ذوالفقار علی بھٹو کی برسی پر بلاول اور آصف زرداری اہم اعلان کریں گے، رہنما پی پی پی
اشاعت کی تاریخ: 9th, March 2025 GMT
کراچی:
پاکستان پیپلزپارٹی (پی پی پی) سندھ کے سیکریٹری جنرل وقار مہدی نے کہا ہے کہ 4 اپریل کو ذوالفقار علی بھٹو کی برسی کے موقع پر پارٹی کے چیئرمین بلاول بھٹو زرداری اور صدر مملکت آصف علی زرداری اہم اعلان کریں گے۔
پیپلز سیکرٹریٹ کراچی میں صوبائی وزیر سعید غنی کی زیرصدارت پی پی پی کراچی ڈویژن کا اہم اجلاس ہوا جہاں دیگر رہنماؤں نے بھی شرکت کی۔
صوبائی وزیر سعید غنی نے کہا کہ 4 اپریل کو بانی اور قائد شہید ذوالفقار علی بھٹو کی برسی شایان شان طریقے سے منائی جائے گی، برسی کی مرکزی تقریب گڑھی خدا بخش میں شہید ذوالفقار علی بھٹو کے مزار کے باہر گراؤنڈ میں منعقد ہوگی۔
انہوں نے کہا کہ برسی کی تقریب سے چیئرمین بلاول بھٹو زرداری، شریک چیئرمین اور صدر پاکستان آصف علی زرداری اور پارٹی کی دیگر اعلیٰ قیادت خطاب کرے گی، کراچی کے تمام اضلاع سے قافلے 2 اور 3 اپریل سے گڑھی خدا بخش کے لیے روانہ ہونا شروع ہوجائیں گے۔
اس موقع پر پیپلز پارٹی سندھ کے جنرل سیکریٹری سید وقار مہدی نے کہا کہ اس سال شہید ذوالفقار علی بھٹو کی برسی کے موقع پر چیئرمین بلاول بھٹو زرداری اور شریک چیئرمین آصف علی زرداری اہم اعلان کریں گے۔
.
ذریعہ: Express News
کلیدی لفظ: نے کہا
پڑھیں:
حکومت کینالزمنصوبہ روکے ورنہ پی پی آپ کیساتھ نہیں چلےگی، ہم سندھ اور وفاق بچانے کیلئے نکلے ہیں،بلاول بھٹو
چیئرمین بلاول بھٹو زرداری نے کہا کہ پی پی کا مطالبہ ہےحکومت کینالز منصوبےکو روکے،ہمارے اعتراضات سنے جائیں ورنہ پی پی آپ کے ساتھ نہیں چلےگی، ہم سندھ اور وفاق کو بچانے کیلئے نکلے ہیں۔
حیدرآباد میں پیپلزپارٹی کے جلسے سے خطاب کرتے ہوئے چیئرمین بلاول بھٹو زرداری نے کہا کہ عمرکوٹ ضمنی الیکشن میں کامیابی پر کارکنان کو مبارکباد دی اور کہا کہ سندھ کے عوام ثابت کر چکے ہیں کہ ووٹ صرف تیر کا ہے، یوسف تالپور سینئر ممبران اسمبلی تھے اور 17 جماعتوں کے سیاسی یتیموں کا شکر گزار ہوں۔
چیئرمین بلاول بھٹو زرداری کا کہنا تھا کہ سوشل میڈیا اور میڈیا والے کافی کنفیوز تھے کہ سندھ میں عوام پی پی کو شکست دلوائیں گےعمرکوٹ کی حد تک پی ٹی آئی اور ن لیگ ایک پیج پر تھے اور ان کی کوشش تھی کہ پی پی اور تیر کو شکست دلوائیں، مگر عمرکوٹ کے عوام نے ان کو تاریخی شکست دی ہے۔
انہوں نے کہا کہ شکست کے بعد یہ منہ دکھانے کے لائق بھی نہیں رہے آپ نے اسلام آباد والوں کو شکست دی ہے اور ان منافق سیاستدانوں کو شکست دی جو فاصلے بڑھانا چاہتے تھے عوام نے ثابت کیا کہ آج بھی وہ شہید بی بی اورپاکستان کھپے کہنے والے شخص کے ساتھ کھڑے ہیں پی پی کو جتوا کر عوام نے کینالز منصوبہ مسترد کیا۔
پیپلزپارٹی کے جلسے سے خطاب کرتے ہوئے چیئرمین بلاول بھٹو زرداری نے کہا کہ عوام کے حقوق کی جدوجہد ہمیشہ پی پی نے کی ہےوہ کہتے ہیں پاکستان میں انقلاب لانا ہے تو حیدرآباد کو ساتھ ملانا ہے، اور حیدرآباد نے ثابت کر دیا کہ وہ پی پی اور شہید بی بی کے ساتھ ہیں ہم پاکستان کھپے کہنے والے ہیں۔
انہوں نے کہا کہ بھٹو شہید ہوا تو لاہور کے جیالوں نے خود کو جلا کر احتجاج کیا، بی بی کو شہید کیا گیا تو کوشش کی گئی کہ ہمارے اندر سےنا کھپے کے نعرے لگوائے جائیں آصف زرداری نے جمہوریت بحال کی، مشرف کو بھگایا اور 18ویں ترمیم دی۔
بلاول نے کہا کہ ہم نے ہمیشہ مل کر جدوجہد کی، مشرف اور ضیا کو شکست دی اور طے کیا تھا کہ سلیکٹڈ کو بھگانا ہے میں نے وعدہ کیا تھا کہ عدم اعتماد لاؤں گا اور سلیکٹڈ کو بھگاؤں گا بانی نے بھی 6 میں سے 2 کینالز کی منظوری دی تھی، اس وقت بھی ہم نے ان کے خلاف احتجاج کیا تھا۔
پیپلزپارٹی کے جلسے سے خطاب کرتے ہوئے چیئرمین بلاول بھٹو زرداری نے کہا کہ پانی کی منصفانہ تقسیم ہماری قومی ذمہ داری ہے، یہ ایسا مسئلہ ہے جو وفاق اور عالمی سطح پر پاکستان کو خطرے میں ڈال سکتا ہے بانی نے جب کینالز کی منظوری دی تو جیالوں نے ڈٹ کر مقابلہ کیا۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج