بھارتی ریاست میں تیسرے بچے کی پیدائش پر 50 ہزار روپے انعام، بیٹا ہوا تو گائے بھی ملے گی
اشاعت کی تاریخ: 12th, March 2025 GMT
انڈین ریاست آندھرا پردیش کے وزیراعلٰی اور تلگودیشم پارٹی (ٹی ڈی پی) کے صدر چندرابابو نائیڈو نے لوگوں کو زیادہ بچے پیدا کرنے کی ترغیب دی ہے جبکہ وجیا نگرم سے پارٹی کے رکن اسمبلی کالیسیٹی اپالا نائیڈو نے تیسرا بچہ پیدا کرنے والی خواتین کو فی کس 50 ہزار انڈین روپے دینے کی پیشکش کی ہے اور جو خاتون لڑکے کو جنم دے گی اسے ایک گائے بھی دی جائے گی۔
رکن پارلیمنٹ نے کہا کہ وہ اپنی تنخواہ سے یہ نقد انعام دیں گے۔ ان کی یہ پیشکش سوشل میڈیا پر وائرل ہو رہی ہے۔ ٹی ڈی پی کے رہنماؤں اور کارکنوں نے اس اعلان کو اپنے سوشل میڈیا اکاؤنٹس پر شیئر کیا۔ ان کے مطابق خواتین نے اس پیشکش کو انقلابی قرار دیا ہے جبکہ آندھرا پردیش کے وزیراعلٰی نے بھی اس اعلان پر رکن اسمبلی کی تعریف کی ہے۔ کالیسیٹی اپالانائیڈو نے یہ اعلان خواتین کے عالمی دن کے موقع پر منعقدہ میٹنگ میں کیا۔
یہ بھی پڑھیں: کسی غیر ملکی بچے کی پیدائش پر پاکستانی شہریت نہیں دی جائیگی، ترمیمی بل پاس
رواں ماہ نئی دہلی کے اپنے دورے کے دوران وزیراعلٰی چندرابابو نائیڈو نے جنوبی بھارت میں آبادی کی کمی پر تشویش کا اظہار کیا تھا۔ ان کا کہنا تھا کہ یہاں کی بڑھتی عمر کی آبادی سے چیلنجز کا سامنا ہے جبکہ یو پی اور بہار جیسی ریاستوں کی زیادہ آبادی جوان لوگوں پر مشتمل ہے۔
انہوں نے آبادی کے کنٹرول کے بجائے طویل مدتی آبادیاتی انتظام کی ضرورت پر زور دیا۔ ان کا کہنا تھا کہ وہ کبھی خاندانی منصوبہ بندی کی حمایت کرتے تھے لیکن اب اپنے خیالات بدل رہے ہیں اور آبادی کی حمایت کر رہے ہیں کیونکہ بھارت کو زیادہ آبادی کے فوائد حاصل ہیں۔
یہ بھی پڑھیں: بچے کی پیدائش پر تنخواہ کے ساتھ چھٹیاں:’ کیا بلی کے بچوں کو میرے بچے سمجھا جاسکتا ہے؟‘
چندرابابو نائیڈو نےعالمی یوم خواتین کے موقع پر ایک پروگرام میں اعلان کیا کہ تمام خواتین ملازمین کو بچے کی پیدائش کے دوران چھٹی دی جائے گی، چاہے ان کے کتنے بھی بچے ہوں۔
ان کا کہنا تھا کہ پہلے مائیں صرف 2 بچوں کی پیدائش پر چھٹی حاصل کرسکتی تھیں۔ اب تمام بچوں کی پیدائش پر چھٹی دینے کا فیصلہ کر رہے ہیں اور اس کا مقصد خاندانوں کی ترقی کو فروغ دینا، آبادی میں توازن قائم کرنا اور خواتین کو ان کی پیشہ ورانہ اور ذاتی زندگیوں کو ہم آہنگ کرنے میں مدد کرنا ہے۔ ان کا کہنا تھا کہ وہ خواتین کو مضبوط بنانے اور آندھرا پردیش کے لیے ایک مضبوط مستقبل بنانے کے لیے پرعظم ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈیا انڈین ریاست آندھرا پردیش بچے کی پیدائش.ذریعہ: WE News
کلیدی لفظ: انڈیا انڈین ریاست آندھرا پردیش بچے کی پیدائش ان کا کہنا تھا کہ بچے کی پیدائش کی پیدائش پر نائیڈو نے
پڑھیں:
تعلیم پر روزانہ 59 ہزار روپے خرچ کرنیوالی جاپانی گلوکارہ
جاپانی گلوکارہ کی جانب سے تعلیم سے لگن کا انوکھا مظاہرہ سامنے آیا ہے، جنہوں نے روزانہ 4 گھنٹے سفر اور تقریباً 59 ہزار پاکستانی روپے خرچ کر کے اپنا خواب پورا کیا۔
جاپان کی مشہور پاپ گلوکارہ اور گرل گروپ ساکورا زاکا 46 (Sakurazaka46) کی 22 سالہ رکن یوزوکی ناکاشیما نے اپنی تعلیم اور فنی کیریئر کو بیک وقت سنبھالنے کی حیران کن کہانی سے سوشل میڈیا پر دھوم مچا دی۔
ساؤتھ چائنا مارننگ پوسٹ کے مطابق ناکاشیما ہر روز صبح 5 بجے بیدار ہو کر ٹوکیو سے فوکواوکا یونیورسٹی جانے کے لیے تقریباً 4 گھنٹے کا سفر کرتی ہیں، جس پر ان کا روزانہ کا خرچ تقریباً 59 ہزار پاکستانی روپے بنتا ہے۔
ناکاشیما کا دن صبح 5 بجے شروع ہوتا ہے، وہ صبح 6 بجے ہنیڈا ایئر پورٹ روانہ ہوتی ہیں جہاں سے وہ کٹاکیوشو کے لیے پرواز کرتی ہیں، صبح ساڑھے 9 بجے یونیورسٹی پہنچنے کے بعد وہ کیمپس جانے کے لیے ٹیکسی یا بس کا استعمال کرتی ہیں، سفر کے دوران وہ مطالعہ اور ہوم ورک مکمل کرتی ہیں۔
ایک طرف کا سفر 2 گھنٹے سے زائد کا ہوتا ہے اور اس پر تقریباً 29 ہزار پاکستانی روپے خرچ آتا ہے، یوں روزانہ کا کل سفری خرچ تقریباً 59 ہزار پاکستانی روپے تک پہنچ جاتا ہے۔
کلاسز مکمل کرنے کے بعد ناکاشیما واپس ٹوکیو روانہ ہوتی ہیں تاکہ شام کے وقت گروپ کی پرفارمنس ٹریننگ میں حصہ لے سکیں۔
یہ معمول صرف چند دنوں کی بات نہیں بلکہ یوزوکی ناکاشیما نے پورے 4 سال تک یہی سخت روٹین اپنائے رکھا، اپنے گلوکاری کے خواب کی تکمیل کے لیے انہوں نے ماضی میں پارٹ ٹائم ملازمت بھی کی تھی، اب وہ اپنی تعلیم مکمل کر چکی ہیں اور باضابطہ طور پر ڈگری حاصل کر چکی ہیں۔
ناکاشیما نے اپنی طالب علمی کی زندگی کو دورانِ تعلیم عوامی نگاہوں سے دور رکھا، مگر گریجویشن کے بعد انہوں نے اپنی محنت اور قربانیوں کی داستان کو ایک ’اہم زندگی کا سنگِ میل‘ قرار دیتے ہوئے مداحوں کے ساتھ شیئر کیا ہے۔
انہوں نے کہا ہے کہ اگر آپ کے پاس کوئی خواب ہے تو چاہے وہ کتنا ہی مشکل کیوں نہ لگے، حوصلہ کریں اور اس کی طرف بڑھیں، اپنے خواب کی تلاش میں گزرا ہر لمحہ آپ کی زندگی کی قیمتی یادوں میں تبدیل ہو جائے گا۔
یوزوکی ناکاشیما کی کہانی نے سوشل میڈیا پر مداحوں کی زبردست پزیرائی حاصل کی ہے، مداحوں نے ان کی محنت، ہمت اور عزم کو سراہتے ہوئے انہیں سپر ویمن قرار دیا ہے۔
Post Views: 4
سندھ حکومت کا بڑا قدم ، خواجہ سراؤں کے لیے کھیلوں کے انعقاد کا فیصلہ