’آپ ہم سے بدتمیزی نہیں کرسکتیں‘علیمہ خان اور پی ٹی آئی رہنما نعیم پنجوتھا کے درمیان شدید تلخی کلامی
اشاعت کی تاریخ: 11th, March 2025 GMT
سابق وزیراعظم اور بانی چیئرمین پاکستان تحریک انصاف عمران خان کی ہمشیرہ علیمہ خان اور پی ٹی آئی رہنما نعیم پنجوتھا اور دیگر کے درمیان شدید تلخی کا واقعہ رونما ہوا ہے۔
راولپنڈی کی اڈیالہ جیل میں علیمہ خان کی 2 بہنوں کے ہمراہ اپنے بھائی اور سابق وزیراعظم عمران خان کے ساتھ ملاقات ہوئی۔ جیسے ہی ملاقات ختم ہوئی، علیمہ خان جیل کے داخلی دروازے پر پہنچیں تو ان کی پی ٹی آئی وکلا سے تلخ کلامی ہوئی۔
علیمہ خان نے پی ٹی آئی وکلا کو چارج شیٹ کرتے ہوئے کہا کہ بانی پی ٹی آئی سے وہی ملے گا جس کو کوئی ذمہ داری سونپی گئی ہو۔ بغیر ذمہ داری کے کوئی وکیل جیل کے اندر نہیں جائے گا۔
انہوں نے پی ٹی آئی وکلا سے کہا کہ آپ لوگوں نے کیا ڈراما لگا ہوا ہے۔ ہر بندہ یہاں صرف ملاقات کے لیے آتا ہے اور دوسرے بندے کی شکایت لگاتا ہے۔ ہمارا بھائی اندر ہے۔ وہ ہماری محبت ہے۔ ہم اس کے لیے جان بھی دے سکتے ہیں۔
علیمہ خان نے شدید غصہ کے حالت میں وکلا سے کہا کہ آج کے بعد کوئی وکیل اپنی طرف سے عدالت میں اضافی پٹیشن دائر نہیں کرے گا۔ پٹیشن دائر کرنے کا اختیار صرف سلمان اکرم راجا اور بیرسٹر سلمان صفدر کو ہے۔
وہ وکلا سے ایک ہی بات بار پوچھتی رہیں کہ علیمہ خان نے کہا کہ میرے بھائی کی اپنے بچوں سے بات نہیں کروائی جارہی ہے۔ نہ اسے کتابیں مل رہی ہیں۔ آپ نے اب تک عمران خان کے لیے عدالت سے کیا ریلیف لیا ہے؟
علیمہ خان نے نعیم پنجوتھا سے پوچھا’ آپ بشریٰ بی بی کے فوکل پرسن ہیں، آپ کس کس سے ملتے ہیں؟
نعیم پنجوتھا نے جواب دیا کہ میں کسی سے نہیں ملا۔ پھر انہوں نے علیمہ خان سے پوچھا کہ میں جس سے ملا ہوں، آپ بتائیں؟
اس پر علیمہ خان نے انہیں کہا کہ میرے ساتھ بدتمیزی نہ کریں۔
نعیم پنجوتھا نے کہا کہ میں بدتمیزی نہیں کر رہا۔ ہم جیلیں بھگت کرآئے ہیں۔ ہم پر پرچے ہوئے ہیں۔ آپ ہم سے اس طرح بدتمیزی سے بات نہیں کرسکتیں۔
اس پر ایک بار پھر علیمہ خان نے نعیم پنجوتھا کو ڈانٹتے ہوئے پوچھا کہ تم یہ کس طرح مجھ سے بات کر رہے ہو؟ خاموش رہو!
عین اس وقت موقع پر کھڑے شعیب شاہین اور دیگر وکلا نعیم پنجھوتہ کو پکڑ ایک طرف لے گئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
علیمہ خان عمران خان نعیم پنجوتھا.ذریعہ: WE News
کلیدی لفظ: علیمہ خان نعیم پنجوتھا علیمہ خان نے پی ٹی ا ئی وکلا سے کے لیے کہا کہ
پڑھیں:
پانی سمندر میں ضائع نہیں ہو رہا، پانی سمندر کی ضرورت، شہادت اعوان
اسلام آباد:رہنما پیپلز پارٹی شہادت اعوان کا کہنا ہے کہ سب سے پہلی بات تو یہ ہے کہ آپ نے کہا ہے کہ سمندر میں پانی ضائع ہو رہا ہے، سمندر میں پانی ضائع نہیں ہو رہا، پانی سمندر کی ضرورت ہے۔
ایکسپریس نیوز کے پروگرام کل تک میں گفتگو کرتے ہوئے انھوں نے کہا کہ سجاول، ٹھٹھہ، بدین اور عمر کوٹ کو آ کر دیکھیں کہ اس وقت صورت حال یہ ہے کہ ٹھٹھہ میں سے کئی لوگ نقل مکانی کر چکے ہیں، ان کی زمینیں سمندر کھا چکا ہے۔
مسلم لیگ (ن) کے رہنما قیصر احمد شیخ نے کہا کہ مذاکرات ہوں گے تو اس میںمسئلے کا حل نکلے گا، بار بار کہا جا رہا ہے آصف زرداری نے پہلے اس کو اپروو کیا، ان کا کہناتھا کہ میں نہیں سمجھتا کہ کوئی بہت بڑا مسئلہ ہے اور نہ اس پر حکومت جانے کا ہمیں کوئی خطرہ ہے۔
رہنما تحریک انصاف ملک احمد بچھر نے کہا پانی کا مسئلہ جو ہے پہلی بار نہیں ہے یہ کافی عرصے سے پانی کے معاملے پہ سندھ ، پنجاب اور خیبر پختونخوا کے ایشوز چل رہے ہیں، اب اصل بات کیا ہے، ایک تو ان کی اتحادی حکومت ہے، اس بات کو باہر آنے سے پہلے ہی ان کو حل کر لینا چاہیے تھا۔
انہوں نے مزید کہا کہ اصل بات یہ ہے کہ پیپلزپارٹی نے پہلے اس معاملے کو سنجیدہ ہی نہیں لیا۔ ان کو جب پتہ چلا کہ صوبے میں اس معاملے پر ان کی چھٹی ہو جائے گی تو اب یہ اسٹینڈ کر رہے ہیں۔ تو میٹھا ہپ ہپ اور کڑوا تھو تھو نہ کریں، باہر آئیں۔
سنگاپور میں پارلیمنٹ تحلیل، عام انتخابات 3 مئی کو ہوں گے