شام میں ترکیہ اور بعض دیگر ممالک کی مداخلت کے سبب حالات خراب ہو رہے ہیں، سید عباس عراقچی
اشاعت کی تاریخ: 8th, March 2025 GMT
فرانسوی میڈیا سے اپنی ایک گفتگو میں ایرانی وزیر خارجہ کا کہنا تھا کہ ہم چاہتے ہیں کہ شام سے بیرونی قوتوں کے قبضے کا خاتمہ ہو اور وہاں کی عوام ترقی کی منازل طے کرے۔ اسلام ٹائمز۔ اسلامی جمہوریہ ایران کے وزیر خارجہ "سید عباس عراقچی" نے فرانسوی نیوز ایجنسی سے بات کرتے ہوئے ایرانی جوہری پروگرام پر حملوں کی دھمکی کے جواب میں کہا کہ ہمارا ایٹمی پروگرام دو دلائل کی بنیاد پر کسی عسکری کارروائی کے نتیجے میں ختم نہیں ہو سکتا۔ اولاََ اس شعبے میں ہم نے جو ٹیکنالوجی حاصل کی ہے اسے بمباری سے تباہ نہیں کیا جا سکتا کیونکہ وہ سب کچھ تو ذہنوں میں ہے۔ ثانیاََ ہمارے ایٹمی پلانٹس ملک بھر میں پھیلے ہوئے ہیں جن کی حفاظت کا مناسب انتظام ہے۔ اسلئے ہمیں اطمینان ہے کہ ہماری ایٹمی ٹیکنالوجی کو کوئی خطرہ نہیں۔ انہوں نے مزید کہا کہ ایران پر کوئی بھی حملہ خطے کو وسیع آگ میں دھکیل سکتا ہے۔ تاہم ہمیں خطے کو جنگ کے خطرے میں دھکیلنے کی خواہش نہیں بلکہ یہ اسرائیل ہے جو امریکہ کو جنگ میں جھونکنا چاہتا ہے۔ بلکہ یہ بالکل امریکہ کو جنگ میں گھسیٹنے کا اسرائیلی منصوبہ ہے اور اگر امریکہ جنگ میں کودتا ہے تو اسے شدید نقصان ہو گا۔ نیز منصوبہ ساز بھی اس بات کو جانتے ہیں۔
شام کی صورت حال پر سید عباس عراقچی نے کہا کہ مجھے نہیں لگتا کہ وہاں ہونے والے واقعات کے پیچھے ترکیہ اور بعض دیگر ممالک کی براہ راست مداخلت کے بارے میں کسی کو معلوم نہ ہو۔ لہٰذا اس وقت اسرائیل کے ہاتھوں شام پر وسیع قبضے اور دفاعی و علمی مراکز پر حملے جیسی جو مشکلات پیش آ رہی ہے فطری طور پر اس کے ذمے دار وہی ممالک ہیں جنہوں نے شام کو اس نہج تک پہنچایا۔ البتہ اس بات کا مطلب یہ نہیں کہ ہم ترکیہ کے خلاف ہیں۔ انہوں نے کہا کہ ہم شام میں امن و استحکام چاہتے ہیں۔ ہم اس ملک کی خودمختاری کے خواہاں ہیں۔ ہم شام کی تقسیم کے مخالف ہیں۔ ہم چاہتے ہیں کہ شام سے بیرونی قوتوں کے قبضے کا خاتمہ ہو اور وہاں کی عوام ترقی کی منازل طے کرے۔ سب سے آخر میں ہم شام میں ایک جامع و وسیع عوامی حکومت کا قیام چاہتے ہیں۔ ہم ہر اس عسکری مہم جوئی کی مذمت کرتے ہیں جس کے نتیجے میں بے گناہ لوگوں کا قتل عام ہوتا ہے۔ ایسے اقدامات کی روک تھام ہونی چاہئے۔
ایرانی وزیر خارجہ نے صراحت کے ساتھ کہا کہ امریکہ کی ایران مخالف دباؤ کی پالیسی اور پابندیوں کے سائے میں جوہری مذاکرات نہیں ہو سکتے۔ البتہ اس بات کا یہ مقصد بھی نہیں کہ ایران، امریکہ کے علاوہ کسی اور کے ساتھ بات کرنے کو تیار نہیں۔ ہم 3 یورپی ممالک جرمنی، فرانس و برطانیہ سمیت چین و روس سے بات چیت کریں گے۔ میں یہ سمجھتا ہوں کہ ان ممالک سے مذاکرات کر کے کوئی راستہ بھی نکلے گا۔ سید عباس عراقچی نے وضاحت کے ساتھ کہا کہ امریکی حکومت جب تک ہم پر دباؤ بڑھاتی رہے گی۔ ہم اس وقت تک اپنی مقاومت جاری رکھیں گے۔ اگر امریکہ چاہتا ہے کہ وہ ایران کے ساتھ جوہری مذاکرات میں واپس آئے تو اسے مذاکرات میں طے شدہ شرائط کی منصفانہ طور پر پاسداری کرنا ہو گی۔ انہوں نے کہا کہ ہم نے ثابت کیا کہ ہم دھمکی اور دھونس کا جواب نہیں دیتے۔ ہم صرف شرافت کی زبان سمجھتے ہیں۔
ذریعہ: Islam Times
کلیدی لفظ: سید عباس عراقچی چاہتے ہیں کے ساتھ ہیں کہ کہا کہ
پڑھیں:
بھارت پر امریکی شہری کے قتل کیلئے انعام مقرر کرنے کا الزام، سکھ تنظیموں کی امریکہ سے مداخلت کی اپیل
امریکہ میں قائم سکھوں کی تنظیم ”سکھس فار جسٹس“ (SFJ) نے الزام عائد کیا ہے کہ بھارت کی حکمران جماعت بی جے پی کے ایک سینئر رہنما نے ایک امریکی شہری کے قتل پر 2 لاکھ 50 ہزار ڈالر کا انعام مقرر کیا ہے۔ یہ دعویٰ ایک ایسے وقت میں سامنے آیا ہے جب امریکہ کے نائب صدر جے ڈی وینس 21 اپریل کو بھارت کے دورے پر روانہ ہو رہے ہیں۔
ایس ایف جے کا کہنا ہے کہ یہ مبینہ انعام ان کے مرکزی رہنما گرپتونت سنگھ پنوں کو نشانہ بنانے کے لیے رکھا گیا ہے، جسے تنظیم نے ٹرانس نیشنل ریپریشن یعنی سرحد پار جبر کا کھلا مظہر قرار دیا ہے۔
ایس ایف جے کے جنرل کونسل اور انسانی حقوق کے معروف وکیل گرپتونت سنگھ پنوں کی جانب سے نائب صدر وینس کو ارسال کردہ خط میں اس اقدام کو امریکی خودمختاری اور قومی سلامتی کے خلاف براہ راست مجرمانہ اقدام قرار دیا گیا ہے۔
خط میں نائب صدر سے مطالبہ کیا گیا ہے کہ وہ اس مبینہ انعامی اعلان کو ریاستی سرپرستی میں ہونے والی بین الاقوامی دہشت گردی کے زمرے میں شامل کرتے ہوئے بھارت کو کھلے الفاظ میں ممکنہ نتائج سے آگاہ کریں۔ ان نتائج میں امریکی وفاقی قوانین کے تحت قانونی چارہ جوئی، اقتصادی پابندیاں، اور ملوث عناصر کو غیر ملکی دہشت گرد تنظیم قرار دینا شامل ہیں۔
ایس ایف جے نے اپنے خط میں زور دیا ہے کہ امریکی حکومت کو صرف سفارتی یا معاشی مفادات نہیں بلکہ جمہوری اقدار اور شہری آزادیوں کے تحفظ کو بھی ترجیح دینی چاہیے، خصوصاً اُن افراد کی سلامتی کے لیے جو خالصتان ریفرنڈم کے لیے سرگرم ہیں۔
Post Views: 3
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج