فتح جنگ میں ملاوٹ مافیا اور منافع خوروں کے خلاف سخت کریک ڈاؤن
اشاعت کی تاریخ: 9th, March 2025 GMT
فتح جنگ میں ملاوٹ مافیا اور منافع خوروں کے خلاف سخت کریک ڈاؤن WhatsAppFacebookTwitter 0 9 March, 2025 سب نیوز
فتح جنگ (نمائندہ خصوصی) وزیراعلیٰ پنجاب مریم نواز کی خصوصی ہدایت پر ڈپٹی کمشنر اٹک عاطف رضا اور اسسٹنٹ کمشنر فتح جنگ حمیرہ شاہ کی زیر نگرانی تحصیل بھر میں ناجائز منافع خوری، ملاوٹ مافیا اور غیر معیاری اشیائے خورونوش فروخت کرنے والوں کے خلاف بھرپور کریک ڈاؤن جاری ہے۔ رمضان المبارک کے مقدس مہینے میں عوام کو خالص اور محفوظ خوراک کی فراہمی یقینی بنانے کے لیے پرائس کنٹرول مجسٹریٹ و تحصیلدار چوہدری شفقت محمود نے کھوڑ روڈ، مین بازار، جی ٹی روڈ، اور ملحقہ علاقوں میں اچانک چھاپے مارے، جہاں مختلف دکانوں، بیکریوں، دودھ دہی کی دکانوں اور کریانہ سٹورز پر ناقص اور غیر معیاری اشیاء فروخت کرنے کی شکایات موصول ہو رہی تھیں۔ دورانِ چیکنگ متعدد دکانوں میں غیر معیاری اور ملاوٹ شدہ اشیاء کی فروخت پائی گئی، جس پر فوری کارروائی کرتے ہوئے بھاری جرمانے عائد کیے گئے، جبکہ کئی اشیاء کو موقع پر ہی ضبط کر کے تلف کر دیا گیا۔
ایک بیکری کو مضر صحت اشیاء فروخت کرنے پر فوری طور پر سیل کر دیا گیا، تاہم بعد ازاں بیکری مالک کی جانب سے غربت کا عذر پیش کیے جانے پر انتظامیہ نے نرمی برتی اور دکان کو ڈی سیل کر دیا۔ انتظامیہ نے واضح کر دیا ہے کہ رمضان المبارک کے دوران کسی بھی قسم کی ناجائز منافع خوری، ملاوٹ یا غیر معیاری اشیاء کی فروخت برداشت نہیں کی جائے گی۔ عوام کو سستے داموں معیاری اشیائے خورونوش فراہم کرنے کے لیے مارکیٹوں کی سخت مانیٹرنگ کی جا رہی ہے، جبکہ خلاف ورزی کے مرتکب عناصر کے خلاف سخت ترین کارروائیاں جاری رہیں گی۔ اسسٹنٹ کمشنر حمیرہ شاہ نے خبردار کیا ہے کہ اگر کوئی دکاندار عوام کی صحت سے کھیلنے کی کوشش کرے گا تو اس کے خلاف نہ صرف بھاری جرمانے عائد کیے جائیں گے بلکہ بیکریوں، ہوٹلوں اور دکانوں کو بھی سیل کر دیا جائے گا۔
ڈپٹی کمشنر اٹک عاطف رضا نے عوام سے اپیل کی ہے کہ وہ ملاوٹ مافیا اور ناجائز منافع خوروں کے خلاف ضلعی انتظامیہ کے ساتھ تعاون کریں اور کسی بھی خلاف ورزی کی فوری اطلاع دیں۔ ان کا کہنا تھا کہ رمضان المبارک کے دوران کسی کو بھی عوام کو لوٹنے یا غیر معیاری اشیاء فروخت کرنے کی اجازت نہیں دی جائے گی، اور جو بھی قانون شکنی کرے گا اس کے خلاف بلا امتیاز سخت کارروائی کی جائے گی۔
.ذریعہ: Daily Sub News
پڑھیں:
فلسطین کے معاملے پر امت مسلمہ کو فیصلہ کن اقدامات کرنے ہوں گے ،اسپیکر ایاز صادق
فلسطین کے معاملے پر امت مسلمہ کو فیصلہ کن اقدامات کرنے ہوں گے ،اسپیکر ایاز صادق WhatsAppFacebookTwitter 0 19 April, 2025 سب نیوز
استنبول (سب نیوز)قومی اسمبلی کے اسپیکر ایاز صادق نے استنبول میں فلسطین کی حمایت میں ہونے والے اجلاس میں فلسطین سمیت دیگر ممالک کے اسپیکرز سے ملاقات میں کہا کہ پاکستان فلسطینیوں کے حق میں آواز بلند کرتا رہے گا اور امت مسلمہ کو اس معاملے پر فیصلہ کن اقدامات کرنے ہوں گے۔
ترکیے کے شہر استنبول میں فلسطین کی حمایت میں منعقدہ اجلاس میں اسپیکر قومی اسمبلی سردار ایاز صادق نے شریک ممالک کے اسپیکرز، پریذائیڈنگ افسران سے اہم ملاقاتیں کیں اور فلسطین کی تشویش ناک صورت حال سمیت باہمی دلچسپی کے دیگر امور پر تبادلہ خیال کیا گیا۔ اسپیکر قومی اسمبلی نے ترکیے کے اسپیکر کے فلسطین کے معاملے پر اہم اجلاس منعقد کرنے کے اقدام کو سراہا اور کہا کہ اجلاس کا مقصد فلسطینی عوام کے ساتھ عالمی یکجہتی کا اظہار تھا اور انہوں نے پاکستان کی فلسطینیوں کے ساتھ غیرمتزلزل حمایت کا عزم دہرایا۔
انہوں نے کہا کہ مسلم امہ کو فلسطین پر متحد ہو کر مشترکہ لائحہ عمل اپنانے کی ضرورت ہے، فلسطینیوں پر ریاستی دہشت گردی دنیا کے جدید اصولوں کے منافی ہے، فلسطین کے معاملے پر امت مسلمہ کو فیصلہ کن کرنے ہوں گے۔اسپیکر قومی اسمبلی ایاز صادق نے فلسطین کے اسپیکر سے ملاقات کی اور فلسطینی عوام سے یک جہتی کا اظہار کیا اور کہا کہ پاکستان کے عوام فلسطینی ماں، بچوں اور بزرگوں کا درد محسوس کرتے ہیں۔
ان کا کہنا تھا کہ پاکستان کے عوام کے دل فلسطینی عوام کے ساتھ دھڑکتے ہیں، پاکستان کی پارلیمان اور عوام مشکل گھڑی میں فلسطین کے عوام کے ساتھ کھڑے ہیں اور پاکستان فلسطینی عوام کی اخلاقی، سیاسی اور سفارتی حمایت جاری رکھے گا۔ایاز صادق نے کہا کہ پاکستان کی پارلیمان نے فلسطینیوں کے حق میں متعدد قراردادیں منظور کیں ہیں، اسرائیلی فورسز نے غزہ میں بربریت کا بازار گرم کر رکھا ہے، فلسطین کی حالت زار پر اقوام عالم کی مجرمانہ خاموشی سمجھ سے بالاتر ہے۔اس موقع پر فلسطین کے اسپیکر نے پاکستان کے فلسطینی عوام کے لیے دردمندانہ جذبات کو سراہا۔
اسپیکر قومی اسمبلی ایاز صادق نے ترکیہ کے ہم منصب سے بھی ملاقات کی اور فلسطین کی تشویش ناک صورت حال پر مشترکہ حکمت عملی پر زور دیتے ہوئے کہا کہ فلسطین میں انسانی المیہ جنم لے چکا ہے۔اماراتی ہم منصب سے ملاقات میں ایاز صادق نے فلسطین میں فوری جنگ بندی پر زور دیا، اسی طرح ملائیشیا کے ہم منصب سے ملاقات میں دونوں رہنماوں نے فلسطین پر پارلیمانی سطح پر تعاون پر اتفاق کیا۔اسپیکر ایاز صادق نے انڈونیشیا کے اسپیکر سے بھی ملاقات کی، جہاں اسلاموفوبیا پر اظہار تشویش اور فلسطینی عوام سے یکجہتی کا اظہار کیا گیا۔
انہوں نے کہا کہ مشترکہ کوششوں کے ذریعے اقوام عالم کو مظلوم اقوام کے حق خود ارادیت کے لیے بیدار کرنا پڑے گا، پاکستان پارلیمانی سفارت کاری کے ذریعے فلسطینیوں کے حق میں آواز بلند کرتا رہے گا۔
سعودی آئل کمپنی ”آرامکو “ کی بھارت میں مزیددو آئل ریفائنریوں میں سرمایہ کاری کے لیے بات چیت