دریائے سندھ پر نہریں نکالنے کا مسئلہ سندھ کے لوگوں کے لئے زندگی اور موت کامسئلہ ہے، شہلا رضا
اشاعت کی تاریخ: 10th, March 2025 GMT
پیپلز پارٹی کی رکن قومی اسمبلی سیدہ شہلا رضا نے کہا ہے کہ پی ٹی آئی سیاست میں سنجیدہ نہیں ہے، ہمیں فخر ہے کہ صدر مملکت آصف علی زرداری نے پارلیمنٹ کے مشترکا اجلاس سے آٹھویں مرتبہ خطاب کیا، صدر کا خطاب جامع تھا جس میں تمام پہلوئوں کو خطاب میں شامل رکھا گیا، دریائے سندھ پر نہریں نکالنے کا مسئلہ سندھ کے لوگوں کے لئے زندگی اور موت کامسئلہ ہے۔
نجی ٹی وی سے گفتگو کرتے ہوئے سیدہ شہلا رضا نے کہا ہے کہ پی ٹی آئی اگر اس پارلیمنٹ کو نہیں مانتی تو انہوں نے صدر اور وزیر اعظم کے انتخاب میں حصہ کیوں لیا، پی ٹی آئی نے اپنے امیداور کیوں کھڑے کئے؟ وزیر اعظم، اسپیکر اور ڈپٹی اسپیکر کے لئے بھی امیدوار کھڑے کئے، پی اے سی بھی لی، اسٹینڈنگ کمیٹی میں بھی ہیں، لیکن مانتے پھر بھی نہیں ہیں۔
انہوں نے کہا کہ پی ٹی آئی والے اسمبلیوں میں بھی آتے ہیں، تنخواہیں بھی لے رہے ہیں، 26 آئینی ترمیم پر عامر ڈوگر نے اسمبلی میں کہا کہ اگر یہ ترمیم ہے تو ہمیں اس پر کوئی اعتراض نہیں ہے۔
شہلا رضا نے کہا ہے کہ صدر مملکت نے اپنے خطاب میں ملک میں جاری دہشت گردی پربات کی، زراعت کی طرف دیکھنا ہے، دریائے سندھ پر اس وقت نہریں نکالنے کا مسئلہ اس وقت سندھ کے لوگوں کے لئے زندگی اور موت کامسئلہ ہے، جو حکومت کی خامیاں ہیں اس پر بھی بات کی گئی۔
رکن قومی اسمبلی کا کہنا تھا کہ وفاق کو تمام صوبوں کو ساتھ لے کر چلنا ہے، سندھ کا مسئلہ پاکستان بننے سے پہلے کا ہے، ارسا کو بہت طاقتور بنا دیا گیا، صدر نے اپنے خطاب میں دوبار کہا ہے کہ تمام صوبوں کو موقف سنا جائے، صوبوں کو ساتھ لے کر چلیں گے تو ملک ترقی کرے گا۔
ذریعہ: Daily Mumtaz
کلیدی لفظ: پی ٹی ا ئی کہا ہے کہ شہلا رضا کا مسئلہ کے لئے نے کہا
پڑھیں:
ران ثناء کا شرجیل میمن سے ٹیلی فونک رابط : وفاق ‘ سندھ حکومت کا نہروں کا مسئلہ مذکرات سے حل کرنے پرا تفاق
کراچی‘ اسلام آباد (نوائے وقت رپورٹ+ این این آئی) وفاق اور سندھ حکومت نے نہروں کا مسئلہ مذاکرات سے حل کرنے پر اتفاق کرلیا۔ رانا ثناء اللہ نے وزیرِ اطلاعات سندھ شرجیل میمن سے فون پر رابطہ کیا جس میں رانا ثنا نے کہا کہ نہروں کے معاملے پر سندھ سے مذاکرات کے لیے تیار ہیں۔ رانا ثناء اللہ نے کہا کہ میاں نواز شریف اور شہباز شریف نے نہروں کے معاملے پر سندھ کے تحفظات دور کرنے کا کہا ہے۔ شرجیل میمن نے کہا کہ پیپلز پارٹی اور سندھ حکومت کو دریائے سندھ سے نہریں نکالنے پر شدید تحفظات ہیں، پیپلز پارٹی بھی نہروں کے معاملے پر وفاقی حکومت سے مذاکرات کے لیے تیار ہے۔ انہوں نے کہا کہ پیپلز پارٹی سندھ کے عوام کے لیے 1991 کے معاہدے کے تحت پانی کی منصفانہ تقسیم چاہتی ہے۔ دوسری جانب وفاقی وزیر برائے منصوبہ بندی احسن اقبال نے کینالز کے معاملے پر ہونے والے احتجاج کے حوالے سے کہا کہ سوال ہی پیدا نہیں ہوتا کوئی صوبہ دوسرے صوبے کے پانی پر ڈاکہ ڈالے۔ احسن اقبال نے دریائے سندھ سے کینال نکالنے کے تنازع پر بات کرتے ہوئے کہا کہ بدگمانیاں پیدا کریں گے تو تکنیکی معاملات پر تنازعات پیدا ہو جائیں گے، انجنیئرزکا فرض ہے کہ واٹر سکیورٹی پر پلان تیارکریں۔ ہمیں 2047 تک بھارت کو معاشی میدان میں پیچھے چھوڑنا ہے۔ علاوہ ازیں میئر کراچی اور سندھ حکومت کے ترجمان مرتضیٰ وہاب نے وزیراعظم سے کینالز منصوبے کو ختم کرنے کا مطالبہ کرتے ہوئے الزام عائد کیا ہے کہ نہروں کا معاملہ پنجاب کے وزراء نے خراب کیا۔ صدر ایمپریس مارکیٹ میں پارکنگ ایریا کے افتتاح کے موقع پر گفتگو کرتے ہوئے مرتضی وہاب نے کہا کہ سندھ نے اپنے مقدمہ کو مضبوطی سے لڑا، وزیراعظم کو بلاول بھٹو کے مطالبے پر کینالز منصوبے کو ختم کردینا چاہیے۔ ہم نے غیر مشروط طور پر حکومت کا ساتھ اس لیے دیا تھا کیونکہ ہمیں ملک میں امن اور خوشحالی پیاری ہے۔ پنجاب کے وزراء کے بیانات پر یہ معاملات خراب ہوئے۔ لاہور ہائیکورٹ خود فرما رہی ہے کہ پانی کے لئے کام کیا جائے۔ وزیراعظم شہباز شریف کو فوری طور پر کینالز کے منصوبے کو روکنا چاہئے۔ دریں اثناء وفاقی وزیر مملکت برائے مذہبی امور اور بین المذاہت ہم آہنگی کھیئل داس کوہستانی نے واضح کیا ہے کہ سندھ کے تحفظات دور ہونے تک نہروں پر ایک انچ کام نہیں ہوگا۔ کھیئل داس کوہستانی کا کہنا تھا کہ اشتعال انگیزی نہیں ہونی چاہیے، صوبوں کو لڑانا اچھی بات نہیں، کوئی ایسا یکطرفہ فیصلہ نہیں ہوگا جس سے ایک صوبہ ناراض ہو۔ بلاول بھٹو زرداری صرف ایک صوبے کے نہیں بلکہ پاکستان کے رہنما ہیں۔ سوچی سمجھی سازش کے تحت مجھ پر حملہ کیا گیا جس کا مقصد مجھے نقصان پہنچانا تھا۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج