پی ٹی آئی نے تحریک چلانی ہے چلائے، میں کسی تحریک کے حق میں نہیں، شاہد خاقان
اشاعت کی تاریخ: 13th, March 2025 GMT
عوام پاکستان پارٹی کے سربراہ اور سابق وزیر اعظم خاقان عباسی نے کہا ہے کہ پی ٹی آئی نے تحریک چلانی ہے چلائے، میں کسی تحریک کے حق میں نہیں، یہاں حکومت اوراپوزیشن اپنا اپنا کام نہیں کر رہی ہیں، فیصل کریم کنڈی نے کہا کہ پی ٹی آئی دورمیں قومی سلامتی کے اجلاس میں وزیراعظم ہوتا ہی نہیں تھا۔ پی ٹی آئی کبھی 9 مئی کرتی ہے تو کبھی آئی ایم ایف کوخط لکھتی ہے۔
نجی ٹی وی سے گفتگو کرتے ہوئے شاہدخاقان عباسی نے کہا کہ اسمبلی 100 قرارداد پاس کر لے بلوچستان کے مسائل حل نہیں ہوں گے، بلوچستان کے حالات قراردادوں سے ٹھیک نہیں ہوں گے۔
شاہد خاقان عباسی نے کہا کہ بلوچستان واحد صوبہ ہے جہاں الیکشن ہی ہوتے، موجودہ حکومت عوامی نمائندہ نہیں، موجودہ حکومت اے پی سی بلا کر بھی کچھ نہیں کر سکتی، پہلے یہ معلوم کریں کہ یہ دہشتگرد بنے کیوں؟
سابق وزیر اعظم نے کہا کہ بلوچ نوجوانوں نے ہتھیار کیوں اٹھائے یہ معلوم کریں، نوجوانوں کی بات سننا چاہئے، انہیں روزگار دینا چاہئے، لوگ ملک دشمنوں کے ہاتھوں کھیل رہے ہیں۔
انھوں نے کہا کہ پی ٹی آئی نے تحریک چلانی ہے چلائے، میں کسی تحریک کے حق میں نہیں، یہاں حکومت اوراپوزیشن اپنا اپنا کام نہیں کر رہیں، یہاں وزرائے اعظم کو جیل میں ڈالا جاتا ہے، پی ٹی آئی نے پہلے والا رویہ رکھنا ہے تو سب بے کارہے۔
شاہد خاقان عباسی نے کہا کہ پی ٹی آئی کا رویہ غیرجمہوری وغیرپارلیمانی ہے، پی ٹی آئی کو ذمہ دار اپوزیشن بننا چاہئے، مولانا سے متعلق بات بالکل بھی درست نہیں، اپوزیشن کوبات کرنے کا حق ہی نہیں و جمہوریت کیسی؟
عوام پاکستان پارٹی کے سربراہ نے کہا کہ آج ملک میں سیاست ایک دوسرے سے نفرت میں بدل چکی، دہشت گردی کا مقابلہ بندوق سے نہیں اتفاق سے ہوتا ہے۔
اس موقع پر گورنرخیبرپختون خوا فیصل کریم کنڈی نے کہا کہ پی ٹی آئی کوپاکستان سے کوئی سروکار نہیں، پی ٹی آئی دورمیں قومی سلامتی کے اجلاس میں وزیراعظم ہوتا ہی نہیں تھا۔ پی ٹی آئی کبھی 9 مئی کرتی ہے تو کبھی آئی ایم ایف کوخط لکھتی ہے۔
فیصل کریم کنڈی نے کہا کہ پی ٹی آئی دورمیں دہشت گردوں کورہا کیا گیا، پی ٹی آئی نے امن کیلئے آج تک اے پی سی نہیں بلائی، میری بلائی اے پی سی میں پی ٹی آئی نہیں آئی تھی، پی ٹی آئی میں کی گروہ بنے ہوئے ہیں۔
گورنرخیبرپختون خوا نے کہا کہ وزیراعلی گنڈا پورآج تک کسی شہید کے گھر نہیں گئے، واقعہ بنوں اورکرم کس کی ذمہ داری ہے، آئینی ترمیم کے بعد امن وامان کی ذمہ داری صوبے کی ہے۔
ذریعہ: Daily Mumtaz
کلیدی لفظ: نے کہا کہ پی ٹی ا ئی خاقان عباسی نے کہا پی ٹی ا ئی نے
پڑھیں:
سیاستدان کو الیکشن اور موت کے لیے ہر وقت تیار رہنا چاہیے ، عمر ایوب
اسلام آباد:پی ٹی آئی رہنما اور اپوزیشن لیڈر عمرا یوب نے کہا ہے کہ سیاستدان کو الیکشن اور موت کے لیے ہر وقت تیار رہنا چاہیے۔
عمران خان سے جیل میں ملاقات کی اجازت نہ ملنے پر توہین عدالت کیس مقرر نہ ہونے پر عمر ایوب اسلام آباد ہائی کورٹ پہنچے، جہاں بات چیت کرتے ہوئے انہوں نے بتایا کہ 2 دن پہلے درخواست دائر کی تھی، تاحال ہماری درخواست مقرر نہیں ہوئی، اس پر دائری نمبر لگ چکا ہے۔
میڈیا کے نمائندوں گفتگو میں اپوزیشن لیڈر عمر ایوب نے کہا کہ 2 دن پہلے ہائی کورٹ میں بانی پی ٹی آئی کی بہنیں اور قیادت موجود تھی ۔ چیف جسٹس کے پاس پیش ہونا چاہا مگر وہ شاید جمعہ کی وجہ سے چلے گئے تھے ۔
انہوں نے بتایا کہ پٹیشن کو دائری نمبر لگا دیا گیا ہے مگر وہ ابھی تک فکس نہیں ہوئی۔ پہلے بھی ہمارے کیس یہاں پر لگتے رہے ہیں، اس کے بعد ملاقاتوں کا سلسلہ شروع ہوا تھا ۔ اُس وقت کوئی زمین آسمان اوپر نیچے نہیں ہوا۔
عمر ایوب کا کہنا تھا کہ بانی پی ٹی آئی سمیت دیگر پی ٹی آئی کی قیادت جو گرفتار ہیں وہ سیاسی قیدی ہیں ۔ مجھ پر بسکٹ چوری تک کے کیس لگائے گئے ہیں۔ ہم لوگ یہاں آئے ہیں اور انصاف کے لیے عدالت کا دروازہ ہی کھٹکھٹائیں گے۔
اپوزیشن لیڈر نے کہا کہ ہم ریاست کا حصہ ہیں، ریاست کی جو تعریف یہ لوگ کرتے ہیں وہ یکسر مختلف ہے۔ عقل کے اندھوں سے کہتا ہوں کے آئین کا مطالعہ کر لیں تو سمجھ آئے گا کہ ریاست کیا ہوتی ہے۔
انہوں نے کہا کہ پاکستان ہارڈ اسٹیٹ نہیں کیوں کہ یہاں قانون کی حکمرانی ہی نہیں،یہاں صرف جنگل کا قانون چل رہا ہے۔ بانی پی ٹی آئی نہ ڈھیل مانتے ہیں نہ ہی ڈیل کو مانتے ہیں۔ بانی کی بہنوں کو سیاست میں لانا ناجائز ہے ، بہنیں بطور فیملی ممبر ملاقات کرتی ہیں۔
انہوں نے اپنے استعفے کی خبروں کی تردید بھی کی اور کہا کہ سیاستدان کو الیکشن اور موت کے لیے ہر وقت تیار رہنا چاہیے ۔ پی ڈی ایم حکومت میں ہم نے دھاندلی کیسے کرلی؟ میرے خلاف امیدوار ہار مان چکے ہیں لیکن ریموٹ کنٹرول والوں کو چین نہیں آرہا۔
کروڑوں روپے کا مبینہ فراڈ، نادیہ حسین ایف آئی اے کے نوٹس پر پیش