ٹریڈ باڈیز کی مدت سے متعلق ابہام دور ہونا چاہیے، چیئرمین سینیٹ یوسف رضا گیلانی
اشاعت کی تاریخ: 11th, March 2025 GMT
اسلام آباد:
پاکستان پیپلزپارٹی (پی پی پی) کے رہنما اور چیئرمین سینیٹ یوسف رضا گیلانی نے تاجروں و صنعت کاروں کو مکمل تعاون کی یقین دہانی کراتے ہوئے کہا ہے کہ ٹریڈ باڈیز کی مدت کے حوالے سے پیدا کیے گئے ابہام دور ہونا چاہئیں اور اس حوالے سے پارلیمنٹ اپنا کردار ادا کرے گی۔
ایف پی سی سی آئی کی جانب سے جاری اعلامیے میں کہاگیا ہے کہ صدر فیڈریشن آف پاکستان چیمبرز آف کامرس اینڈ انڈسٹریز(ایف پی سی سی آئی) عاطف اکرام شیخ نے وفد کے ہمراہ پارلیمنٹ ہاؤس میں چیئرمین سینیٹ یوسف رضا گیلانی سے ملاقات کی اور اس موقع چیئرمین سینیٹ نے مکمل تعاون کی یقین دہانی کرائی۔
صدر ایف پی سی سی آئی نے چیئرمین سینیٹ کو بتایا کہ ٹریڈ باڈیز کو دو سال کی مدت پوری کرنے دینی چاہیے، 2024 میں ہونے والے الیکشن میں ٹریڈ باڈیز کو دو سال کا مینڈیٹ دیا گیا تھا، اب حکومت کی جانب سے ترمیم کرکے ٹریڈ باڈیز کی مدت کے حوالے سے پیدا کیے گئے ابہام پر بزنس کمیونٹی میں اضطراب پایا جاتا ہے۔
انہوں نے کہا کہ پارلیمان کا فورم تاجر برادری کے مسائل حل کرنے میں ہمیشہ کردار ادا کرتا رہا ہے، اس اہم مسئلے کو حل کرنے کے لیے ہمیں پارلیمنٹ کی مدد درکار ہے۔
عاطف اکرام شیخ نے کہا کہ ٹریڈ باڈیز اور تمام چیمبرز ٹریڈ آرگنائزیشن ایکٹ کے سیکشن 11 میں ترمیم کو پہلے ہی مسترد کرچکے ہیں، حکومت قانون سازی میں مشاورت یقینی بنائے۔
ان کا کہنا تھا کہ ایک سال کا عرصہ انتہائی مختصر ہے، منتخب عہدیداران کو ایجنڈے کی تکمیل کے لیے وقت چاہیے۔
.ذریعہ: Express News
کلیدی لفظ: چیئرمین سینیٹ ٹریڈ باڈیز کی مدت
پڑھیں:
ابرار کی ٹریڈ مارک وکٹ سیلیبریشن کا حسن علی نے مذاق بناڈالا
پاکستان سپر لیگ (پی ایس ایل) کے 10ویں ایڈیشن کے 8ویں میچ میں کوئٹہ گلیڈی ایٹرز کے ابرار احمد کی "ٹریڈ مارک وکٹ سیلیبریشن کا حسن علی نے مذاق بناڈالا۔
گزشتہ روز نیشنل بینک اسٹیڈیم میں کراچی کنگز اور کوئٹہ گلیڈی ایٹرز کی ٹیمیں مدمقابل آئیں، جہاں ہوم ٹیم نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 175 رنز بنائے۔
ہدف کے تعاقب میں کوئٹہ گلیڈی ایٹرز کی ٹیم محض 119 رنز بناکر پویلین گئی اور یوں کراچی کنگز نے میچ 67 رنز سے جیت لیا تھا۔
https://www.express.pk/story/2757879/after-hair-dryer-hair-trimmer-is-a-gift-to-franchise-player-in-psl-2757879اس میچ میں فاسٹ بولر حسن علی نے ابرار احمد کی وکٹ لیکر انہوں نے انہیں کا "ٹریڈ مارک وکٹ سیلیبریشن اسٹائل اپنایا، جس کی ویڈیو خوب وائرل ہوئی۔
https://www.express.pk/story/2757868/psl-10-hasan-ali-breaks-wahab-riazs-important-record-2757868وکٹ لینے کے بعد حسن علی نے ابرار احمد کو گلے لگایا جس پر شائقین کرکٹ نے انہیں سراہا۔
گلیڈی ایٹرز کیخلاف میچ میں ہی حسن علی نے پی ایس ایل کی تاریخ میں وہاب ریاض کا سب سے زیادہ وکٹیں لینے کا اعزاز بھی اپنے نام کیا تھا، انہوں نے محض 84 اننگز میں 116 وکٹیں حاصل کرکے یہ ریکارڈ توڑا۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج