پاکستانی کھلاڑیوں کے لیے بُری خبر، ہنڈریڈ لیگ میں کسی کھلاڑی کا انتخاب نہیں ہوسکا
اشاعت کی تاریخ: 13th, March 2025 GMT
برطانوی لیگ دی ہنڈریڈ 2025 کے ڈرافٹ میں کسی پاکستانی کرکٹر کی بولی نہ لگ سکی، گزشتہ روز منعقدہ پلیئر ڈرافٹ میں دونوں صنف کی کرکٹ کے لیے کسی پاکستانی کھلاڑی کا انتخاب نہیں کیا گیا۔
پاکستان کے 5 کرکٹرز نے خواتین کے جبکہ 45 کرکٹرز نے مردوں کے ڈرافٹ کے لیے رجسٹریشن کروائی تھی۔
یہ بھی پڑھیں: کیریبیئن پریمیئر لیگ میں کون سے پاکستانی کرکٹرز ایکشن میں نظر آئیں گے؟
غیر ملکیوں کی محدود تعداد اور انتخابی عمل کی مسابقتی نوعیت کے ساتھ، یہ مکمل طور پر حیران کن نہیں تھا کہ عالیہ ریاض، فاطمہ ثنا، یسریٰ عامر، ارم جاوید اور جویریہ رؤف کا انتخاب نہیں کیا گیا۔
تاہم، یہ نسبتاً حیرت کی بات تھی کہ مردوں کے ڈرافٹ میں بھی پاکستانی کھلاڑیوں میں سے کسی کو بھی منتخب نہیں کیا گیا، باوجود اس کے کہ برطانوی لیگ کی بیشتر ٹیموں میں کئی غیر ملکی کرکٹرز کی پوزیشن دستیاب تھیں۔
مزید پڑھیں: انگلینڈ کرکٹ بورڈ نے اپنے کھلاڑیوں کو پاکستان سپر لیگ میں شرکت سے کیوں روکا؟ وجہ سامنے آگئی
دی ہنڈریڈ کے رواں برس کے ڈرافٹ کے لیے فاسٹ بولر نسیم شاہ ایک لاکھ 20 ہزار پاؤنڈز کی ریزرو قیمت کے ساتھ سب سے زیادہ قیمت رکھنے والے پاکستانی کھلاڑی تھے جبکہ تجربہ کار آل راؤنڈر عماد وسیم اور ابھرتے ہوئے اسٹار صائم ایوب نے اپنی ریزرو قیمت ساڑھے 78 ہزار پاؤنڈز رکھی تھی۔
شاداب خان، حسن علی اور محمد حسنین کو 63 ہزار پاؤنڈ کی ریزرو قیمت کے ساتھ لسٹ کیا گیا تھا، اس کے برعکس، محمد عباس، حیدر علی اور عماد بٹ سمیت کئی دیگر نے ریزرو قیمت بتائے بغیر رجسٹریشن کرائی تھی۔
مزید پڑھیں: ڈپارٹمنٹل کرکٹ بحال، پاکستان جونیئر لیگ ختم
دی ہنڈریڈ کے اس سیزن کے موقع پر انگلینڈ اینڈ ویلز کرکٹ بورڈ یعنی ای سی بی نے فرنچائزز میں بیرونی سرمایہ کاری کی اجازت دی ہے، تمام 8 فرنچائزز کو اب سرمایہ کاری موصول ہوئی ہے، ان میں سے 4 کو انڈین پریمیئر لیگ یعنی آئی پی ایل کے مالکان کی حمایت حاصل ہے۔
آئی پی ایل کے پاکستانی کھلاڑیوں کے ساتھ تعلقات پیچیدہ رہے ہیں، 2008 سے پاکستانی کھلاڑیوں کو اس بھارتی لیگ میں شرکت کی اجازت نہیں دی گئی، تاہم، وسیم اکرم اور رمیز راجہ جیسے سابق پاکستانی کرکٹرز نے گزشتہ برسوں میں کوچنگ اور کمنٹری کی خدمات سرانجام دی ہیں۔
مزید پڑھیں: بگ بیش لیگ کے لیے پاکستان کے کتنے مرد و خواتین کرکٹرز کی نامزدگیاں ہوئیں؟
پاکستان کے کھلاڑیوں کے علاوہ انگلینڈ کے تجربہ کار فاسٹ بولر جیمز اینڈرسن کو بھی مردوں کے ڈرافٹ میں نظر انداز کیا گیا ہے، 2024 کے اوائل میں بین الاقوامی کرکٹ سے ریٹائر ہونے والے 42 سالہ کھلاڑی آئندہ سیزن کے لیے لنکاشائر کے ساتھ ایک سال کے معاہدے پر دستخط کرنے کے بعد ڈرافٹ میں داخل ہوئے تھے۔
افغانستان کے بائیں ہاتھ کے اسپنر نور احمد اور نیوزی لینڈ کے آل راؤنڈر مائیکل بریسویل سب سے زیادہ معاوضہ لینے والے غیر ملکی کرکٹرز کے طور پر سامنے آئے، دونوں کی قیمت 2 لاکھ پاؤنڈزرکھی گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انگلینڈ اینڈ ویلز کرکٹ بورڈ بھارتی لیگ پلیئر ڈرافٹ دی ہنڈریڈ ڈرافٹ شاداب خان صائم ایوب عماد وسیم کرکٹرز نسیم شاہ.ذریعہ: WE News
کلیدی لفظ: بھارتی لیگ پلیئر ڈرافٹ دی ہنڈریڈ ڈرافٹ صائم ایوب کرکٹرز نسیم شاہ پاکستانی کھلاڑیوں پاکستانی کھلاڑی ڈرافٹ میں دی ہنڈریڈ کے ڈرافٹ کیا گیا لیگ میں کے ساتھ کے لیے
پڑھیں:
لڑکے سے لڑکی بننے والی سابق بھارتی کرکٹر سےمتعلق انکشافات سامنے آگیا
بھارت(نیوز ڈیسک)نومبر 2024 جنس تبدیل کروا کر لڑکے سے لڑکی بننے والی سابق بھارتی کرکٹر اور کوچ سنجے بانگر کی بیٹی انایا نے اپنے والد سے متعلق انکشافات کردیے۔
للّن ٹاپ کو دیئے گئے انٹرویو میں انایا بانگر نے بتایا کہ میرے والد نے مجھ پر واضح کردیا تھا کہ اب کرکٹ میں تمہارے لیے کوئی جگہ نہیں”۔
دوران انٹرویو انایا نے اپنے والد سے متعلق بات کرنے سے صاف انکار کردیا تاہم انہوں نے کہا کہ میرے والد نے مجھے دوٹوک انداز میں بتادیا تھا کہ اب کرکٹ میں میری کوئی جگہ نہیں، جس کے بعد مجھے خودکشی جیسے خیالات آنے لگے۔
انایا نے کہا کہ مجھے ایسا لگتا تھا کہ پوری دنیا میرے خلاف ہوگئی ہے لیکن میرے خاندان نے مجھے سپورٹ کیا تاہم اسکے برعکس معاشرے اور کرکٹ سسٹم نے نہیں۔
انہوں نے کہا کہ مجھے اپنے فیصلے کی وجہ سے قیمت کرکٹ سے محرومی کی صورت میں چکانی پڑی۔
قبل ازیں فوٹو اینڈ ویڈیو شیئرنگ ایپ انسٹاگرام پر سابق بھارتی کرکٹر اور کوچ سنجے بانگر کی بیٹی انایا (سابقہ نام: اریان) نے دعویٰ کیا تھا کہ کئی کرکٹرز نے انہیں جنس تبدیلی کے بعد اپنی فحش تصاویر بھیجیں۔
انایا کا مزید کہنا تھا کہ ایک فرد نے مجھے سرِعام گالیاں دیں اور پھر میری تصاویر مانگیں جبکہ ایک سینئر کرکٹر ایسی حرکت کی کوشش کی جو بتانا بھی نہیں چاہتی۔
واضح رہے کہ انایا بانگر اپنی جنس تبدیل کروانے سے قبل بھارت کے نوجوان مشیر خان، سرفراز خان، یشسوی جیسوال جیسے کرکٹرز کیساتھ بھی کھیل چکی ہیں۔
یاد رہے کہ 22 سال تک ایک لڑکے کی حیثیت سے پلنے بڑھنے اور تعلیم حاصل کرنے والے آریان نے 2023 میں ہارمون تھراپی کروانا شروع کیں اور 11 ماہ بعد ٹرانس جینڈر لڑکی بن گئیں۔
آٹے کے بعد گھی کی قیمتوں میں بھی بڑی کمی ریکارڈ
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج