سلمان اور شاہ رخ خان سے متعلق خوفناک پیشگوئی، مداح نجومی پر برس پڑے
اشاعت کی تاریخ: 12th, March 2025 GMT
بالی ووڈ کے دو بڑے ستارے شاہ رخ خان اور سلمان خان کے مداحوں کے لیے حال ہی میں ایک ایسی خبر سامنے آئی ہے جس نے انہیں ہلا کر رکھ دیا۔ ماہر نجوم سشیل کمار سنگھ نے دونوں اداکاروں کی موت کی پیشگوئی کردی ہے، جس پر سوشل میڈیا پر مداحوں کا غم و غصہ دیکھنے کو ملا۔
شاہ رخ خان اور سلمان خان بالی ووڈ کے وہ نام ہیں جن کی ہر فلم ریلیز پر تھیٹرز ہاؤس فل ہوجاتے ہیں۔ لیکن اب ان کے کیریئر کی کامیابیوں اور ناکامیوں سے آگے بڑھ کر ایک نجومی نے ان کی موت کی پیشگوئی کر کے سب کو حیران کر دیا ہے۔
حال ہی میں سدھارتھ کنن کو دیے گئے ایک انٹرویو میں سشیل کمار سنگھ نے کہا، ’’شاہ رخ خان کا وقت تو ٹھیک چل رہا ہے، لیکن سلمان خان کےلیے 2025، 2026 اور 2027 بہت خراب سال ہوں گے۔ دونوں اداکاروں میں ایک مماثلت ہے۔ سلمان خان کو جلد ہی ایک بہت بڑی بیماری کی تشخیص ہوگی، جس کا نام نہیں لیا جاتا۔ یہ بیماری لاعلاج ہوگی اور ان کا انجام بہت برا ہوگا۔ شاہ رخ خان اور سلمان خان دونوں کا انتقال ایک ہی سال میں ہوگا، اور وہ 67 سال کی عمر میں اس دنیا کو چھوڑ جائیں گے۔‘‘
نجومی کے اس دعوے نے سوشل میڈیا پر طوفان برپا کردیا۔ مداحوں نے اس پیشگوئی کو غیر ذمے دارانہ اور غیر حقیقی قرار دیتے ہوئے سخت تنقید کی۔ ایک صارف نے لکھا، ’’یہ صاحب بھگوان بنے بیٹھے ہیں۔ کیا کیا لوگ دنیا میں رہتے ہیں!‘‘ جب کہ ایک اور صارف نے کہا، ’’یہ انتہائی غیر ذمے دارانہ حرکت ہے۔ کسی کی زندگی کے بارے میں اس طرح کی بات کرنا کسی بھی طرح مناسب نہیں۔ خدا کا خوف کریں!‘‘
یاد رہے کہ یہ وہی نجومی ہیں جنہوں نے پہلے بھی کئی مشہور شخصیات کے بارے میں پیشگوئیاں کی تھیں، جن میں سے اکثر غلط ثابت ہوئیں۔ مثال کے طور پر، انہوں نے سوناکشی سنہا اور ایشوریا رائے بچن کی طلاق کی پیشگوئی کی تھی، لیکن دونوں جوڑے آج بھی خوش و خرم زندگی گزار رہے ہیں۔
سوشل میڈیا پر مداحوں کا کہنا ہے کہ ایسی پیشگوئیاں نہ صرف غیر حقیقی ہیں، بلکہ یہ اداکاروں اور ان کے خاندانوں کے لیے بھی تکلیف دہ ہیں۔ انہوں نے نجومیوں کو خبردار کیا کہ وہ کسی کی زندگی کے بارے میں اس طرح کی بات کرنے سے پہلے سوچیں۔
اب دیکھنا یہ ہے کہ کیا سشیل کمار سنگھ کی یہ پیشگوئی سچ ثابت ہوتی ہے یا پھر یہ بھی ان کی پچھلی پیشگوئیوں کی طرح غلط ثابت ہوگی۔ لیکن فی الحال، شاہ رخ خان اور سلمان خان کے مداحوں کے لیے یہ خبر ایک صدمے سے کم نہیں ہے۔
.ذریعہ: Express News
کلیدی لفظ: شاہ رخ خان اور سلمان خان
پڑھیں:
اے آئی نے چاہت اور بابراعظم کا مقابلہ کرواڈالا؛ ویڈیو پر مداح حیران
پاکستان سپر لیگ (پی ایس ایل) کے 10ویں ایڈیشن کے دوران آرٹیفیشل انٹیلیجنس کی مدد سے معروف گلوکار چاہت فتح علی خان اور بابراعظم کے درمیان مقابلہ کروادیا گیا۔
سوشل میڈیا پر ایک ویڈیو تیزی سے وائرل ہورہی ہے جسے آرٹیفیشل انٹیلیجنس (اے آئی) کی مدد سے تیار کیا گیا، اس ویڈیو چاہت فتح علی خان (جو اپنی گلوکاری سے مشہور ہیں) بابراعظم کو گیند کرواکر رہے ہیں، جس پر پشاور زلمی کے کپتان انہیں چھکا لگا دیتے ہیں۔
اس ویڈیو پر مداحوں نے اپنے دلچسپ تبصرے کیے ہیں جبکہ کئی صارفین نے بابر کی خراب فارم پر انہیں تنقید کا نشانہ بھی بنایا ہے۔
مزید پڑھیں: بابراعظم کی "معروف ماڈل" کو گھورنے کی ویڈیو وائرل
دراصل چاہت فتح علی خان کی بالنگ کروانے کی ویڈیو وائرل ہوئی تھی لیکن وہ ایک میدان پر رن اَپ اور اپنا بالنگ ایکشن دکھا رہے تھے۔
مزید پڑھیں: بابراعظم نے کراچی کنگز کو کیوں چھوڑا تھا؟ سابق کپتان نے راز سے پردہ اُٹھادیا
واضح رہے کہ پی ایس ایل میں بابراعظم پشاور زلمی کی قیادت کررہے ہیں تاہم ناقص فارم کے باعث تنقید کی زد میں ہیں، انکی قیادر میں فرنچائز نے 4 مقابلوں میں محض ایک فتح حاصل کی ہے۔
پوسٹ پر ہونیوالے دلچسپ تبصرے:
17 اپریل کو عام تعطیل کا اعلان