کراچی میں ٹریفک حادثات میں 2 کمسن بہن بھائی سمیت 5 افراد جاں بحق
اشاعت کی تاریخ: 8th, March 2025 GMT
شہر کے مختلف علاقوں میں ٹریفک حادثات میں 2 کمسن سگے بہن اور بھائی سمیت 5 افرار جاں بحق جبکہ 4 کمسن بہن بھائی سمیت 11 افراد زخمی ہوگئے۔
تفصیلات کے مطابق اسٹیل ٹاؤن کے علاقے گلشن حدید لنک روڈ کے قریب ٹریفک حادثے میں موٹر سائیکل پر سوار 2 کمسن بہن بھائی شدید زخمی ہوئے، بچی اسپتال منتقلی کے دوران جبکہ بڑا بھائی دوران علاج دم توڑ گیا۔
ایس ایچ او اسٹیل ٹاؤن الن خان عباسی نے بتایا کہ متوفی کمسن بچی کی شناخت 6 سالہ گل زادی جبکہ بھائی کی شناخت 12 سالہ عبدالرزاق ولد رضا محمد کے نام سے کی گئی۔
انھوں نے بتایا کہ دونوں بہن بھائی گھگھر پھاٹک کے رہائشی تھے اور مخالف سمت سے آتے ہوئے ان کی کار سے ٹکر ہوگئی جس کے نتیجے میں دونوں بہن بھائی شدید زخمی ہو کر جاں بحق ہوگئے۔
انھوں نے بتایا کہ پولیس نے حادثے کے ذمہ دار ڈرائیور کو حراست میں لیکر کار کو اپنے قبضے میں لے لیا جبکہ ضابطے کی کارروائی کے بعد لاش ورثا کے حوالے کر دی اور اس حوالے سے مزید تحقیقات کا عمل جاری ہے۔
پورٹ قاسم کے قریب ٹریفک حادثے میں نوجوان جاں بحق ہوگیا جس کی لاش ایدھی کے رضا کاروں نے ضابطے کی کارروائی کے لیے قریبی تھانے منتقل کی۔ ریسکیو حکام کا کہنا ہے کہ متوفی کی شناخت 23 سالہ ہاشم ولد سخاوت کے نام سے کی گئی جو ٹریلر کا کلینر تھا اور اپنے ٹریلر کے پہیوں تلے کچل کر جاں بحق ہوگیا۔
اس حوالے سے پولیس مزید تحقیقات کر رہی ہے ، ناردرن بائی پاس افغان کٹ انڈس چوک کے قریب ٹریفک حادثے میں ایک شخص جاں بحق ہوگیا ، متوفی کی لاش ایدھی ایمبولینس کے ذریعے عباسی شہید اسپتال لیجائی گئی۔
ریسکیو حکام کا کہنا ہے کہ متوفی کی فوری طور پر شناخت نہیں ہو سکی جو کہ کار میں سوار تھا جس کی عمر 28 سال ہے جبکہ حادثہ کار اور ٹریلر میں تصادم کے نتیجے میں پیش آیا تھا۔
پولیس واقعہ کی مزید تحقیقات کر رہی ہے ، سپر ہائی وے جمالی پل کے قریب ٹریفک حادثے میں ایک شخص جاں بحق ہوگیا جس کی لاش ایدھی کے رضا کاروں نے عباسی شہید اسپتال پہنچائی۔ ایس ایچ او سائٹ سپر ہائی وے صنتعی ایریا خالد عباسی نے بتایا کہ حادثہ موٹر سائیکل سلپ ہونے کی وجہ سے پیش آیا تھا جبکہ متوفی کی کی شناخت 28 سالہ شفیق احمد کے نام سے کی گئی متوفی اپنے دوست کے ہمراہ موٹر سائیکل پر سپر ہائی وے پر قائم نجی ہاؤسنگ سوسائٹی سے اپنی رہائش گاہ خادم سولنگی گوٹھ جا رہے تھے کہ موٹر سائیکل سلپ ہونے کی وجہ سے حادثے کا شکار ہوگئے۔
قیوم آباد پل کے قریب ٹریفک حادثے میں 4 کمسن بھائی اور بہن زخمی ہوگئے جنھیں ایدھی کے رضا کاروں نے فوری طبی امداد کے لیے جناح اسپتال پہنچایا جہاں ان کی شناخت 15 سالہ توقیر ، 11 سالہ تسکین ، 7 سالہ ابیہ اور 5 حمزہ کے نام سے کی گئی جبکہ حادثہ قیوم آباد پل اترتے ہوئے ڈیفنس کی جانب جاتے ہوئے موٹر سائیکل بے قابو ہو کر دیوار سے ٹکرانے کے باعث پیش آیا تھا۔
دریں اثنا سپرہائی وے دنبہ گوٹھ رمضان چورنگی کے قریب 2 ٹرکوں کے درمیان تصادم میں 7 افراد زخمی ہوگئے جس کی اطلاع ملتے ہی پولیس نے موقع پر پہنچ کر زخمیوں کو چھیپا ایمبولینسوں کے ذریعے فوری طبی امداد کے لیے جناح اور عباسی اسپتال منتقل کیا گیا۔
ریسکیو حکام کا کہنا ہے کہ زخمیوں کی شناخت 32 سالہ آصف ولد ولد اظہر حسین ، 28 سالہ حیات ولد ولایت ، 26 سالہ شاہد ولد فقیر محمد ، 30 سالہ رفیق ولد غلام قادر ، 30 سالہ عابد ولد غفور ، 25 سالہ قمر ولد شہباز اور 30 سالہ فیصل ولد مقبول کے نام سے کی گئی۔
.ذریعہ: Express News
کلیدی لفظ: کے قریب ٹریفک حادثے میں کے نام سے کی گئی جاں بحق ہوگیا موٹر سائیکل نے بتایا کہ بہن بھائی کی شناخت متوفی کی کہ متوفی
پڑھیں:
پاکستان سمیت دنیا بھر میں مسیحی برادری آج ایسٹر کا تہوار منا رہی ہے
لاہور (نیوز ڈیسک) پاکستان سمیت دنیا بھر میں مسیحی برادری آج ایسٹر کا تہوار منا رہی ہے۔
دن کی مناسبت سے ملک بھر کے گرجا گھروں میں ایسٹر عبادات اور تقریبات ہوئیں جس میں ملکی ترقی و خوشحالی کیلئے دعائیں کی گئیں، اس حوالے سے گرجا گھروں میں سکیورٹی کے سخت انتظامات بھی کئے گئے ہیں۔
صدر مملکت آصف علی زرداری اور وزیراعظم شہباز شریف نے مسیحی برادری کو ایسٹر کی مبارکباد پیش کی ہے۔
اپنے بیان میں صدر مملکت آصف علی زرداری کا کہنا تھا کہ مسیحی برادری پاکستان کا قیمتی اثاثہ ہے، آئین پاکستان تمام اقلیتوں کے حقوق کی ضمانت دیتا ہے، ملک کی ترقی و خوشحالی کیلئے اقلیتوں سمیت پوری قوم کو مل کر کام کرنا ہوگا۔
وزیراعظم شہباز شریف کا اپنے بیان میں کہنا تھا کہ ایسٹر تجدید اور اُمید کی علامت ہے، حضرت عیسیٰ علیہ السلام کا پیغام رحمت، انکساری اور محبت کا سرچشمہ ہے۔
انہوں نے کہا کہ مسیحی برادری کی محنت، دیانت اور خدمات ہمارے لئے قابلِ فخر سرمایہ ہیں، یہ موقع ہمیں ایثار، درگزر اور امن جیسی آفاتی اقدار پر عمل پیرا ہونے کی ترغیب دیتا ہے۔
وزیراعظم شہباز شریف نے پاکستان کی تعمیر و ترقی میں مسیحی برادری کے نمایاں کردار کو خراجِ تحسین پیش کیا اور کہا کہ یقین ہے مسیحی برادری پُرامن، خوشحال پاکستان کی تشکیل میں اپنا کردار جاری رکھے گی۔
وفاقی وزیر داخلہ محسن نقوی نے مسیحی برادری کو ایسٹر کی مبارکباد دیتے ہوئے مسیحی بہن بھائیوں کیلئے نیک تمناؤں کا اظہار کیا۔
ان کا کہنا تھا کہ ایسٹر امید کی علامت ہے اور خوشیاں بانٹنے کا تہوار ہے، ایسٹر مسیحی برادری کیلئے انعام ہے اور یہ مذہبی تہوار محبت و بھائی چارے کا پیغام ہے، حضرت عیسٰی علیہ السلام کی تعلیمات انسانیت، محبت اور بھائی چارے کا درس دیتی ہیں۔
محسن نقوی نے کہا کہ مسیحی برادری نے نہ صرف تحریک پاکستان میں اپنا حصہ ڈالا بلکہ ملک کی تعمیر و ترقی میں بھی اپنا بھرپور کردار ادا کر رہی ہے، وطن عزیز سے مسیحی برادری کی محبت شک و شبہ سے بالاتر ہے، ہمیں بھائی چارے اور اتحاد کے پیغام کو عام کرنے کا عہد کرنا ہے۔
اپنے پیغا میں وزیراعلی پنجاب مریم نواز شریف نے مسیحی برادری کو ایسٹر کی مبارکباد دی اور کہا کہ ایسٹر کا تہوار خوشی اور امید کا استعارہ ہے، ایسٹر سمیت ہر تہوار میں محبت و بھائی چارے کا پیغام پوشیدہ ہے۔
Post Views: 4
2025 کے پہلے 3 ماہ میں کتنے پاکستانی بیرون ملک نوکری کیلئے گئے؟ اعداد وشمار جاری