جعفر ایکسپریس حملے کی ذمہ داری فارم 47 کی جعلی حکومت بنانیوالوں پر عائد ہوتی ہے، جماعت اسلامی
اشاعت کی تاریخ: 12th, March 2025 GMT
اپنے بیان میں صوبائی امیر کاشف سعید شیخ نے کہا کہ اسٹیبلشمنٹ اور حکمرانوں کی جانب سے ہر مسئلے کا حل طاقت کے استعمال سے کرنے کے نتیجے میں آج ملک شدید سیاسی، معاشی اور سیکورٹی مسائل کا شکار ہو چکا ہے۔ اسلام ٹائمز۔ جماعت اسلامی سندھ کے امیر کاشف سعید شیخ نے بلوچستان میں جعفر ایکسپریس پر دہشتگردوں کے بزدلانہ حملے، سول اور سیکورٹی اہلکاروں کو یرغمال بنانے سمیت درجنوں افراد کی ہلاکت کے واقعے پر شدید دکھ اور افسوس کا اظہار کرتے ہوئے کہا ہے کہ حکمران ٹولہ، سیکورٹی ادارے عوام کو ”سب ٹھیک ہے“ کی خبریں سناتے رہے، لیکن بلوچستان اور کے پی دہشتگردی کی آگ میں جل رہے ہیں، معصوم اور بے گناہ لوگوں کو دہشتگردی کا نشانہ بنانا انتہائی قابل مذمت عمل ہے، مذاکرات اور محرومیوں کو ختم کرنا ہی بلوچستان کے مسئلہ کا حل ہے۔ اپنے بیان میں کاشف سعید شیخ نے کہا کہ حالیہ چند دنوں میں کے پی اور بلوچستان میں دہشتگردوں کی جانب سے بڑے حملوں سے یہ بات ثابت ہو چکی ہے کہ محسن نقوی اور شہباز شریف کی حکومت امن و امان کی بحالی میں مکمل طور پر ناکام ہو چکی ہے۔انہوں نے کہا کہ سندھ میں ڈاکو راج اور کے پی و بلوچستان میں دہشتگردی کا جن بے قابو ہونے کے نتیجے میں آئے روز سینکڑوں نہتے عام شہری اور سیکورٹی اہلکار شہید ہو رہے ہیں، لیکن حکمران اتحاد حزب اختلاف اور میڈیا کی آواز کو دبانے کیلئے اوچھے ہتکنڈے استعمال کر رہی ہے۔
کاشف سعید شیخ نے کہا کہ حکمران اور اسٹیبلشمنٹ کی جانب سے ہر مسئلے کا حل طاقت کے استعمال سے کرنے کے نتیجے میں آج ملک شدید سیاسی، معاشی اور سیکورٹی مسائل کا شکار ہو چکا ہے، جس کی تمام تر ذمہ داری فارم 47 کے ذریعے جعلی حکومت قائم کرنے والوں پر عائد ہوتی ہے۔ انہوں نے کہا کہ بلوچستان میں ٹرینوں اور بسوں کی حفاظت کیلئے ہنگامی بنیادوں پر اقدامات کیے جائیں۔ انہوں نے کہا کہ بلوچستان میں رونما ہونے والے واقعات انتہائی دلخراش ہیں، جماعت اسلامی کسی بھی قسم کے تشدد کی بھرپور مذمت کرتی ہے، بلوچستان میں احساس محرومی کا خاتمہ کرنے کیلئے وفاقی اور صوبائی حکومتوں کو مل کر کام کرنا ہوگا۔
ذریعہ: Islam Times
کلیدی لفظ: کاشف سعید شیخ نے بلوچستان میں اور سیکورٹی نے کہا کہ
پڑھیں:
جماعت اسلامی کا مارچ روکنے کیلئے انتظامیہ متحرک، اسلام آباد ریڈزون بھی سیل کردیا گیا
اسلام آباد ( اُردو پوائنٹ اخبارتازہ ترین۔ 20 اپریل 2025ء ) جماعت اسلامی کا مارچ روکنے کیلئے انتظامیہ متحرک ہوچکی ہے اور اس سلسلے میں اسلام آباد کا ریڈ زون بھی سیل کردیا گیا۔ تفصیلات کے مطابق جماعت اسلامی کی کال پر وفاقی دارالحکومت اسلام آباد میں آج یکجہتی غزہ مارچ کیا جائے گا، اس حوالے سے اسلام آباد میں سکیورٹی کے سخت انتظامات کیے گئے ہیں، ریڈ زون اور توسیع شدہ ریڈ زون کو سیل کر دیا گیا ہے، اس کے علاوہ احتجاج کرنے یا اکسانے والوں کو فوری گرفتار کرنے کا فیصلہ بھی کرلیا گیا۔ ذرائع کا کہنا ہے کہ وفاقی حکومت نے جماعت اسلامی کے غزہ مارچ کے شرکاء سے سختی سے نمٹنے کا فیصلہ کیا ہے، اسلام آباد میں ریڈ زون اور توسیع شدہ ریڈ زون سیل کر دیا گیا ہے۔ حکومت نے احتجاج کرنے یا اکسانے والوں کی فوری گرفتاری اور ان کے خلاف پیس فل اسمبلی اور پبلک ایکٹ کے تحت مقدمات درج کرنے کا فیصلہ کیا ہے، ریڈ زون میں پولیس کی اضافی نفری بھی تعینات کر دی گئی ہے، دیگر صوبوں سے بھی پولیس کی اضافی نفری بھی منگوا لی گئی ہے۔(جاری ہے)
دریں اثنا، نائب امیر جماعت اسلامی لیاقت بلوچ سے وفاقی وزیر داخلہ محسن نقوی اور وزیر مملکت داخلہ طلال چوہدری نے ٹیلی فونک رابطہ کیا، دونوں حکومتی ذمہ داران نے اسلام آباد میں یکجتی غزہ مارچ کے حوالے سے گفتگو کی ۔ محسن نقوی اور طلال چوہدری سے گفتگو میں لیاقت بلوچ نے واضح کیا کہ جماعت اسلامی کا فلسطین سے اظہار یکجتی مارچ پرامن ہوگا، حکومت کو فلسطینیوں سے اظہار یکجتی کے لیے کیے جانے والے مارچ کو روکنے کا کوئی حق نہیں، حکومت رکاوٹیں کھڑی کرکے پوری دنیا میں رسوا نہ ہو۔ لیاقت بلوچ نے کہا کہ حکومت آج اسلام آباد میں یکجتی فلسطین ریلی روکنے سے اجتناب کرے، فلسطین سے اظہار یکجتی کے لیے کوئی نوگوایریا نہ بنایا جائے، انہوں نے کویت کی جانب سے اسرائیل سے تعلقات ختم کرنے کے اعلان کو پوری امت کی ترجمانی قرار دیا۔
کراچی: 9 مئی کیس، تحریکِ انصاف کے ملزمان کارکنوں پر فردِ جرم عائد نہ ہو سکی