انگلش کرکٹر ہیری بروک آئی پی ایل سے دستبردار ہوگئے، وجہ بھی بتا دی
اشاعت کی تاریخ: 11th, March 2025 GMT
انگلش کرکٹ ٹیم کے نوجوان بیٹر ہیری بروک انڈین پریمیئر لیگ( آئی پی ایل) 2025 سے دستبردار ہوگئے۔
انگلینڈ کے اسٹار بیٹر ہیری بروک نے پیر کو انڈین پریمیئر لیگ (آئی پی ایل) کے آئندہ سیزن سے دستبردار ہونے کا اعلان کرتے ہوئے کہا کہ وہ اپنی تمام تر توجہ انٹرنیشنل کرکٹ پر مرکوز رکھنا چاہتے ہیں۔
26 سالہ بروک، جو جوس بٹلر کی جگہ انگلینڈ کے وائٹ بال کپتان بننے کے اہم امیدوار سمجھے جا رہے ہیں، کو آئی پی ایل کے رواں سیزن کیلئے دہلی کیپیٹلز نے خریدا تھا۔
بروک نے سوشل میڈیا پر بیان جاری کرتے ہوئے لکھا کہ میں نے ایک بہت مشکل فیصلہ کیا ہے کہ میں آئی پی ایل کے اس سال کے سیزن میں حصہ نہیں لوں گا، میں دہلی کیپیٹلز سے معذرت خواہ ہوں۔
ہیری بروک نے لکھا کہ میں کرکٹ سے محبت کرتا ہوں، بچپن سے ہی میرے لیے اپنے ملک کی نمائندگی کرنا ایک خواب رہا ہے ، یہ انگلینڈ کرکٹ کے لیے ایک بہت اہم وقت ہے اور میں آنے والی سیریز کے لیے مکمل تیاری کرنا چاہتا ہوں۔
بروک نے مزید کہا کہ مجھے معلوم ہے کہ سب لوگ میرے فیصلے کو نہیں سمجھیں گےاور میں ان سے یہ توقع بھی نہیں رکھتا لیکن مجھے وہی کرنا ہے جو میرے لیے درست ہے اور اپنے ملک کے لیے کھیلنا میری پہلی ترجیح رہے گی۔
یاد رہے کہ بروک نے گزشتہ سیزن میں بھی دہلی کی ٹیم سے اپنا معاہدہ منسوخ کر دیا تھا۔
رپورٹ کے مطابق بروک کو آئی پی ایل میں دو سال کی ممکنہ پابندی کا سامنا کرنا پڑ سکتا ہے۔
آئی پی ایل کے قوانین کے مطابق غیر ملکی کھلاڑیوں کی جانب سے تاخیر سے دستبرداری پر پابندیاں عائد کی جا سکتی ہیں۔ تاہم، چوٹ یا کسی خاص حالات میں استثنیٰ دیا جا سکتا ہے۔
انڈین پریمیئر لیگ کا 18 واں سیزن 22 مارچ سے شروع ہوگا۔
Post Views: 1.ذریعہ: Daily Mumtaz
کلیدی لفظ: ا ئی پی ایل ہیری بروک بروک نے
پڑھیں:
14 سالہ کرکٹر کا آئی پی ایل ڈیبیو؛ کتنے کروڑ کمارہا ہے؟
انڈین پریمئیر لیگ (آئی پی ایل) میں راجستھان رائلز کے 14 سالہ ویبھاو سوریاونشی نے ڈیبیو پر ہی 3 ریکارڈز بناڈالے۔
گزشتہ روز جےپور میں کھیلے گئے میچ میں لکھنؤ سپر جائنٹس اور راجستھان رائلز کی ٹیمیں مدمقابل تھیں، رشبھ پنت کی ٹیم نے پہلے بیٹنگ کرتے ہوئے مقرہ 20 اوورز میں 5 وکٹوں کے نقصان پر 180 رنز بنائے۔
ہدف کے تعاقب میں راجستھان رائلز کی ٹیم محض 178 رنز بناسکی اور محض 2 رنز سے شکست کا منہ دیکھنا پڑا، تاہم اس میچ میں رائلز کے 14 سالہ ویبھاو سوریاونشی اپنی جارحانہ کرکٹ کے باعث شہرت کی بلندیوں پر پہنچ گئے۔
مزید پڑھیں: بابراعظم کی "معروف ماڈل" کو گھورنے کی ویڈیو وائرل
انہوں نے آئی پی ایل 2025 میں شاندار ڈیبیو کرتے ہوئے تین اہم ریکارڈز اپنے نام کیے، ویبھاو کم عمر ترین ڈیبیو کرنے والے کرکٹر بنے، اس سے قبل یہ ریکارڈ پریاس رے برمن کے پاس تھا جنہوں نے (16 سال 157 دن) کی عمر میں 2019 اپنا پہلا میچ کھیلا تھا۔
مزید پڑھیں: "جنس تبدیلی؛ اب کرکٹ میں تمہارے لیے کوئی جگہ نہیں، والد کے الفاظ تھے"
آئی پی ایل میں چھکا مارنے والے سب سے کم عمر بلے باز بنے کا اعزاز بھی حاصل کیا، اس سے قبل یہ ریکارڈ ریان پراگ کے پاس تھا جنہوں نے (17 سال 161 دن) کی عمر یہ کارنامہ سرانجام دیا تھا۔
مزید پڑھیں: "کرکٹرز نے مجھے اپنی نامناسب تصاویر بھیجیں" بھارتی کوچ کی بیٹی کے انکشافات
آئی پی ایل میں چوکا لگانے والے سب سے کم عمر کھلاڑی کا اعزاز بھی ویبھاو سوریاونشی کے پاس ہی رہا۔
میچ کے بعد سوریاونشی ان 10 کھلاڑیوں میں شامل ہو گئے جنہوں نے اپنے آئی پی ایل کریئر کا آغاز پہلی ہی گیند پر چھکے سے کیا، ان میں آندرے رسل، کارلوس بریتھویٹ اور مہیش تھیکشانا شامل ہیں۔
مزید پڑھیں: آئی پی ایل کے دوران چہل، مہوش میں قربتیں بڑھنے لگیں، ویڈیو وائرل
واضح رہے کہ ویبھاو سوریاونشی 20 گیندوں پر 2 چوکے، 3 چھکوں کی مدد سے 34 رنز بنائے تھے تاہم وہ ٹیم کو جیت نہیں دلواسکے۔
راجستھان رائلز نے 14 سالہ ویبھاو سوریاونشی کو محض 1.1 بھارتی کروڑ میں اپنے اسکواڈ کا حصہ بنایا تھا۔
سلمان خان کو قتل کی دھمکی دینے والے شخص کو گرفتاری کے بعد رہا کیوں کردیا گیا؟