چیمپئنز ٹرافی: ورون دھون کے وکٹ لینے کی ویڈیو وائرل، مداح حیران
اشاعت کی تاریخ: 10th, March 2025 GMT
چیمپئنز ٹرافی کے فائنل میں بھارت اور نیوزی لینڈ میچ کے دوران وردن دھون کی ’’وکٹ‘‘ لینے کی ویڈیو نے مداحوں کو حیران کردیا ہے۔
بھارتی اداکار ورون دھون نے اپنے انسٹاگرام اکاؤنٹ پر ایک ویڈیو شیئر کی ہے جس میں وہ بھارت کی مخالف ٹیم نیوزی لینڈ کے ایک کھلاڑی کو آؤٹ کررہے ہیں۔
ویڈیو کے کیپشن میں اداکار نے لکھا ’’چونکہ انٹرنیٹ پر بہت مزا آرہا ہے تو میں نے بھی جوائن کرنے کا فیصلہ کیا ہے۔ نیلی جرسی پہنے لڑکے اور دوسرے ورون کے لیے اتوار کو چمکنے کےلیے آل دی بیسٹ۔ چلو انڈیا‘‘۔
View this post on InstagramA post shared by VarunDhawan (@varundvn)
اداکار ورون دھون کے بھارتی مخالف ٹیم کے کھلاڑی کو آؤٹ کرنے کی حقیقت یہ ہے کہ اداکار نے بھارتی بولر کے چہرے پر اے آئی کے ذریعے اپنا چہرہ لگادیا ہے۔
اداکار کی اس شرارت کے پیچھے گزشتہ دنوں کا وہ واقعہ ہے جب چیمپئنز ٹرافی 2025 کے سیمی فائنل میں بھارتی اسپنر ورون چکرورتی کے آسٹریلوی اوپنر ٹریوس ہیڈ کی وکٹ لینے پر پرجوش مداحوں نے غلطی سے اس کا کریڈٹ ورون دھون کو دے دیا تھا۔
دبئی انٹرنیشنل کرکٹ اسٹیڈیم میں ہونے والے اس میچ میں آسٹریلیا نے پہلے بیٹنگ کرتے ہوئے 264 رنز بنائے۔ بھارتی ٹیم کےلیے سب سے بڑا خطرہ ٹریوس ہیڈ تھے، جنہیں ورون چکرورتی نے اپنی شاندار بولنگ سے آؤٹ کردیا۔ لیکن جیسے ہی ہیڈ کی وکٹ گری، بھارتی مداحوں نے انسٹاگرام پر اداکار ورون دھون کو ٹیگ کرتے ہوئے انہیں مبارکباد دینا شروع کردی۔
ایک مداح نے ورون دھون کو ٹیگ کرتے ہوئے لکھا، ’’ورون بھائی، ٹریوس ہیڈ کی وکٹ لینے پر بہت بہت شکریہ!‘‘ اس پر ورون دھون نے مزاحیہ انداز میں جواب دیا، ’’جادوئی اسپنر ہوں، کیا کریں!‘‘
ورون دھون نے مداحوں کی اس غلطی کو درست کرنے کے بجائے خود بھی مذاق کا حصہ بن کر لطف اٹھایا، جو سوشل میڈیا پر خوب وائرل ہوا۔ انہوں نے اپنے جادوئی اسپن کا دعویٰ کرتے ہوئے مداحوں کو ہنسایا اور ان کی غلطی کو مزید یادگار بنادیا۔
اپنے اسی مذاق کو جاری رکھتے ہوئے اداکار ورون دھون نے فائنل سے پہلے اے آئی ٹیکنالوجی سے بنی ہوئی اپنی یہ ویڈیو انسٹاگرام اکاؤنٹ پر شیئر کرتے ہوئے بھارتی ٹیم کے نیک تمناؤں کا اظہار کیا ہے۔
اداکار کی شیئر کی گئی ویڈیو پر صارفین کی جانب سے کئی دلچسپ تبصرے کیے گئے اور انھیں ’’جادوئی اسپنر‘‘ اور ’’گیم چینجر‘‘ قرار دیا گیا۔
ایک صارف نے کمنٹ میں لکھا کہ ’’فائنل میں دھول چٹا دینا‘‘
.ذریعہ: Express News
کلیدی لفظ: اداکار ورون دھون ورون دھون نے کرتے ہوئے
پڑھیں:
کراچی: ٹک ٹاک ویڈیو دیکھ کر ملتان سے فریج لینے کے لئے آنے والے شہری کو سی ویو جانا مہنگا پڑ گیا
ٹک ٹاک کی ویڈیو دیکھ کر ملتان سے کراچی فریج لینے کے لئے آنے والے شہری کو سی ویو جانا مہنگا پڑ گیا
رپورٹ کے مطابق بائیک رائیڈر "پردیسی" کو سمندر کنارے لیجاکر کپڑے، چپل، موبائل فون اور چالیس ہزار روپے لیکر غائب ہوگیا، عمران نامی متاثرہ شخص ملتان سے کراچی پہنچا تھا۔
متاثرہ شخص نے کہا کہ کینٹ اسٹیشن پر شیرشاہ کے لئے آف لائن بائیک بک کرائی، شیر شاہ مارکیٹ پہنچے تو مارکیٹ بند تھی، شیر شاہ سے کورنگی اپنے رشتے دار کے گھر جانے کے لئے اسی بائیک رائیڈر سے کہا۔
متاثرہ شخص نے کہا کہ راستے میں کلفٹن سی ویو آیا تو سمندر دیکھنے کے لئے رک گیا، متاثرہ شخص سی ویو سمندر میں گیا کپڑے گیلے ہونے پر اپنے قمیض ،چپل بائیک رائیڈر کو دیئے۔
اس نے مزید بتایا کہ سمندر میں گیا وہاں سے دیکھا تو بائیک رائیڈر غائب تھا، میرے قمیض کی جیب میں چالیس ہزار نقد ، موبائل فون شناختی کارڈ و دیگر اشیاء موجود تھیں۔
بائیک رائیڈر کے ہاتھوں لٹنے والا شہری بغیر قیمض اور ننگے پاؤں سی ویو چوکی پہنچا ، پولیس نے کہا کہ متاثرہ شہری کی درخواست وصول کرلی ہے، کارروائی جاری ہے۔
2025 کے پہلے 3 ماہ میں کتنے پاکستانی بیرون ملک نوکری کیلئے گئے؟ اعداد وشمار جاری