ایکس کی بندش: 'بڑے پیمانے پر سائبر حملہ' ہوا، ایلون مسک
اشاعت کی تاریخ: 11th, March 2025 GMT
اسلام آباد (اُردو پوائنٹ ۔ DW اردو۔ 11 مارچ 2025ء) پیر کے روز بندش کے سبب سوشل میڈیا پلیٹ فارم ایکس ہزاروں صارفین کے لیے دستیاب نہیں تھا، جس کے ارب پتی مالک ایلون مسک نے دعویٰ کیا ہے کہ ان کے پلیٹ فارم کو "بڑے پیمانے پر سائبر حملے" کا نشانہ بن گیا۔
مسک نے اپنی ایک پوسٹ میں کہا، "ایکس کے خلاف ایک بڑا سائبر حملہ ہوا، جو (ابھی بھی جاری) ہے۔
"ٹرمپ سے انٹرویو میں مسک نے کیا سوالات پوچھے؟
انہوں نے دعوی کیا، "ہم پر ہر روز ہی حملہ ہوتا ہے، لیکن یہ بہت سارے وسائل کے ساتھ کیا گیا تھا۔" انہوں نے مزید کہا کہ اس میں "یا تو ایک بڑا، مربوط گروپ اور یا پھر کوئی ملک ملوث ہے۔"
پاکستان: ایکس سے 'قومی سلامتی کو خطرہ ہے'، وزارت داخلہ
'آئی پی ایڈریسز یوکرین میں'، مسک کا الزاماس الزام کے بعد فوکس بزنس کے ساتھ ایک انٹرویو کے دوران مسک نے کہا کہ مبینہ حملے میں استعمال ہونے والے کمپیوٹر سسٹمز میں یوکرین کے آئی پی ایڈریسز تھے، تاہم انہوں نے فوری طور پر اپنے دعوے کے لیے کوئی ثبوت فراہم نہیں کیا۔
(جاری ہے)
جرمن فوج کی خفیہ میٹنگز آن لائن افشاء
البتہ سائبر سکیورٹی کے بعض ماہرین نے زور دیا ہے کہ اس کا لازمی مطلب یہ نہیں ہے کہ حملے کی ابتدا یوکرین سے ہوئی تھی۔
ایسی حملوں کو ٹریک کرنے والی ایک ویب سائٹ کے مطابق تقریباً 40,000 صارفین نے امریکی وقت کے مطابق پیر کی صبح طور دس بجے کے آس پاس ایکس کی بندش کے بیشتر واقعات ہوئے، جس کی بہت سے صارفین نے شکایت بھی کی۔
ایلون مسک بھارت کے بجائے چین کیوں گئے؟ بھارتی شہری ناراض
اس کے بعد بندش کی تعداد میں اتار چڑھاؤ دیکھا گیا اور دوپہر کے قریب بڑھنے سے پہلے نمایاں طور پر اس میں کمی آئی، تاہم بعد میں اس میں پھر اضافہ ہونے لگا۔
ٹوئٹر کا نیلا پرندہ گیا، ایکس نے نئے لوگو کی جگہ لے لی
ایکس پہلے ٹویٹر کے نام سے جانا جاتا تھا، جسے سن 2022 میں دنیا کے امیر ترین شخص ایلون مسک نے خرید لیا تھا اور اس کے بعد سے اس میں متعدد کئی خرابیوں کی شکایت ملتی رہی ہے۔
ص ز/ ج ا (اے پی، اے ایف پی)
.ذریعہ: UrduPoint
کلیدی لفظ: تلاش کیجئے ایلون مسک
پڑھیں:
فوڈ چین پر حملہ اچھی بات نہیں، عظمیٰ بخاری
نجی ٹی وی کے مطابق عظمیٰ بخاری نے انکشاف کیا کہ بہاولپور سے 7 اور رحیم یار خان سے 2 ملزمان گرفتار کیے جا چکے ہیں، جب کہ ملتان میں ایک مقدمے میں 11 افراد کو حراست میں لیا گیا ہے۔ اسلام ٹائمز۔ پاکستان مسلم لیگ (ن) کی رہنما عظمیٰ بخاری نے حالیہ پرتشدد واقعات اور فوڈ چینز پر حملوں پر سخت ردِ عمل دیتے ہوئے کہا ہے کہ فوڈ چین پر حملہ کرنا اچھی بات نہیں، کیونکہ اس سے ہزاروں پاکستانیوں کا روزگار متاثر ہو رہا ہے۔ عظمیٰ بخاری نے کہا کہ 2500 پاکستانی مختلف فوڈ چینز میں کام کرتے ہیں، اور ان اداروں سے کئی خاندانوں کا چولہا جلتا ہے۔ ان کا کہنا تھا کہ کھیل داس پر حملہ افسوس ناک ہے اور ایسے اقدامات ملک کے امن و امان اور بین الاقوامی ساکھ کو نقصان پہنچاتے ہیں۔
انہوں نے خبردار کیا کہ یہ حملے پوری پلاننگ کے ساتھ ہو رہے ہیں اور زیادہ تر ایسے واقعات پنجاب میں پیش آ رہے ہیں۔ نجی ٹی وی کے مطابق عظمیٰ بخاری نے انکشاف کیا کہ بہاولپور سے 7 اور رحیم یار خان سے 2 ملزمان گرفتار کیے جا چکے ہیں، جب کہ ملتان میں ایک مقدمے میں 11 افراد کو حراست میں لیا گیا ہے۔ ان کا مزید کہنا تھا کہ پرتشدد واقعات میں شیخوپورہ سے تعلق رکھنے والا ایک شخص جان کی بازی ہار چکا ہے، اور اس طرح کے واقعات میں شرپسند گروہ ملوث ہیں جو مختلف شکلوں میں کارروائیاں کر رہے ہیں۔
عظمیٰ بخاری نے زور دیا کہ ہمارا مذہب تمام انسانوں کو یکساں حقوق دیتا ہے اور کسی کو بھی قانون ہاتھ میں لینے یا امن خراب کرنے کی اجازت نہیں دی جا سکتی۔ انہوں نے کہا کہ ہم سب کو مل کر ایسے واقعات کی حوصلہ شکنی کرنی چاہیے۔ انہوں نے واضح کیا کہ سیاست اپنی جگہ لیکن کسی کی زندگی سے کھیلنے کی قانون اجازت نہیں دیتا۔ عظمیٰ بخاری نے اس موقع پر وزیراعظم شہباز شریف کی فلسطین کے حق میں عالمی سطح پر مؤثر آواز بلند کرنے پر بھی انہیں خراجِ تحسین پیش کیا۔
امریکی شہریت رکھنے والے یرغمالی سے متعلق حماس کا اہم بیان سامنے آگیا