اسٹیبلشمنٹ ڈویژن میں بیوروکریٹس کی ترقیوں کا سب سے بڑا میلہ سج گیا
اشاعت کی تاریخ: 10th, March 2025 GMT
سٹی42: اسلام آباد میں اسٹیبلشمنٹ ڈویژن میں بیوروکریٹس کی ترقیوں کا سب سے بڑا میلہ آج شروع ہو رہا ہے۔ سنٹرل سلیکشن بورڈ گریڈ 19 اور 20 کے ایک ہزار سے زیادہ افسروں کی نیکسٹ گریڈ میں ترقی کے کیس دیکھے گا۔
وفاقی افسران کی گریڈ 20 اور 21 میں ترقی کیلئے شیڈول سنٹرل سلیکشن بورڈ کا 4 روزہ اجلاس آج سےشروع ہو گا اور 12، 13اور 14مارچ کو جاری رہے گا۔آج پہلے دن وزارتِ خارجہ امور کے گریڈ 20 سے 21 میں ترقی کیلئے پینل پر موجود 30 افسران جبکہ گریڈ 19 سے 20 میں ترقی کیلئے پینل پر موجود 42 افسران کے کیسز پر غور کیا جائے گا.
رمضان المبارک : پھلوں اور سبزیوں کی قیمتیں کنٹرول سے باہر
مجموعی طور پر چار روز کے دوران ایک ہزار افسروں کو گریڈ 20 اور 21 میں ترقی دینے یا نہ دینے کے لئے ہر کیس پر انفرادی غور کیا جائے گا۔
سنٹرل سلیکشن بورڈ ہر سال بیٹھتا ہے لیکن گزشتہ 2 سال کے غیر معمولی تعطل کے بعد آج شروع ہونے والا بورڈ کا اجلاس کچھ خاص ہے جس کا سرکاری ملازموں کو بے چینی سے انتظار ہے۔ جن افسروں کی گریڈ 19 سے 20 اور 20 سے 21 میں ترقی کہو جائے گی، ان کی خالی کی ہوئی پوسٹوں پر اس کے بعد نچلے گریڈ سے پروموشنز ہوں گی۔ نئے سکیلز میں ترقی کے بعد ان افسروں کو نئے سکیلز کی پوسٹیں دینے کا عمل آغاز ہو گا۔
نئی مانیٹری پالیسی میں بھی شرح سود 12 فیصد پر برقرار رکھنے کا فیصلہ
فیڈرل پبلک سروس کمیشن لیفٹیننٹ جنرل(ر) اختر نواز ستی سنٹرل سیلیکشن بورڈ کے اجلاس کی سربراہی کریں گے۔
بورڈ کی سفارشات کی حتمی منظوری وزیراعظم دیں گے، جس کے بعد اسٹیبلشمنٹ ڈویژن ہر افسر کی ترقی اور تقرر و تبادلے کے نوٹیفکیشن جاری کرے گا۔
اسٹیبلشمنٹ ڈویژن نے تمام سروسز، گروپوں کے ایڈمنسٹریٹر سیکرٹریز کو مراسلہ بھجوا کر اسامیوں کی تعداد بمعہ مکمل پروپوزل 26 فروری تک اسٹیبلشمنٹ ڈویژن کو بھجوانے کی ہدایت کی تھی۔
میو ہسپتال میں انجیکشن کا ری ایکشن، باقی مریض خطرے سے باہر، حادثہ تیسری ڈوز سے ہوا
افسروں کی سروس کی مدت کو کو شمار کرنے کیلئے کٹ آف ڈیٹ 28 فروری مقرر کی گئی تھی، ذرائع کے مطابق پولیس سروس آف پاکستان، پاکستان ایڈمنسٹریٹو سروس اور سیکریٹیریٹ گروپ سے تعلق رکھنے والے افسروں کے پینل اسٹیبلشمنٹ ڈویژن نے تیار کئے ہیں.
سنٹرل سلیکشن بورڈ میں ایک ہزار کے قریب افسروں کو گریڈ 20 اور 21 میں ترقی دی جائے گی۔
بورڈ کے ارکان
حکومت کا چینی کی قیمتیں مستحکم رکھنے کیلئے شکر درآمد کرنے کا فیصلہ
سنٹرل سلیکشن بورڈ اجلاس کی صدارت چیئرمین فیڈرل پبلک سروس کمیشن لیفٹیننٹ جنرل(ر) اختر نواز ستی کریں گے جبکہ سینیٹر سعدیہ عباسی، سنیٹر سلیم مانڈوی والا، ایم این اے جاوید حنیف خان، پنجاب سے سیکرٹری خزانہ امداد اللہ بوسال، سندھ سے گریڈ 22 کی ریٹائرڈ بیوروکریٹ رابعہ جویریہ آغا، خیبر پختونخوا سے سیکرٹری بحری امور ڈویژن ظفر علی شاہ، بلوچستان سے گریڈ 22 کے ریٹائرڈ افسر غیاث الدین اور سیکرٹریٹ گروپ گریڈ 22 کے ریٹائرڈ افسر پرویز جونیجو، سیکریٹری اسٹیبلشمنٹ ڈویژن انعام اللہ خان دھاریجو، سیکرٹری کابینہ ڈویژن اور چاروں صوبائی چیف سیکرٹریز بورڈ ممبر کی حیثیت سے اجلاس میں بیٹھیں گے۔
پنجاب آرٹس کونسل میں جعلسازی اورخلاف قواعدوضوابط ترقیاں ؛ڈی جی پلاک انکوائر ی افسر مقرر
پولیس گروپ کے کیس
پولیس گروپ کے افسران کی ترقی کے کیسز کیلئے صوبوں کے آئی جی پولیس، وفاقی سیکرٹری داخلہ بورڈ ممبر نامزد کئے گئے ہیں جبکہ جس وزارت کا پروموشن کیس ہو گا اُس کے سیکرٹری بھی اجلاس میں شریک ہوں گے، مزید برآں ڈی جی انٹیلی جینس بیورو اور ڈی جی آئی ایس آئی اپنے اپنے اداروں کے افسروں کے پروموشن کیسز کے موقع پر شریک ہوں گے۔
کچھ خاص کیسز
لیگل ایڈوائزر مسٹر سلیم کی پرفارمہ پروموشن کیس، برہان الاسلام اور حامد اظہر خان (گریڈ 20) کے کورٹ کیسز پر غور ہو گا، علاوہ ازیں وزارتِ اطلاعات کے تحت انفارمیشن گروپ کے گریڈ 20 سے 21 میں ترقی کیلئے پینل پر موجود 12 افسران اور گریڈ 19 سے 20 میں ترقی کیلئے پینل پر موجود 12 افسران پر غور ہو گا جبکہ افضل صفاوی اور ڈاکٹر عطاء محمد انوار کے گریڈ 20 میں پرفارمہ پروموشن کیس پر بھی غور کیا جائے گا، مزید برآں وزارتِ مواصلات کے تحت پوسٹل گروپ کے گریڈ 20 سے 21 میں ترقی کیلئے 11 اور 19 سے 20 میں ترقی کیلئے 16 افسران، اسٹیبلشمنٹ ڈویژن کے تحت سیکرٹیریٹ گروپ کے 56 افسران کے پینل پر گریڈ 20 سے 21 میں ترقی کے لئے اور 84 افسران کے پینل پر گریڈ 19 سے 20 میں ترقی کیلئے غور ہو گا، علاوہ ازیں محمد رمضان کے پرفارمہ پرموشن کیس پر غور ہو گا، یاد رہے کہ سنٹرل سلیکشن بورڈ کا اجلاس آخری اجلاس اگست 2023 میں منعقد ہوا تھا
Waseem Azmetذریعہ: City 42
کلیدی لفظ: میں ترقی کیلئے پینل پر موجود سے 20 میں ترقی کیلئے سنٹرل سلیکشن بورڈ اسٹیبلشمنٹ ڈویژن پروموشن کیس گریڈ 19 سے 20 غور ہو گا کے گریڈ 20 ترقی کے کی ترقی گروپ کے کے بعد کے کیس
پڑھیں:
پاکستان ہمیشہ امن مشنز کا حامی رہا،عالمی امن کیلئے اپنا بھر پور کردار جاری رکھیں گے، محسن نقوی
اسلام آباد (اُردو پوائنٹ اخبارتازہ ترین - این این آئی۔ 19 اپریل2025ء) وفاقی وزیر داخلہ محسن نقوی نے کہا ہے کہ پاکستان ہمیشہ اقوام متحدہ کے امن مشنز کا بھرپور حامی رہا ہے، عالمی امن کیلئے اپنا بھر پور کردار جاری رکھیں گے۔وفاقی وزیر سے اقوامِ متحدہ کے انڈر سیکرٹری جنرل برائے امن مشنز جنرل جین پیر لاکروا کی ملاقات ہوئی، انہوں نے وزارت داخلہ آمد پر جنرل جین پیر لاکروا کا خیر مقدم کیا، وزیر مملکت داخلہ طلال چوہدری، سیکرٹری داخلہ محمد خرم آغا اور اقوام متحدہ کے سیکرٹری جنرل کے ایڈوائزر فیصل شاہکار بھی اس موقع پر موجود تھے۔ملاقات میں پاکستان اور اقوام متحدہ کے امن مشنز کے مابین تعاون بڑھانے پر تبادلہ خیال کیا گیا، اس موقع پر محسن نقوی نے کہا کہ پاکستان ہمیشہ اقوام متحدہ کے امن مشنز کا بھرپور حامی رہا ہے، عالمی امن کیلئے اپنا بھر پور کردار جاری رکھیں گے۔(جاری ہے)
محسن نقوی کا کہنا تھا کہ پاکستانی فوج اور پولیس کے افسران نے کئی امن مشنز میں بھر پور مہارت سے کامیاب کردار ادا کیا ہے، کئی برس بعد پاکستانی پولیس افسران یواین میں دوبارہ فرائض سرانجام دینا شروع کر رہے ہیں، اس وقت پاکستانی افسران مختلف امن مشنز میں خدمات سرانجام دے رہے ہیں۔
وزیر داخلہ کا کہنا تھا کہ آئندہ بھی اقوام متحدہ کے امن مشنز کے لئے ہر ممکن معاونت فراہم کریں گے، فخر ہے کہ اقوام متحدہ کی پولیس کی سربراہی اس وقت پاکستان پولیس سروس کے ایک افسر کر رہے ہیں، اقوام متحدہ کے امن مشنز کو موثر بنانے کیلئے جدید ٹیکنالوجی کا استعمال انتہائی ضروری ہے۔ یو این کو نیشنل پولیس اکیڈمی میں امن مشنز کے لئے ریجنل کورسز کرانے کی پیشکش کرتے ہوئے محسن نقوی نے کہا کہ نیشنل پولیس اکیڈمی کی بین الاقوامی معیار کے مطابق مکمل تنظیم نو کی جا رہی ہے، ادارہ میں پولیس افسران کی تربیت و استعداد کار بڑھانے کے لئے تمام جدید و معیاری سہولتوں کی فراہمی یقینی کو یقینی بنایا جا رہا ہے، جبکہ اقوام متحدہ کی جینڈر پالیسی کے تحت خواتین کو پاکستان کی پولیس سروس میں یکساں مواقع فراہم کئے جا رہے ہیں۔اس موقع پر انڈر سیکرٹری جنرل برائے امن مشنز جنرل جین پیر لاکروا نے پاکستانی پولیس افسران کی یو این میں دوبارہ بحالی پر وفاقی وزیرداخلہ محسن نقوی کی ذاتی کاوشوں کو سراہا، انہوں نے کہا کہ اقوام متحدہ امن مشنز مشکل حالات میں بھی امن کیلئے برسر پیکار ہیں۔وزیر داخلہ نے کہا کہ فخر ہے کہ اقوام متحدہ کی پولیس کی سربراہی اس وقت پاکستان پولیس سروس کے ایک افسر کر رہے ہیں، اقوام متحدہ کے امن مشنز کو موثر بنانے کیلئے جدید ٹیکنالوجی کا استعمال انتہائی ضروری ہے۔وزیر داخلہ محسن نقوی نے یو این کو نیشنل پولیس اکیڈمی میں امن مشنز کے لئے ریجنل کورسز کرانے کی پیشکش کی اور کہا کہ نیشنل پولیس اکیڈمی کی بین الاقوامی معیار کے مطابق مکمل تنظیم نو کی جا رہی ہے۔ان کا کہنا تھا کہ اس ادارہ میں پولیس افسران کی تربیت و استعدادکار بڑھانے کے لئے تمام جدید و معیاری سہولتوں کی فراہمی یقینی کو یقینی بنایا جا رہا ہے، اقوام متحدہ کی جینڈر پالیسی کے تحت خواتین کو پاکستان کی پولیس سروس میں یکساں مواقع فراہم کئے جا رہے ہیں۔انڈر سیکرٹری جنرل برائے امن مشنز جنرل جین پیر لاکروا نے پاکستانی پولیس افسران کی یو این میں دوبارہ بحالی پر وفاقی وزیرداخلہ محسن نقوی کی ذاتی کاوشوں کو سراہا اور کہا کہ اقوام متحدہ امن مشنز مشکل حالات میں بھی امن کیلئے برسر پیکار ہیں۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج