مریم نواز کی بڑھتی مقبولیت مخالفین سے ہضم نہیں ہو رہی، عظمیٰ بخاری
اشاعت کی تاریخ: 11th, March 2025 GMT
صوبائی وزیر اطلاعات و نشریات پنجاب عظمیٰ بخاری نے کہا ہے کہ مریم نواز کی بڑھتی مقبولیت مخالفین سے ہضم نہیں ہو رہی ہے۔
بیرسٹر سیف کے بیان پر ردعمل میں عظمیٰ بخاری نے کہا کہ کارکردگی میں مقابلے کی بجائے الزامات کا کھیل کھیلنے سے گنڈاپور کی نااہلی چھپ نہیں سکتی۔
انہوں نے کہا کہ خیبر پختونخوا حکومت آج رمضان پیکیج کی منظوری دے گی جبکہ مریم نواز پنجاب میں 25 لاکھ افراد کو رمضان پیکیج دے چکی ہیں، پوچھتی ہوں یہ مریم نواز سے کیا مقابلہ کریں گے؟
عظمیٰ بخاری نے مزید کہا کہ ماڈل ریڑھی منصوبے کا میرٹ پر پورا اترنے والی کمپنی کو ٹھیکا دیا گیا، ان کے لیڈر کرپشن کرپشن کا راگ الاپتے ہوئے بیوی سمیت سرٹیفائیڈ چور اور کرپٹ ثابت ہو چکے ہیں۔
انہوں نے یہ بھی کہا کہ 190ملین پاؤنڈ ملکی تاریخ کا سب سے بڑا کرپشن اسکینڈل ان کے لیڈر کے کریڈٹ پر ہے۔
ان کا کہنا تھا کہ پی ٹی آئی 12 سال سے پختونوں کے نام پر ملنے والے وفاق کے فنڈز ریوڑیوں کی طرح آپس میں بانٹ رہی ہے۔
عظمیٰ بخاری نے کہا کہ گنڈاپور حکومت نے سرجیکل گلوز کی خریداری میں 5 کروڑ کی کرپشن کی، خیبر پختونخوا کا کوئی بھی ڈویلپمنٹ منصوبہ گنڈاپور کی کمیشن کے بغیر مکمل نہیں ہوتا۔
انہوں نے کہا کہ علی امین گنڈاپور پر اس کی کابینہ اور جماعت کے لوگ عدم اعتماد کر رہے ہیں، خیبر پختونخوا کی یونیورسٹیاں فنڈز کی کمی کے باعث بند ہو رہی ہیں۔
.ذریعہ: Jang News
کلیدی لفظ: مریم نواز نے کہا کہ
پڑھیں:
زمین صرف ہماری نہیں، آنے والی نسلوں کی بھی امانت ہے: مریم نواز
لاہور(نیوز ڈیسک) وزیر اعلیٰ پنجاب مریم نواز شریف نے کہا ہے کہ زمین صرف ہماری نہیں، آنے والی نسلوں کی بھی امانت ہے۔
ارتھ ڈے (Earth Day) پر اپنے پیغام میں وزیراعلیٰ مریم نواز شریف کا کہنا تھا کہ زمین کے تحفظ کیلئے ہمیں قدرتی وسائل اور درختوں کو بچانا ہے، زمین کو محفوظ بنانے کیلئےآلودگی اور موسمیاتی تبدیلیوں کے چیلنجز کا مقابلہ کرنا ہے۔
انہوں نے کہا کہ پنجاب حکومت قدرتی مسکن کی حفاظت کے مشن میں سب سے آگے ہے، حکومت پنجاب نے زمینی ماحولیاتی تحفظ کو اپنی پالیسی کا مرکزی حصہ بنایا ہے، زمین کے تحفظ کیلئے سرسبز پنجاب مہم کے تحت لاکھوں درخت لگائے جا چکے ہیں۔
ان کا کہنا تھا کہ پنجاب میں پاکستان کی پہلی سمارٹ انوائرمنٹ فورس قائم کر دی گئی ہے، کارخانوں کی نگرانی کی جا رہی ہے، فصلوں کی باقیات جلانے کی روک تھام کیلئے سپر سیڈر دیئے جا رہے ہیں۔
مریم نواز نے مزید کہا کہ پنجاب نے پاکستان کی پہلی جامع کلائمیٹ پالیسی متعارف کرائی ہے، صنعتی آلودگی پر قابو پانے کیلئے خودکار مانیٹرنگ سسٹم لا رہے ہیں، مل جل کر اپنی زمین کو بہتراور سرسبز بنانے کا عزم کرتے ہیں۔
Post Views: 2
17 اپریل کو عام تعطیل کا اعلان