امیر گیلانی کو سگنل دیتی رہی پھر بھی اس نے اظہار محبت نہیں کیا، ماورا حسین
اشاعت کی تاریخ: 8th, March 2025 GMT
لاہور(نیوز ڈیسک)حال ہی میں شادی کے بندھن میں بندھنے والی اداکارہ ماروا حسین نے انکشاف کیا ہے کہ وہ کافی عرصے تک ناز نخرے اور ادائیں دکھا کر امیر گیلانی کو محبت کے سگنل دیتی ہیں لیکن اس باوجود ان کے شوہر نے ان سے اظہار محبت نہیں کیا۔
ماورا حسین نے حال ہی میں بھارتی میڈیا کو دیے گئے انٹرویو میں اپنی محبت کی کہانی بتائی۔ اداکارہ کا کہنا تھا کہ امیر گیلانی قدرے شرمیلے شخص ہیں، وہ کم بولتے ہیں، ان سے زیادہ بولا نہیں جاتا۔
ان کے مطابق اگر امیر گیلانی کسی سے چند منٹ تک بات کرلیں تو سمجھیں انہوں نے بہت زیادہ بات کرلی، وہ اس قدر خاموش رہتے ہیں۔
انہوں نے بتایا کہ امیر گیلانی اور ان کے درمیان انتہائی اچھے دوستانہ تعلقات تھے لیکن پھر وہ اداکار کو پسند کرنے لگیں۔
ماورا حسین کے مطابق جب وہ امیر گیلانی کو پسند کرنے لگیں تو ان کے سامنے ادائیں دکھانے اور ناز نخرے کرنے لگیں تاکہ وہ سمجھ جائیں کہ اداکارہ ان سے محبت کرتی ہیں۔
انہوں نے انکشاف کیا کہ ان کی جانب سے نخرے دکھانے کے باوجود ان کے شوہر نے ان سے اظہار محبت نہیں کیا۔
اداکارہ کے مطابق وہ خود بھی امیر گیلانی سے ڈر کے مارے اظہار محبت نہیں کر رہی تھیں، کیوں کہ انہیں یہ بھی ڈر تھا کہ اگر ایسا نہ ہوا تو وہ ایک اچھے دوست سے بھی محروم ہوجائیں گی۔
ماورا حسین نے بتایا کہ کچھ عرصے بعد امیر گیلانی کی والدہ نے انہیں بتایا کہ ان کا بیٹا ان سے محبت کرتا ہے۔
اداکارہ کے مطابق انہیں ان کی ساس نے بتایا کہ امیر گیلانی نے آج تک کسی بھی لڑکی سے ایسے دوستی نہیں کی، کسی کا ایسا خیال نہیں رکھا۔
ماورا حسین نے بتایا کہ ان کی ساس نے انہیں بتایا کہ امیر گیلانی ان سے محبت کرتے ہیں اور پھر ان کی شادی ہوگئی۔
اداکارہ نے ہنستے ہوئے بتایا کہ ان کے شوہر کی جانب سے اظہار محبت ان کی والدہ نے کیا۔
خیال رہے کہ امیر گیلانی اور ماورا حسین نے چند سال تعلقات میں رہنے کے بعد فروری 2025 میں شادی کی تھی، دونوں کی شادی کی تقریبات کی ویڈیوز اور تصاویر وائرل ہوئی تھیں۔
View this post on InstagramA post shared by Instant Bollywood (@instantbollywood)
مزیدپڑھیں:اسلام آباد: ریڈزون کے داخلی و خارجی راستے تاحکم ثانی بند
ذریعہ: Daily Ausaf
کلیدی لفظ: اظہار محبت نہیں ماورا حسین نے نے بتایا کہ کے مطابق نہیں کی
پڑھیں:
یو این او کو جانوروں کے حقوق کا خیال ہے، غزہ کے مظلوموں کا کیوں نہیں،سراج الحق
سابق امیر جماعت اسلامی کا کہنا ہے کہ 58 اسلامی ممالک چپ ہیں، فلسطین کے حق میں کیوں نہیں بولتے؟ پاکستانی حکمرانوں اور آرمی چیف سے مطالبہ کرتے ہیں کہ دو قدم آگے بڑھ کر فلسطینیوں کا ساتھ دیں، اسی ہزار ٹن سے زائد بارود نہتے فلسطینیوں پر استعمال ہو چکا ہے۔ اسلام ٹائمز۔ سابق امیر جماعت اسلامی سراج الحق کا کہنا ہے کہ گزشتہ 19 ماہ میں شہید ہونیوالے فلسطینیوں کو خراج عقیدت پیش کرتے ہیں، پاکستانی عوام سے مطالبہ کرتے ہیں کہ اسرائیلی پروڈکٹس کا مکمل بائیکاٹ کریں، سیاسی اور دینی رہنماؤں کو فلسطین کے معاملے پر ایک پیج پر ہونا ہوگا۔ امیر ھدیۃ الھادی پاکستان و سجادہ نشین درگاہ حضرت میاں میرؒ پیر سید ہارون علی گیلانی کی زیرصدارت" قومی مجلس مشاورت" کا انعقاد کیا گیا۔ مجلس میں نائب امیر جماعت اسلامی لیاقت بلوچ، سابق امیر جماعت اسلامی سراج الحق، خواجہ معین الدین، علامہ سید جواد نقوی، قاری یعقوب شیخ، عبدالحق ثانی اور حبیب عرفانی سمیت دیگر نے شرکت کی۔
اجلاس کے بعد میڈیا سے گفتگو کرتے ہوئے سابق امیرجماعت اسلامی سراج الحق کا کہنا تھا کہ 58 اسلامی ممالک چپ ہیں، فلسطین کے حق میں کیوں نہیں بولتے؟ اگر یو این او جانوروں کے حقوق کا خیال کر سکتا ہے توغزہ کے عوام کا کیوں نہیں؟ سراج الحق کا کہنا تھا کہ پاکستانی حکمرانوں اور آرمی چیف سے مطالبہ کرتے ہیں کہ دو قدم آگے بڑھ کر فلسطینیوں کا ساتھ دیں، اسی ہزار ٹن سے زائد بارود نہتے فلسطینیوں پر استعمال ہو چکا ہے۔ اجلاس میں مخدوم ندیم ہاشمی، ضیا اللہ شاہ بخاری، پیر غلام رسول اویسی، مولانا اللہ وسایا، حافظ عبدالغفار روپڑی، زاہد محمود قاسمی سمیت دیگر نے بھی شرکت کی۔
آزادئ مذہب اور آزادئ رائے کا مغربی فلسفہ