگ میں جہانداد خان، شاہین آفریدی اور حارث رؤف شامل ہوں گے جبکہ اسپیشلسٹ اسپنر کے طور پر ابرار احمد اسکواڈ کا حصہ ہوں گے۔ پاکستان اور نیوزی لینڈ کے درمیان 5 ٹی20 انٹرنیشنل پر مشتمل سیریز کا پہلا میچ اتوار 16 مارچ کو کھیلا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان بمقابلہ نیوزی لینڈ ٹی20 سیریز کرائسٹ چرچذریعہ: WE News
کلیدی لفظ: پاکستان بمقابلہ نیوزی لینڈ ٹی20 سیریز نیوزی لینڈ
پڑھیں:
پاکستان ویمنز انڈر 19 نے بنگلہ دیش کے خلاف سیریز جیت لی، فیصلہ کن میچ میں 6 وکٹوں سے کامیابی
پاکستان ویمنز انڈر 19 ٹیم نے بنگلہ دیش ویمنز انڈر 19 کو 5ویں اور فیصلہ کن ٹی20 میچ میں 6 وکٹوں سے شکست دے کر سیریز 3-2 سے اپنے نام کر لی۔
یہ بھی پڑھیں: قومی وکٹ کیپر سدرہ نواز ویمنز ورلڈ کپ ٹیم آف دی ٹورنامنٹ میں شامل
بنگلہ دیش کے کوکس بازار اکیڈمی گراؤنڈ میں کھیلا گیا میچ پاکستان نے 3 اوور پہلے ہدف حاصل کر کے جیت لیا۔
پاکستان نے 85 رنز کا آسان ہدف 17 اوورز میں 4 وکٹوں کے نقصان پر حاصل کیا۔
قومی ٹیم نے پہلے 3 میچوں میں 2-1 سے ہارنے کے بعد مسلسل دوسرے میچ میں 6 وکٹوں سے کامیابی حاصل کرتے ہوئے شاندار کم بیک کیا۔
میچ کی بیٹنگ کارکردگیہدف کے تعاقب میں پاکستان کو آغاز میں ہی نقصان اٹھانا پڑا اور صرف 16 رنز پر کپتان ایمان نصیر اور راحمہ سید آؤٹ ہو گئیں۔ ایمان نصیر نے سیریز میں مجموعی طور پر 97 رنز بنا کر ٹاپ اسکورر رہنے کا اعزاز حاصل کیا۔
مزید پڑھیے: ویمنز بلائنڈ ٹی20 ورلڈ کپ: روایتی حریف پاک بھارت ایک بار پھر ٹکرانے کو تیار
کومل خان اور اقصیٰ حبیب نے تیسری وکٹ کی شراکت میں 37 قیمتی رنز جوڑ کر اننگز کو سہارا دیا۔ اقصیٰ 23 گیندوں پر 21 رنز بنا کر آؤٹ ہوئیں جبکہ کومل خان نے 46 گیندوں پر 25 رنز اسکور کیے۔
بعد ازاں فضا فیاض نے 14 گیندوں پر 18 رنز (ایک چھکا، ایک چوکا) بنا کر ٹیم کو فتح کے راستے پر گامزن رکھا اور ناٹ آؤٹ رہیں۔ عریشہ انصاری 7 رنز بنا کر ناقابل شکست رہیں۔
بنگلہ دیش کی جانب سے حبیبہ اسلام پنکی، اوتوشی مجمدر اور فرجانہ یاسمین نے ایک ایک وکٹ حاصل کی۔
بنگلہ دیش کی اننگزقبل ازیں پاکستان نے ٹاس جیت کر فیلڈنگ کا فیصلہ کیا تھا اور بنگلہ دیش کی بیٹنگ لائن کو 84 رنز پر ڈھیر کر دیا۔
میزبان ٹیم صرف 8 اوور میں 5 وکٹیں 31 رنز پر گنوا بیٹھی۔ پلیئر آف دی میچ بریرہ سیف نے 5ویں اوور میں 2 اہم وکٹیں حاصل کیں۔
بنگلہ دیش کی جانب سے واحد نمایاں کارکردگی نمبر 6 کی بیٹر صادیہ اختر کی تھی جنہوں نے 28 گیندوں پر 27 رنز بنائے۔ ان کے علاوہ کوئی اور بیٹر ڈبل فگر میں داخل نہ ہو سکی۔
پاکستان کی بولنگ میں بریرہ سیف نے شاندار پرفارمنس دیتے ہوئے 4 اوورز میں 16 رنز کے عوض 3 وکٹیں حاصل کیں۔
روزینہ اکرم نے بھی وکٹیں حاصل کیں اور سیریز میں آٹھ وکٹوں کے ساتھ میمونہ خالد کے ہمراہ مشترکہ طور پر تیسرے نمبر پر رہیں۔ اقصیٰ حبیب، میمونہ خالد اور شہر بانو نے ایک، ایک وکٹ لی۔
پاکستان کرکٹ ٹیم کی بریرہ سیف پلیئر آف دی میچ جبکہ ایمان نصیر پلیئر آف دی سیریز قرار پائیں۔
سیریز کے نتائجپہلا ٹی20: 3 دسمبر کو منعقد ہوا جس میں پاکستان 13 رنز سے کامیاب رہا، دوسرا 5 دسمبر کو تھا جس میں بنگلہ دیش 3 وکٹوں سے فاتح رہا اور اسی طرح 7 دسمبر کا تیسرا میچ بھی بنگلہ دیش نے (7 وکٹوں سے) جیتا۔
مزید پڑھیں: 6 کروڑ ناظرین کے ساتھ ویمنز کرکٹ ورلڈ کپ کی تاریخ میں نیا ریکارڈ
چوتھا میچ 10 دسمبر کو تھا جس میں پاکستان نے کم بیک کرتے ہوئے 6 وکٹوں سے فتح حاصل کی جبکہ آج کے میچ میں بھی پاکستان 6 وکٹوں سے کامیاب رہا اور ساتھ ہی سیریز بھی جیت لی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان ویمنز بمقابلہ بنگلہ دیش قومی ویمنز انڈر 19 کرکٹ ٹیم قومی ویمنز ٹیم
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر